78. De ss. Chrysanto et Daria.

In 1. Vesperis.
Antiphonae.

1. Cbrysantus,

Illustris viri filius,
Artibus liberalibus
Plene fuit eruditus.

2. Ardentis ingenii
Et tenacis memoriae,
Quod cito didicit,
Diu tenuit.

3. In credendis vir Dei instruitui

Et post septem dies

A suscepto baptismate

Praedicator constituitur.
4. Doctus a Domino

Docet alios,

Et quod hausit feliciter,

Effudit fideliter.
5. Istis proficit

Virtutum passibus,

Quam patris et filii

Inflammat spiritus.

Ad Magnificat.

A. Cbrysante et Daria,
Deo pro nobis
Fundite precamina,
Deo frui meruistis
Christum imitando,
Deum nobis placate
Nos adiuvando.

Ad Matutinum.
Invitatorium.
Laudemus regem martyrum,
Cuius aspirante gratia
Per Chrysantum
Conversa est Daria.

In 1. N octurno.
Antiphonae.

1. Tenebroso in loco

Filius a patre clauditur,

Artatus cibo modico

Ignescit ardore caelico.
2. Duris succedunt mollia,

Ut, qui viriliter

Restitit tormentis,

Enerviter

Succumbat blandimentis.
3. Intrant puellae,

Ut iuvenem decipiant,

Ingressas ligat sopor,

Ne, quod volunt, efficiant.

Responsoria.

1. In Chrysanto et Daria,

Vasis praedestinatis,

Aestum exstinguit carnis

Ardor caritatis.
V. A Domino factum est istud

'' et est mirabile in oculis nostris.
''2. Chrysanti et Dariae

Dulcescit memoria,

Quorum mentes pietate

Condivit divina misericordia,
V. Transcendunt fines meritorum,

Quae in patria servantur

Praemia sanctorum.
3. Casta conversatio

Iuvenis cum virgine

Non naturae opus est,

Sed divinae gratiae;
V. Iuveni virgo sociatur,

Et flos virgineus

Non periclitatur.

In 2. Nocturno.
Antiphonae.

1. Mira Dei potentia
Foris somnus amovetur,
Manet intus,
Ne vir Dei inquinetur.

2. Virgo Daria

Auro et gemmis radians
Ad iuvenem ingreditur,

Sed victa feliciter
Per iuvenem convertitur.
3. Ambos inflammat
Ardor caritatis,
In ambobus permanet
Decor castitatis,

Responsoria.

1. Felix societas

Caste se amantium,

In quibus castitatis lilio

Accessit martyrium.
V. Tua sunt haec, Christe, opera,

Qui vere mirabilis

Es in sanctis tuis.

2. Sudant in agone

Gloriosi martyres,

Et ut magis rutilet martyrium,

Ambo manent virgines ;
V. Clirysantus et Daria

Patientis passi

Sequuntur vestigia.

3. Pede utroque

Christum sequuntur,

Qui caste vivendo fructum

Centesimum censentur ;

V. Integritatis et martyrii
Gloriosa insignia
Nostrorum martyrum
Efferunt praeconia.

In 3. Nocturno.
Antiphonae.

1. Ad fidem veniunt

Per Chrysantum iuvenes,
Per Dariam feminae
Innumerabiles.

2. Miles Christi

Crudis nervis stringitur,

Hi rumpuntur

Sed his non laeditur.

3. Aqua putens,

Qua vir Dei perfunditur,
In odorem
Nectareum convertitur.

Responsoria.

1. Praedixit per Isaiam Dominus:
Habitabit iuvenis cum virgine,
Nostris in martyribus
Elucet veritas huiusprophetiae;

V. Sicut Ioseph sancte
Et caste cum Maria,
Sic habitavit
Chrysantus cum Daria.

2. O veneranda dexterae

Excelsi mutatio,

Qua datur, ut sic incitatrix

Idolatriae

Propinatrix

Efficitur spiritualis gratiae.
V. Collato Dariae divinitus

Irriguo, quod est inferius,

Accessit et superius.

3. Haec est vera glorifica
Misericordiae
Christi potentia,
Quae sic nequitiae
Antiqui hostis obviat,
Ut aliquando Leviathan,
Quos iam cepit, amittat ;

V. Per Chrysantum et Dariam
Ostenditur mirifice
Armilla divinac potentiae.

In Laudibus.
Antiphonae.

1. In luteam custodiam

Clirysantus vinctus mittitur,
In meretricum contubernio
Daria publice ponitur.

2. Lux et odoramenta
Praestantur iuveni,
In robur protectionis
Leo mittitur virgini.

3. Laborabat multitudo
Leonem capere,
Sed capta a leone
Ponitur ad pedes Dariae.

4. Vinctus Chrysantus
In eculeo suspenditur,
Sed ruptis vinculis
Tormento non laeditur,

5. Qui ad Dariam
Extulerunt manus,
Prae dolore gemebant
Nervis stupentibus.

Ad Benedictus.

A. Post multa tormentorum genera
Terra et lapidibus
Sancti obruuntur,
Et qui sancte convixerant,
Feliciter consepeliuntur.