71. De sancto Chiristophoro.

In 1. Vesperis.
Antiphonae.

1. Nitet inter agmina
Virtutum caelorum
Martyr post examina
Mundi et laborum.
2. Copulat aeterno

se martyr foedere Christo,
Et cupit ex isto

regi servire superno.
3. Laus Deo mirabili,
Qui caelum pictura
Pinxerat spectabili
Stellarum cultura.
4. Clausit viam sceleri
Omni maledicto,
Non dabatur martyri
Thorus in delicto.
5. Sensit hic deicola,
Caro dum excessit,
Carnis, mundi subdola
Fomenta repressit.

Ad Magnificat.

A. Martyr stellifera

sublimis regnat in arce,
Spernens mortifera,

dum coepit vivere parce,
Eius erat fortis

animosae gloria mortis.

Ad Matutinum.
Invitatorium.

Christophoro varias

modulemur carmine laudes
Et maneat nostro

semper memorabilis aevo.

In 1. Nocturno.
Antiphonae.

1. Suis in temporibus
Christophori vita

Mirandis virtutibus

Fuit insignita.
2. Certanti ligitime

Corona debetur,
Ergo martyr intime

In caelo gratuletur.
3. Servavit munditiam

Corporis et mentis,
Plantavit ecclesiam

Suis in tormentis.

Responsoria.

1. Martyr Christopherus
Bonus et fidelis,
Mitis, fructiferus
Suis in loquelis
Linguaque melliferus
Gaudet nunc in caelis;
V. Vixit paciferus

hic felix absque querelis.
2. Bonis spiritalibus

Qui vult abundare,
Discat et virtutibus

Se ipum ornare
Sanctis et operibus
Actus reformare,
V. Christophorus paribus

studuit meritis radiare.
3. Christophorus ceperat

Dum statum paupertatis,
Christus eum nutriat

Copiose satis,
Qui [ut] non deficiat
Viris timoratis,
V. Solem dimidiat

perversis atque beatis.

In 2. Nocturnis.

Antiphonae.

1. Christophori mira

prece nobis iudicis ira
Effera mansuescit,

et perdita gratia crescit.

2. Festina nobis,

martyr, succurrere lapsis,
Propitius lacrimis

effusis flectere nostris.
3. Sedibus optatis

iam martyr regnat in astris,
Non spem dat castris
horrenda faece locatis.

Responsoria.

1. Ghristophorus meruit

Christum portare per undas
Et sic deseruit

mundi res ipse iucundas,
V. Servivit Christo

post haec et vixit in isto.
2. Martyris indigne

lacerarunt viscera palmae,
Ante tuum, Christe,

conspectum corruit iste,
V. Eripitur magni

quando caput ense tyranni.

3. Munera grata Dei

concessa tuae faciei,
Nunc miseris pande

nobis, martyr venerande,

V. Sic te patronum

dicimus esse bonum.

In 3. Nocturno.

Antiphonae.

1. Dum Christum coluit,

vitae memor est periturae,
Mortem non timuit,
nec vita fuit sibi curae.
2. Sagittarum furia

Statim reflectelur,
Et patens iniuria
Recte punietur.
3. Mortis in articulo
Caelos penetravit
Martyr, qui naufragio
Carnis non erravit.

Responsoria.

1. Caelum suspiciens

de corpore spiritus exit,
Quem pie suscipiens

Christus super astra revexit,
V. Praemia iustorum

modo percipit hic meri-
torum.

2. Vivida Christophori

radiat sub pectore virtus,
Dum dedit ingrato

gladio venerabile collum,
V. Congrua mors vitae

non fuit illa suae.

3. Angeli sollemniter

Non cessant clamare
Unum peraequaliter

Trinum et laudare
Certant et feliciter
Sanctus triplicare;
V. Christophorus pariter

assuescit eis resonare.

In Laudibus.
Antiphonae.

1. Aegros mundavit

generosi sanguinis unda,
Et quos salvavit,

sunt horum corpora munda.

2. Mundi abs nequitia
Castum cor servavit.
Totum in munditia
Corpus decoravit.

3. Pretiosa sidera,

Martyr, adamasti,

Foeda carnis scelera

Quando superasti.

4. Est personalis

quamvis distinctio talis,
Ecce, tamen prona

reddetur laus tribus una.

5. Sua martyr saecula
Digne consummavit

Cordis pudicitia,
Facto quod monstravit.

Ad Benedictus.

A. Corpore grandis erat,

venerandi fronte pudoris,
Pro Christo modicus

contempsit culmen honoris,
Nunc in caelorum
gaudet et ipse choris.

In 2. Vesperis.
Ad Magnificat.

A. Christus, rex altissimus,

Firma spes bonorum,
Consolator optimus

Et sanctus sanctorum,
Qui cum Christophoro

dat nobis regna polorum,
Est ubi cunctorum

requies veneranda laborum.