72. De sancto Christophoro.

In 1. Vesperis.

Ad Magnificat,

A. Nova Christophorus mente

Magno cupiens servire,

Mundiali spreta gente

Ad maiora quaerens ire,

Illustratus est repente

Christum reges anteire.

Ad Matutinum.

Invitatorium.

Patrem nos Christophorum

Merito laudemus,

Inde Dei filium,

Venite, adoremus.

In 1. Nocturno.

Antiphonae.

1. Meditando legem Christi

Vir Christophorus beatus,

Invenire datur isti,

Quo docetur informatus,

2. Super Sion sanctum montem

Verbo, vita praedicavit,

Supernorum bibens fontem

Signis crebris coruscavit.

3. Deo semper susceptori

Se dedit ex intimis,

Cui Christus vita, mori

Lucrum in altissimis.

4. Mirificatur hodie

Sanctus hic beatus,

Haerens Deo gloriae

Caelo sublimatus.

5. Postquam coram Domino

Viam hic direxit,

Obsequendo parvulo

Flumine transvexit.

6. Honor atque gloria

Merito cantantur,

Digna cuius merita

Sancti comprobantur.

Responsoria.

1. Gaudiosa

praesens sollemnitas,

Recensetur

qua vitae sanctitas,

Patris [huius]

refertur dignitas,

Nobis donet

vitae delicias ;

V. Servi regis

aeterni sedulum

Collaudemus

sanctum Christopliorum.

2. Dum fluente

transportat iugiter,

Inter flumen

transit viriliter,

Evocatur

quam mirabiliter:

V. Surge, veni,

vocat te Dominus,

Factus puer

rex magnus parvulus.

3. Assecutus

linguarum genera,

Exhortatur

in vitae foedera,

Christi servos

firmat ad vulnera,

Profert cunctis

beata munera ;

V. Quos tortoris

manus dilacerat,

Sanctus iste

confortans roborat.

In 2 Nocturno.

Antiphonae.

1. Confisus in robore

Domini virtutum,

Summa sumit scandere

Carpens iter tutum.

2. Habitat in coetibus

Glorificatorum,

Quiescit in montibus

Civium sanctorum

3. In virtute iubilat,

Exsultat vehementer,

Quidquid desiderat

Tenens excellenter.

4. Praevenit Ghristophorum

Gratia superna

Et extendit meritum

Caritas interna.

5. Victor vincit inimicum

Totus Deo deditus,

Mundum spernit impudicum,

Christum fert Christophorus.

6. O miranda merita

Nominis beati,

Quac dant cordis intima

Summae maiestati.

Responsoria.

1. Ad tribunal cum citatur

Ducenteno milite,

Orans terret, duplicatur

Miles frustratorie,

Omnes orant, sed ligatur

Ipse voluntarie;

V. Cadit rex incredulus,

Stupet omnis populus

Sancti visa facie.

2. Formosarum puellarum

In agone positus,

Ut intraret fraus earum

Mente ligans nexibus,

Fundit preces, virtus quarum

Has convertit citius ;

V. Sic proclamant: Intuere,

Serve Dei, miserere

Nostri pie, quaesumus.

3. Dira sanctum virga caedit,

Cassis premit ignea,

Nulli poena victus cedit,

Vincit virtus omnia,

Caelos petit, cum discedit

Caelo mutans terrea;

V. Felix transmutatio,

Vilis deperditio,

Decoratur laurea.

In 3. Nocturno.

Ad Cantica.

A. Christophorus hodie

Dum caelum conscendit,

Congaudere patriae

Viantes accendit.

Responsoria.

1. O beatum

certamen fidei,

Quo vir tantus

meretur provehi i

In triumpho

sancti Christophori

Miretur saeculum;

V. Ignes, vincla,

sagittas, gladium

Nullum pavet

[sanctus] supplicium.

2. Sanguis iusti

non iuste funditur,

Dum pro Christo

sanctus occiditur,

Mortem perdit,

vivit, dum moritur,

Transfertur gloriae ;

V. Transit martyr

de poenis hodie

Ad supremae

loca laetitiae.

3. Vitae decus,

virtutis speculum,

Mundum iubar,

morum spectaculum,

Per tua merita

reatus criminum

Purga, Christophere,

V. Ne poena nostro

premat ex opere,

Tuae virtutis

[ad]iuva munere.

In Laudibus.

Antiplionae.

1. Decorem hunc induit,

Sedes praeparatur,

Deus, per quem pertulit,

Sanctum munerator.

2. In conspectu Domini

Caelos introivit,

Sic coniunctus numini

Gustat, quod sitivit.

3. Luce vigil protinus

Filius hic lucis,

Fruitur amplexibus

Miles summi ducis.

4. Benedicat Domino

Cuncta creatura,

Sanctus absque termino

Caeli tenet iura.

5. Christum laudat populus

In sanctis de caelis,

Cuius est Christophorus

Testis tam fidelis.

Ad Benedictus.

A. Martyr alme Christophore,

Verbo, vita sanctissime,

Tu claritate praedite,

Tu victor invictissime,

In huius vitae tramite

Deducas dos, piissime.

In 2. Vesperis.

Ad Magnificat.

A. Condigna merita

sancti Christophori

Nobis per devia

praesentis saeculi

Repellant noxia

carnis et animi,

Ducant ad gaudia

futuri praemii.