66. De s. Carolo Magno.

In 1. Vesperis.
Antiphonae.

1. Regali natus

de stirpe Deoque probatus,
Carolus illicitae

sprevit contagia vitae.

2. Angelici cultus

dulcedine miles adultus
Dum sublimatur,

caelesti pane cibatur.

3. Sacros effectus

virtutis Caesar adeptus,
Humani fastus

populares respuit astus.

4. Iustitiae parma

fidei munitus ad arma
Mentibus infestum

superavit criminis aestum.

5. Nec mundi terror

nec avarus muneris error

Fregerunt mentem

Christi mandata sequentem.
R. Te secutus miles iste

Et acceptus tibi, Christe,

Comparatur Elisaeo,

Opus egit dignum Deo,
V. Qui dum orat, languor cedit,

Mors fugatur, vita redit.

Ad Magnificat.
A. O spes adflictis,

timor hostibus, hostia victis,
Regula virtutis,

iuris via, forma salutis,
Carole, servorum
pia suscipe vota tuorum.

In Completorio.
Ad Nunc dimittis.
A. Rex confessor iustitiae,
Pelle noctem perfidiae,
Tuis fulti suffragiis
Eruamur ab impiis,

Ne daemonis illusio
Sit soporis abusio.

A d Matutinum.
Invitato rium.

Supplex exora

Deum, devotio pura,
Qui, quem dilexit,

Carolum super aethera vexit.

In 1. Nocturno.

Antiphonae.

1. Iuxta sanctarum

rivos plantatus aquarum,
Carolus in florem

vernum produxit odorem.

2. Visio monstrata

regi de rege beata
Consonat emeritae

Christo sine crimine vitae.

3. Qui Constantino

veniens habitu peregrino
Reddidit utrumque

regimen gentisque suumque.

Responsoria.

1. Francorum gemma, Carolus,
Puer gerens cor senile,
Sortis humanae sciolus
Gessit nihil puerile,
Mundum spernit, opes cavit
Sequens Christum, quem ama-
vit.
V. Divinae legis

amplectens iustitiam
Litavit Deo

se placentem hostiam.

2. Tota poscente Francia
Et applaudente curia
Sceptro regni decoratur
Et prae cunctis exaltatur,
Quem Deus regia
Dignatur gloria ;

V. Vitiorum triumphator
In agone
Consecratur imperator
A Leone.
3. Saecularis potentiae
Caesar fretus gladio,
Sic legis iustitiae

Cucurrit in stadio,
Ut salutis et gloriae
Potiretur bravio ;
V. Agonizans viriliter
Cuncta gessit fideliter.

In 2. Nocturno.
Antiphonae.

1. Martyrii signum

renovatur in arbore lignum
Usibus aptatum

belli ferroque dicatum.

2. Quam bonus et fortis,

quam sanctus in aggere
mortis
Hic fuit, hastatum

nemus indicat inde creatum.
3. Quos Christus donat

merito, quos poena coronat,
Effigie pulchra

perhibent inventa sepulcra.

Responsoria.
1. Fusa prece mentis bonae
Muri ruunt Pampilonae,
Spreto cultu infelici
Victor, victi sunt amici ;
V. Leone fortior,
Sed agno mitior,
Hostes Christo
Regenerat baptismo.
2. De petrarum duritie
Siccisque elementis
Aquarum fluenta viris

Produxit et iumentis
Imperator

Mitissimus
Et fidei propugnator
Sanctissimus.

V. Qui Moysi oraculo

Templum non urentem
Vidit ignem in tabernaculo

Caelos tangentem.
3. Divino clipei

super urbem sole rubentes
Absterrent hostes

conversa caede furentes,
V. Et totidem iuvenes

arcent a moenibus ignes.

In 3. Nocturno.
Antiphonae.

1. Aethereum rorem

lignum suscepit, odorem
Dans contra morem
produxit laurea florem.
2. Cuius odor late,

longe diffusus et alte
Aegris divinae

tulit auxilium medicinae.
3. Dum praesul plorat,

plebs psallit, clerus adorat,
Ad sacra rex tendit,

ehirotheca relicta pependit.

Responsoria.

1. O quam felicis

imperatorem memoriae,
O virum virtutis

et plenum gratiae,
Quem ales in solitudine
Solatur humano famine,
Qui sanctam urbem recensuit
Et patriarcham restituit ;
V. Inter multa

Constantini donaria
Divinae mortis

elegit supplicia.
2. Laetare, pia mater,

Aquensis ecclesia,
Exsulta, tam pii principis

habere suffragia,
Qui sua regali

munificentia

Te ditavit et beavit

in gloria,
V. Cuius labore, impensa

et opere
Meruisti universas

praecellere.

2. Gloriose

Christi confessor, Carole,
Iuris rector

et protector iustitiae,
Ad te clamantium exaudi

preces et vota tuorum,
V. Ut post huius

vitae dispendia
Tecum semper

fruamur gloria.

In Laudibus.

Antiphonae.

1. Praecinctus fortitudine
Et potitus victoria
Donatur sanctitudine
Rex Carolus in gloria.

2. Iubilemus altissimo
In athleta sanctissimo.
Cui missa per spiritum
Cerva duxit exercitum.

3. In deserto dum devias
Et exponis excubias,
Tibi Deus adparuit,
Ales viam exhibuit.

4. Passionis dominicae
Veneratus miracula,
Regem virtutis caelicae
Benedixit in saecula.

5. Passionis dominicae
Laudes dicamus Domino,
Qui culpae misit regiae
Chartam latorem veniae.

Ad Benedictus.

Sol defectu, luna tenebris
Fuscato mundi lumine,

Terra motu, caelum latebris,
Aer horrendo turbine,

Pandunt luctus casus funebris
Confuso rerum ordine.

In 2. Vesperis.
Super Psalmos.

A. Dissolutus in corpore

Gaudet cum Christo unice,
Christi confessor Carolus,
Cuius caeli consortio
Nos commendet oratio.
R. Confessor obsequio,
Caesar Carole,
Martyr affectu, gladio

Apostole,
Ad tuorum suspiria
Convertere,

V. Ut nos a palea
Et latere
Aegyptii torrentis
Eruamur virtute dexterae
Potentis.

Ad Magnificat.

A. O Dei sacer athleta, Carole,
O saxeae gentis apostole,
O vere confessor obsequio,
Virgo votis martyrque studio,
Qui, quem virtute potentis
Dexterae praedicasti,
Mentibus sacrilegis
Paraclitum inspirasti,
Mediante sancto Aegidio
Sanctionis dominicae mysterio,
Caelitus per angelum collatam
Implora nobis peccatorum
veniam.