76. De sancto Constantio.

In 1. Vesp eris.

Ad Magnificat.

A. Martyr Constanti,

populo te concelebranti

Praesenti festo

suffragator pius esto,

Christum placando

nobis veniamque rogando,

Ut, quam speramus,

post hanc vitam capiamus.

Ad Matutinum.

Invitatorium.

Ut collaetemur

sanctis, laudes modulemur

Auctori vitae

psalmum cantando, venite.

In 1. Nocturno.

Antiphonae.

1. Actu subtili

Constantius a puerili

Flore Deo gratus

dignoscitur esse beatus.

2. Indolis iste bonae

munda sub religione,

Mansuetus crevit

et carnis ludicra sprevit.

3. Praesul enim factus,

divina lege coactus,

Quam bene delegit,

sibi noxia cautus abegit.

Responsoria.

1. ''Egregii martyris Constantii

transitum recolentes tuam,

Domine, laudamus potentiam,''

V. Caelos implentem

pelagus terramque regentem.

2. ''Sacris hic itaque scripturis

intentus, utiliter ipsas tenaci

commendabat memoriae,''

V. Quae fecere viam

sibi firmius ad theoriam.

3. ''Agonista Dei Constantius vo-

luptuosis repugnanti affectibus

crucemque suam tollens Do-

minum est secatus,

''V. Postposito patre

cum fratre sororeque matre.

In 2. Nocturno.

Antiphonae.

1. Illicitos motus

frangendo per omnia totus

Christo servire

studuit mundoque perire.

2. Hunc Deus orantem

votivaque munia dantem

Latius audivit

merito, nam iusta petivit.

3. Se- penitus, Christe,

sanctus tibi subdidit iste,

Regna petens lucis,

quo dilectos tibi ducis.

Responsoria.

1. ''Iste sanctus, vitae merito lau-

dabilis, orans, quod credidit,

in vinea Domini cultor fidelis

exstitit,''

V. Uvam conservans,

igni fruticem coacervans.

2. ''Carnales in se luxus repri-

mendo lumbos praecinxit et

manibus suis lucernas arden-

tes tenuit,''

V. Respergens late

plures morum probitate.

3. ''Beatus Constantius, dum ge-

reret officium mandritae solli-

citi, corda plurimorum imbuit

sacramentis fidei,''

V. Nempe revertenti

Domino dans lucra talenti.

In 3. Nocturno.

Antiphonae.

1. Dogmata pravorum

detestans facta bonorum

Traxit in exemplum,

Domino cupiens fore tem-

plum.

2. Ambiguae sortis

victor miles quasi fortis,

Qui maculam nescit,

in monte Sion requiescit.

3. Ornatu magno

fulget comes additus agno,

Crimina qui lavit

orbi mortemque fugavit.

Responsoria.

1. ''De praesulatus dignitate col-

lata caelitus vero sacerdoti

obligatior, humilem se minis-

trum exhibuit,

''V. Grande sciens donum

summamque timens ratio-

num.

2. ''Legitimum eledus Deo cer-

tamen exsecutus lota in agni

sanguine stola sua palmam

obtinet perennis gloriae,

''V. Astans divinae

maiestati sine fine.

3. ''Gloriosus Dei athleta Con-

stantius, fervens amore sancti

spiritus, minas et terrores

iudicum non timuit succula-

rium,

''V. Arripiens scutum

fidei tegimen sibi tutum.

In Laudibus.

Antiphonae.

1. Curia caelestis,

sollemnibus inclita festis,

Balsamico more

praedulci fraglat odore.

2. Intermixta rosis

rubet et gemmis pretiosis

Candens in gyro

collucet lumine miro.

3. Nactus, Constanti,

splendoris gaudia tanti

Securus degis,

Christi sacer accola regis.

4. Hoc est insigne

tibi, sanctorum quia digne

Ad sua te coetus

misit consortia Iactus.

5. Eia, coronatus

in caelis perpetuatus,

Ipsum collaudes,

cui te convivere gaudes.

Ad Benedictus.

A. Nocturnis horis

concentu cordis et oris

Plebs tibi devota,

quae debet, agens pia vota,

Martyris huius, passio cuius

sancta notatur,

Da prece prospera, pelle sed

aspera,

Christe, precatur.

Per Horas.

Ad Primam.

A. Mente colens pura

Dominum risit ruitura,

Felix conflictus,

cuius finis benedictus.

Ad Tertiam.

A. Quem calcare facis,

sunt, Deus, atria pacis,

Admirandus erit,

sibi qui loca talia quaerit.

Ad Sextam.

A. Palmis aequatns,

ut cedrus multiplicatus

Semper florebit

adversaque nulla timebit.

Ad Nonam.

A. Institit humori

vir sanctus, ut uberiori

Polleret quaestu,

nullo perterritus aestu.

In 2. Vesperis.

Ad Magnificat.

A. Post maris alta rubri

Constantius arte salubri

Litore consedit,

cui quaeque molestia cedit,

Tendens vela citus

placitis ventisque potitus.