69. De s. Christino cum fratribus.

In 1. Vesperis.

Antiphonae.

1. Illis horis et momentis,
Dum polleret sacrae mentis
Deo gratus imperator,
Henricus, Christi zelator,
Quini exstiterunt fratres,
Exemplares pii patres.

2. Nullum dolum sentientes
Inter mundi diras sentes
De partibus Poloniae
Nobis transmittis, Domine.

3. Barnabas hic erat senus,
Qui devotione plenus,
Licet poenas non sit passus,
Tamen Christum semper fassus.

4. Isti sancti martyres

Lncernae sunt et lampades

Virginum sapientium

In sponsa Christi degentium.

5. De supernis illis cura,
Se libabant mente pura
Christo suo munda tura.

R. Gratuletur Bohemia,

De pia Polonia

Hos viros sanctos advexit,

Regnum praesens hos allexit,

Laetetur tota vicinia,

Gaudeat Boleslavia

Fovens haec sacra corpora.
V. Per fratrum suffragia

Consequamur regna aetherea.

Ad Magnificat.

A. Adest dies venerabilis
Cunctis et laudabilis
In filiis Salomonis,
Qui munus benedictionis
A Christo perceperunt
Pro poenis, quas sustinuerunt
Ab impiis latronibus,
Hos sic magnificat Dominus.

Ad Matutinum.

Invitatorum.

Adest enim sollemnitas
fratrum beatorum,

Gaudium et exsultatio
irrorent nostrum chorum.

In 1. Nocturno.
Antiphonae.

1. Coetus iste monachorum
Non stetit in consilio impiorum,
Sed nulli cedens turbini
Mansit in lege Domini.

2. More canum fremuerunt
Fratres persequendo,
Sed ad caelos perduxerunt
Hos nesciendo.

3. Isti filii hominum
Gravi erant corde,
Dum praesentes martyres
Privant omni sorde.

Responsoria.

1. Hirta vestis non est pestis

In vere humilibus,
Rex caelestis verax testis

Exemplum dat martyribus ;
V. Veste cum abiecta

penetrabis caelestia tecta.

2. Isti muti sunt locuti

Praesente tantum hospite,
Et sic tuti sunt secuti
Christum iusto tramite ;
V. Hi de multis tacuerunt
Et se stultos aestimaverunt.

3. O laudabilis et rara

Vita, acceptabilis atque cara,
Dum carne domant spiritum !
Fulgent ergo fide clara,
Ut fecunda fecit Sara
Generando gaudium;
V. Vitam si quaeris,

fixam sursum mediteris.

In 2. N oc turno.
Antiphonae.

1. Clamorem tu intellige,
Rex regum, pie Domine,

Et vocem orationis,

Ut iungamur caeli thronis.

2. O quanta vis dulcedinis
Iure tui nominis,
Qui per universas terras
Sedas cunctas mortis guerras.

3. In tuo tabernaculo
Habitabunt sedulo
Animae iustorum,
Ereptae de caede impiorum.

Responsoria.

1. Religio Christiana

Cum universa gente sana
Istos fratres contempletur,
Ut exemplum cunctis detur,
Per quod Christus glorificetur.
V. Exemplo fratrum

tergat Deus omnem reatum.

2. Ad honorem et decorem

Ierusalem caelestis
Laus sonora et decora

Incitetur maestis,
Ut sic grati adiuvati

Nostris adsint festis;
V. Civitas Ierusalem

Tunc aedificatur,
Cum in virtutibus

Hic firmiter statur.

3. Magno digni sunt honore,
Qui sanctorum pio more
Vitam mundi contempserunt,
Stolas suas hi laverunt
In cruore regis magni,
Ut iungantur cenae agni.
V. Ecce, veri Israelitae,

Iuncti Christo, vcrae vitae,
Ubi locum tenent rite.

In 3. Nocturn o.
Antiphonae.

1. Crumena nostra

non indiges, Domine,
Sed conserva

nos sperantes in te

Eripiens nos

a mortis tempore.

2. Haec pia generatio,
Iuncta caeli palatio,
In quo mortis privatio
Cunctorum est salvatio.

3. Multum verber latronum
Hos transvexit ad regna po-
lorum,
Eorum sanctis precibus
Nos salvet sanctus Dominus.

Responsoria.

1. Audiens haec pius dux
Mezko, quod fidei lux
Polleret in his fratribus,
Piis congaudent actibus,
Solvi cupivit a reatibus,
Se iungens his sanctis patribus.

V. Crumenam his praesentabat
Et se totum commendabat.

2. Morte licet moriantur

Hi devoti martyres,
Non a Christo separantur,

Sed ad Christi proceres
Adiunguntur coronati,
Gaudent semper laureati

Inter caelicos cives ;
V. Visi sunt oculis

stultorum decedere,
Sed nunc ovantes rutilant

stellato sidere.

3. Prima noctis vigilia
Adfuit manus inimica,
More canum saeviebat,
Censum ducis repetebat,
V. Quem Barnabas deportabat,
Qui facta fratrum attrectabat.

In Laudibus.
Antiphonae.

1. O Deus omnipotens,
Qui excedis omne ens,
Qui solus tantum es potens,
Per te salvetur nostra gens!

2. O sapientiae

Magnum genus et prudentiae
Solum deum adorare,
In adventum eius stare!

3. O Adonai Domine,
Qui istis sanctis hodie
Victoriam contulisti
Et ad caelos transvexisti !

4. O benedicta gloria,
In fratrum hic memoria
Dum cantant Benedicite,
Mundi regnum abicite.

5. Omnes virtutes caelorurn
Lustrent semper nostrum cho-
rum,
Ut terrenis mitigatis
Paradisi iungamur pratis.

Ad Benedictus.
A. More canum tunc stridebant
Impii carnifices,
Dum hos fratres repetebant

In portum crucifices,
Exemplum hic martyribus
Dat benedictus Dominus.

In 2. Vesperis.
Ad Magnificat.
A. Beatorum martyrum

Celebrantes sollemnia
Perduc, rex caelorurn,
Ad gaudia perennia,
Et quos pro tua

veneramur gloria,
Nobis horum apud te non desit,
quaesumus, memoria.