Acta Apostolicae Sedis - Commentarium Officiale976

Fide ac caritatis spiritu illuminata, ecclesiam Fratrum Capuccinorum

cotidie frequentabat, nudis pedibus semper percurrens, hiemali tempore plu-

viam vel nivem perferens et aestivo tempore sub aestuanti sole, asperam

viam inter suam colonicam domum et ecclesiam coenobiumque Sancti Aegi-

dii. Extraordinaria pietate Sacrificio Missae intererat et summa devotione

sacro convivio nutriebatur. Assiduam se praebuit in oratione. Filiali cultu

honestabat Mariam Virginem, quam praesertim sub Immaculatae et Montis

Carmeli titulo excoluit. Ad eam sequenti invocatione mentem convertebat:

« O Mater pulcherrima, concede ut in me non ingrediatur quod Deus

prohibet! ».

Currente anno 1874, dum quodam die in ecclesia sisteret ut oraret, pri-

mam gravem pertulit haemoptysim, et sequentes sanguinis eruptiones dete-

xerunt eam tuberculosi affici, quamobrem quodam temporis puncto coacta

est lecto teneri. Saepe visitata a suo spirituali Moderatore aliisque sacerdo-

tibus, mira dedit christianae spei, patientiae, serenitatis, humilitatis et oboe-

dientiae exempla. Varii medici aegrotae alternatim assidebant, intenti ad

servandam eius iuvenem vitam. A suo Confessario suaviter admonita extre-

mam iam instare horam, hilari clamore notitiam excepit. Duodetriginta fere

annos agens, animam exhalavit die 4 mensis Novembris anno 1876. Eius

exsequiae sollemni ritu sunt celebratae, extraordinaria adstante multitudine

fidelium, qui ex oppidis quoque vicinis concurrerant, allecti diffusa fama

«monachulae sanctae », uti in vita appellabatur.

Memoria Servae Dei post eius obitum constanter perstitit apud innume-

ram eius familiam, apud Fratres Capuccinos et gentes loci. Temptatum est

quoque ut pro eius beatificatione Processus Canonicus promoveretur, qui

tamen diversas ob rationes indolis historicae per varia decennia irritus

permansit. Anno 1976, primo recurrente saeculo ab eius obitu, Sorores

Franciscales Immaculatinae, quae Servam Dei habent uti suam Inspiratri-

cem et Spiritualem Matrem, diligenter statuerunt animum intendere ad eius

Causam beatificationis. Anno 1991 apud Curiam Beneventanam celebrata est

Inquisitio dioecesana super fama sanctitatis et heroicis virtutibus. Congre-

gatio de Causis Sanctorum die 12 mensis Decembris anno 1992 congruens

validitatis Decretum vulgavit.

Anno 1999 Positione super virtutibus usitato more apparata, prius habita

est Sessio Consultorum Historicorum die 25 mensis Martii anno 2000, quam

secutus est Congressus Peculiaris Consultorum Theologorum die 26 mensis

Octobris anno 2007, qui omnes faventem tulerunt sententiam.