78. De sancto Corhiniano.

In 1. Vesperis.

Super Psalmos.

A. Adest beatissimi
Corbiniani diei
Electa festivitas
Gratulantes hodie
Iubilent catholici
Laetabundi
Memor nostri
Ora, pater,
Quatenus relictis
Terrenis sordibus
Uniamur Christo
Hymnologis zeumatibus
Adhaerentes ei in aeternum.

R. O sacer Corbiniane,

Doctor plebis Christianae,
Fide fulgens mentis sanae

Mundum subegisti,
Nos a malis cunctis sana
Et viarum calles plana,
Ut calcantes mundi vana

Pro amore Christi,
Ipsum tecum assequamur,
Et sequentes mereamur,
Quod promeruisti,
V. Te ducente duce bono,
Praesule, patre, patrono.

Ad Magnificat.

A. Hymnizando laetabunda
Gaudeat ecclesia,

Tam festiva, tam iucunda

Celebrans sollemnia
Corbiniaui patris almi,

Cuius ad praeconia
Concrepant hinc inde psalmi,

Eius per suffragia
Emundemur a peccatis
Gavisuri cum beatis

Post haec transitoria.

Ad Matutinum.

Invitatorum).

Iubilemus Deo beatorum
Praesulum regi glorioso,
Qui aeternae gloriae
Coronam beato dedit
Pontifici Corbiniano.

In 1. No cturno.

Antiphonae.

1. Corbinianus, vir beatus,
Tamquam lignum transplan-
tatus
Secus fluctuum fluenta

Inconvulso robore
Viva fructuum crementa
Suo dedit tempore.
2. Super montem constitutus

Praedicans praeceptum Dei,
Verbum opere secutus
In timore servit ei.
3. Susceptorem suum Deum
Voce clamans invocavit,
Et de monte sancto eum
Exauditum laureavit.

Responsoria.

1. Felix Waltegiso patre
Et Corbiniana matre
Est defuncto patre natus
Patris nomine vocatus,
Sed fausto post omine

Matris grato nomine
Dictus est Corbinianus,
Deo plenus, fide sanus ;
V. Lux oritur castris

Melitonica purior astris.
2. Praeclarae puer indolis
Et mentibus almivolis

Christo securus astitit,
Sed blandimentis subdolis
Mundique pompis frivolis

Ea licturus abstitit,
V. Nam scripturarum

studet indagare sacrarum
Mystica divorum

cum psalmis eulogiorum.

3. Amator castimoniae,
Servator parsimoniae,
Ieiuniis, vigiliis,
Orationum studiis
Creber insistebat,
Declinans transitoriam
Vanamque mundi gloriam,
Vitam solitariam,
Saeculi penuriam

Prae cunctis eligebat;
V. Esuriens et sitiens iustitiam
Cordis, oris et operis
Contemperat officia,

Sic pauper Christi pauperis
Assequitur vestigia,

Quem totus sitiebat.

In 2. N octurno.

Antiphonae.

1. Mirificatum, consignatum

Vultus tui lumine
Laetificasti, satiasti,

Multiplicasti, Domine.
2. Mane astans cum beatis

Te videbit in idipsum,
Scuto bonae voluntatis

Tu coronasti ipsum.
3. Elevato super caelos

Subiecisti omnia,

Hinc aeternum cantat melos
Pro honoris gloria.

Responsoria.

1. Crescente fama viri Dei
Adventantis plebis ei
Concursus increbuit,
Quod vir sanctus horruit ;
Romam igitur petebat
Adiens Gregorium,
Cui cordis exponebat,
Intus quidquid habuit,
Deposcensque clanculum
Anguli latibulum
Apud oratorium
Sancti Petri, manibus
Qua pro suis victibus
Operari cupiebat
Degens, nec obtinuit ;
V. Nam in modum papa mirum
Stupens sanctitatis virum
Clam inito consilio
Invitum sacerdotio
Promovit dato pallio
Praedicare monuit,
Sic voti impos
Redibat tristis.

2. Fulminant miracula,
Signis tonant saecula,
Fur mulae reducitur,
Latro vitae redditur,
Piscem defert aquila,
Ursus iussu sternitur,
Saginam fert ut domitus,
Lumine perfunditur
Et odore caelitus,
Fons aquae conceditur,
Horam praescit obitus.
V. Zymae post novationem,
Corporis ablutionem,
Missae celebrationem
Celer caelo meritum
Digne reddit spiritum.

3. Bagatha contrahitur,
Sancto dum obloquitur,
Hic defuncti naribus

Calidus sanguis febribus
Dominicus curatur,
Labitur nec laeditur
Puer praecipitio,
Arreptus a daemonio
Fugato liberatur,
V. Cuiusdam manus arida
Sub feretro fit vigida,
Quo sanctus deportatur.

In 3. Nocturno.

Antiphonae.

1. Ex viri Dei
Enophoro
Mustum fervens
Spinam excussit,
Integer tamen
Liquor remansit.
2. Quidam latro eius mulam

surripuit
Et ex hac descendere

nequivit,
Donec sancto praesuli

sese praesentavit.

3. Triduo suspensus
Latro tanti viri
Benedictione
De supplicio
Vivus deponitur.

Responsoria.

1. Beati Corbiniani
saginarium
E vicina silva

ursus arripuit,
Quem incauto

custode prostravit
Membratimque
dilaceravit,
V. Cui sanctus saginam imposuit,
Quam Romam usque perduxit
In loco caballi.
2. Sanctus Dei plenus virtute
Cum pisce, quem administrante

Aquila divinitus exhibuit
Cunctos secum euntes refecit ;
V. Ut quondam corvi
Heliam pavere ministri
Sic avis aquila cum pisce.

3. ''Pontificis Ronianae ecclesias
pedibus Gregorii provolutus,
cui flebili voce multa narra-
vit et qualiter huius saeculi
fluctibus et honoribus esset
compressus ;''

V. ''Narravit, quod nec muri clau-
stri tranquillitatem praestare
potuissent, et quantum divitias
mundi formidaret.''

In Laudibus.
Antiphonae.

1. Beatus Corbinianus
Hanc sibi sedem elegit
Et primus eandem
Episcopus administravit.

2. Crevit decus et honor viri,
Dilectus est ab omnibus
Imperii principibus.

3. Sanctus Dei famulus
Impetrato caelitus
Medicamine multorum
Debilitatos viribus
Adauxit prioribus.

4. Benedictus rerum
Omnium Dominus,
Qui nobis sanctissimum
Praedestinavit tutorem
Corbinianum.

5. Precibus intentis

Humiliter hunc imploremus,
Ut contra cunctos
Inimicorum incursus
Nobis sit custos tutissimus.

Ad Benedictus.

A. Beatissime

Praesul Corbipiane,
Meritis et virtutibus
Apostolis comparatus,
Nobis peccatoribus
Absolutionem culparum
Impetrato propitius.

Id 2. Vesperis.

Ad Magnificat.

A. O beatum et gloriosum
Antistitem Corbinianum.
Qui flore meriti
Et documento fidei
Sanctam

Illustravit ecclesiam,
Precamur,
Ut suis precibus
Liberemur
A nostris criminibus.