Congregatio de Causis Sanctorum 973

Insequentibus annis aedificatae sunt aedicula et domus sacerdotalis

ad assistendos viatores praecipue Reconciliationis Sacramento celebratione.

Serva Dei accepta est in Tertium Ordinem S. Dominici, in suo itinere mystico

perseveravit, cum Iesum Crucifixum videret et omni Feria VI Passionis do-

lores viveret, etiamque terribiles diabolicas vexationes. Mense Iulio anno

1692 propter ''Bellum novem Annorum'' Sabaudus exercitus totam regionem

occupavit et Benedicta in Massiliam fugere coacta est. Post duos menses,

rediens domum, novos sacerdotes ad sanctuarium curandum invenit. Illo

tempore, cum doctrina iansenistica et suspicio antireligiosa diffunderentur,

Serva Dei vocata est in iudicium ut mendax vates et non suae mentis compos.

Benedicta vetita est ad cenam Eucharisticam admitti et ita in solitudinem

recessit, ut pietatem Sanctae Virgini maiorem redderet, omnia in oboedientia

ferret, suam fidelitatem erga Ecclesiam et Episcopum viveret. Haec difficul-

tas auxit in ea precem, devotionem Eucharisticam, intimam coniunctionem

cum Deo, qui virtutibus caelestibus donavit eam una cum humili indole et

firma et serena spiritualitate. Post aliquos annos, sanctuarium traditum est

ab Episcopo Patribus Missionariis in loco Notre Dame de la Sainte Garde et

statim suspiciones iniuriaeque contra Servam Dei desierunt, sic Benedicta

cum animi tranquillitate extremos annos suae vitae consumpsit.

Aetate provecta meritisque onusta, in Domino obdormivit die 28 mensis

Decembris anno 1718 in loco v. d. Laus. Sanctitatis fama, apud Curiam

Dioecesis Vapincensis Processus Ordinarius instructus est a die 11 mensis

Septembris anno 1864 usque ad diem 13 mensis Martii 1866; Processus

Apostolicus a die 28 mensis Septembris anno 1871 usque ad diem 16 mensis

Februarii anno 1900; eorum iuridica validitas approbata est a Congregatione

de Causis Sanctorum per Decretum vulgatum die 6 mensis Februarii anno

1900. Instructa Positione, disputatum est secundum consuetum modum

procedendi an Serva Dei in gradu heroico virtutes coluerit.

Post intermissionis tempus, causa resumpta est per Decretum die 31

mensis Iulii anno 1981 et acta est Consultorum Historicorum Congregationis

Sessio die 25 mensis Februarii anno 1997. Cum exitu affirmativo, habitus est

die 28 mensis Martii anno 2008 Peculiaris Consultorum Theologorum Con-

gressus. Cardinales Patres et Episcopi in Ordinaria Sessione die 20 mensis

Ianuarii anno 2009, audita relatione Causae Ponentis, Exc.mi D.ni Andreae

Mariae Erba, Episcopi Emeriti Veliterni-Signini, edixerunt Servam Dei in

gradu heroico excoluisse virtutes theologales, cardinales et coniunctas.