68. De sancta Christina.

In 1. Vesperis.

Super Psalmos.

A. Adest dies celebris,
In quo virgo nobilis
Christina vicit tartara,
Quae nunc fulget in gloria.

R. O martyr Christi,

sacra virgo, quae meruisti
Vincere tormenta,

congaudens nunc super
aethra.
Pro nobis ora

rogando Deum necis hora,

V. Cum sis aurora

caelestis, virgo decora.

Ad Magnificat.

A. O benigna Christi cella,
Labe carens, et puella

Functa Dei nomine,
Martyr sacra sine spina,
Super caelos es, Christina,

Sine viri vomere,
Nos ad te clamantes audi,
Assistentes tuae laudi

Christo reconcilia.

Ad Matutinum.
Invitato rium.

Iubilemus Deo caeli,
Qui beatam suae sedi

Christinam iunxit gloriae.

In 1. Nocturno.
Antiphonae.

1. Haec beata martyr, Christe,
nomen tuum praedicabat
Et in universo mundo
admirabile laudabat.

2. Haec est, quam caeli enarrant,
Et opera eius decantant,
Intime dilexit Christum
Et oratione flexit istum.
3. Super caelos hanc locavit
Caelorum rex altissimus,
Et corona adornavit
Illam clemens Dominus.

Responsoria.

1. In diebus illis

Erat quaedam puella

Ex genere nobili
Orta, quam Deus amavit
Et in caelis adornavit,
Nomine Christina,
V. Quam sic dilexit

et ab omni sorde reflexit.

2. Quam locavit pater amens
in snblimi solio,
Volens illam adunare

idolorum atrio,
Sed reflexa per baptisma
iuncta Dei filio,
V. Sic dominum caeli

conspexit mente fideli.

3. Haec in turrim sublevata,

Cum pedissequa locata,

Idolatra spernens vana

Et abiecit mente sana,

V. Inde fremens pater et

statuens hanc ante tribunal.

In 2. Nocturno.

Antiphonae.

1. Haec iustitiam dilexit
Nec ad minas

tortorum respexit,
Sed ad Christi gloriam.

2. Deus, salus et refugium,
Hanc suscepisti post exitium,
Ut regnaret

tecum in perpetuum.

3. Fundatasupermontem sanctum.
Flebilem devincens planctum
Propter regni meritum.

Responsoria.

1. Ad tribunal iubet sisti
Pater eius vultu tristi:

Mihi die, o filia,
Cur me tantum illusisti,
Deos meos respuisti

Et eorum culmina,
Flecte mentem iam dementem,
Ut mecum sis in gloria.
V. Martyr ad haec: Verba

tua sunt mihi mentis acerba.
2. Tyrannus tandem intellexit,
Quod beata hunc despexit
Et eius supplicia,

Ad tribunal iussit stare,
Deos falsos adorare,
Sed invicta portas mortis
Transit agonista fortis,
V. Sensibus et cana

deridens idola vana.

3. Post dirum martyrium

Reginae athletae
Pater in exitium

Datur inquiete,
Alter substituitur

Velut leo ferus,
Volens illam perdere

Tortor ut severus,
7. Sed manet invicta

Christi testis benedicta.

In 3. No cturno.
Antiphonae.

1. Annuntiate et psallite
De dilecta filia,
Quam dilexit Dominus
Et pascit inter lilia.

2. Lux orta est gratiae
In beata martyre,
Quae vivit iam cum gloria
Igitur nunc in. aethere.

3. Iubilate Deo cum gloria
In sanctae martyris victoria,
Quae vicit in martyrio,
Regnat cum Dei filio.

Responsoria.

1. Iusserunt tandem tyranni
Quod capite abraso
Per devia duceretur,
Quo ad idola pertingeret,
Protinus idolum in terram
Et in pulverem redegit,

V. Hinc populus tremuit,
quod sic Apollo ruit.

2. Improbus alter Iulianus
Ignem fortem praep aravit
Et in illam beatam locavit,

Ut citius consummaretur ;
Angelus Domini astitit
Et flammam discussit,
V. Sic confortata

martyr super aethra vocata.

3. Ferox tyrannus

Iussit abscindi protinus
Mamillas Christi martyris,
Quae dabant lac

pro fluxu sanguinis,
Circumvecta sic et consumpta
Migrans ad caeli consortia,
Ubi manet perpetua ;
V. In testimonium

fuit hoc mirabile signum.

In Laudibus.
Antiphonae.

1. Induta stola fulgida
Christina sacratissima,
Triste relinquens saeculum,
Migrans ad patrem luminum.

2. Iubilate Deo caeli
In laude iam fideli,
Qui beatam suam famulam
Ad aeternam duxit patriam.

3. Haec est virgo carens carie,
Quae vigilavit catholice,
Deum timens mente tota,
Dans Deo caelesti vota.

4. Hymnum decantemus Deo
in martyris victoria,
Quae iam pausat et gaudet
in caelesti gloria.

5. Laude Deo plena

iubilate voce serena,
Qui dedit aeternae

Christinae gaudia vitae.

Ad Benedictus.

A. Benedictus Dominus
In suis mirabilibus,
Qui beatam in caelesti

Collocavit eminus
Martyrem Christinam
Cum electis omnibus,
Eius interventu
Sit nobis propitius.

Ad Primam.

A. O Christum, sponsa Christi,
Tres tyrannos quae vicisti,
Nos ut ipsos superemus,
Tibi quoque corregnemus,

Tua prece tu dignare
Clemens nobis impetrare.

In 2. Vesperis.

Ad Magnificat.

A. O quam digna martyr Christi,

Iam, Christina, tu vicisti

Tormentorum genera,
Nos consortes tuae sortis
Post mundi transitoria
Fac gaudere simul et stare
In aeterna gloria.