Congregatio de Causis Sanctorum 977

Ordinaria Sessio Cardinalium et Episcoporum prima vice habita est die

1 mensis Aprilis anno 2008, qua expleta quaedam adhuc exquisitae sunt

explanationes de quibusdam aspectibus vitae et virtutum Servae Dei.

Postquam Postulatio Fasciculum Integrativum Positionis porrexit iuxta

postulata, iidem Cardinales et Episcopi in Sessione Ordinaria die 2 mensis

Iunii anno 2009 congregati, audita relatione Ponentis Causae, Exc.mi D.ni

Francisci Croci, Episcopi tit. Potentini in Piceno, edixerunt Servam Dei

Teresiam Manganiello, Tertiariam Franciscanam, theologales, cardinales

eisque adnexas virtutes heroicum in modum excoluisse.

Facta demum de hisce omnibus rebus Summo Pontifici Benedicto XVI

per subscriptum Archiepiscopum Praefectum accurata relatione, Sanctitas

Sua, vota Congregationis de Causis Sanctorum excipiens rataque habens,

hodierno die declaravit: Constare de virtutibus theologalibus Fide, Spe et Cari-

tate tum in Deum tum in proximum, necnon de cardinalibus Prudentia, Iustitia,

Temperantia et Fortitudine, iisque adnexis, in gradu heroico, Servae Dei

Teresiae Manganiello, Iuvenis Laicae e Tertio Ordine Sancti Francisci et

Inspiratricis Sororum Franciscalium Immaculatinarum, in casu et ad effectum

de quo agitur.

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 3 mensis Iulii A. D. 2009.

e Angelus Amato, S.D.B. Archiep. tit. Silensis, Praefectus

L. e S.

e Michaël Di Ruberto Archiep. tit. Biccarensis, a Secretis