84. De ss. Desiderio et Reginfrido.

In 1. Vesperis.
Super Psalmos.

A. Ad sanctorum sollemnia
Currat plebs devota
Deo regenti omnia
Solvens pia vota.
R. Assunt festa iam cunctis grata
Sancti Desiderii
Eius fidique consortis,
Reginfridi, viri fortis,
Quorum mors est pretiosa
In conspectu Domini ;
V. Quorum pio interventu
Exoramus et obtentu
Vota nostra praesentari
Et devote commendari.

Ad Magnificat.

A. Christe, praesta desiderata
Sacramenta mysterii
Non diffidi hora mortis
Nec succidi vitae portis,
Ne mors nostra odiosa
Fiat tuo nomini.

Ad Matutinum.
Invitatorium.

Surgite sollicite

cupientes gaudia vitae,
Martyribus solite

psalmum iubilando venite.

In 1. Nocturno.
Antiphonae.

1. Beatus Desiderius
Intus et exterius
Armis cinctus fidei
Caritatis et spei.

2. Ex illustri et famoso
Sanguine descendit,
Mundi cultum cum pomposo
Fastu vilipendit.

3. Mentem fixit ad optatum,
Ad virtutum principatum.

4. Generis nobilitatem
Morum venustate
Vicit mundi vilitatem
Vitae puritate.

5. Puer Desiderius

Vere desiderabilis,
Intus et exterius
Deo peramabilis.

6. Decursis annis pubertatis
Vernantis pueritiae
Ad decorem castitatis
Scandit et munditiae.

Responsoria,

1. In aetate iuvenili

Hausit corde sitibundo,
Quod post tempore senili
Fudit ore mundo,
V. Quidquid boni legerat
Simul et audierat
Cordis de profundo.

2. Incremento disciplinae
Est magnificatus,
Quod mox legis est divinae
Didascalus vocatus,
V. Literarum studio
Mentis cum tripudio
Sic est sublimatas.

3. Per virtutum ornamenta
Qui sic fuit ornatus,
Est per gradus incrementa
Electus et vocatus

V. Ad gradum episcopatus,
In quo fulsit Deo gratus
Et a cunctis peramatus.

4. O quam mitis et benignus
Fulsit praesul Deo dignus

Cura pastorali
Circa plebem, quam regebat
Et benigne refovebat
Affectu spiritali,
V. Curam gerens infirmorum,
Viduarum, pupillorum
Et desolatorum.

In 2. Nocturno.
Antiphonae.

1. Assumpto secum Reginfrido,
Dulci ac prudenti viro,
Coepit terras peragrare
Et verbum vitae seminare.
2. Postquam Romae intraverunt
Terris multis peragratis,
Sacra loca lustraverunt
Fervore caritatis.

3. Ubi diu dum mansissent
Atque vota excoluissent,
Dominum benedicebant
Atque grates referebant.

4. Postquam Romam sunt egressi
Viri fortes indefessi,
Faciem verterunt
Ad viam, qua venerunt.

5. Statim quidam infirmari
Inter eos coeperunt
Et tantum debilitari,
Quod mortui fuerunt.

6. Quos vir Dei sepultura
Digna tumulabat
Animasque Deo pura
Prece commendabat.

Responsoria.

1. Hic perfusi caritate
Et sincera bonitate
Corpora vigiliis
Mactabant et ieiuniis,

V. Noctes ducentes insomnes
In divinis laudibus
Sanctos imitabant omnes
Cum orationibus.
2. Dum itineris consortes
Quosdam sepelisset
Atque quosdam adhuc fortes

Mente persensisset,
Christo reddit pia vota,
Quod sinceritate tota
Dies elegisset,
V. Luctu plene mitigato
Et dolore commutato.
3. Hic vir sanctus, ut audivit
Schisma praedicari,
Mox ad locum tunc adivit

Volens sciscitari
Huius rei veritatem
Et erroris falsitatem
Totam exstirpare ;
V. Veritatem astraebat
Et morose satagebat
Plebem informare.

4. De fide dum ambigitur,
Aequa lex dum praefigitur,

Ignis ut paretur
Et quisquis suum baculum
Cunctis ad spectaculum

Inicere conetur,
Mira res peragitur,
Ignis mox incenditur,

Baculi iactantur ;
V. Fidei sinceritatem
Atque rei veritatem

Cuncti praestolantur.

In 3. Nocturno.
Ad Cantica.

Laudat omnis plebs matura
Sanctam trinitatem,

Quod ex tali coniectura
Noscit veritatem.

Responsoria.
1. Astant ad spectaculum
Cuncti praestolantes,

Horum cuius baculum

Flammae sint vorantes ;
Mox Dei iudicio

Unus incineratur.
Alter sine vitio

Illasportatur ;
V. Stat pontifex schismaticus

Confusus et elinguis,
Hoc baculus probaticus

Eius [fecit] et ignis.
2. Dum devota femina
Verbi Dei semina

Devote suscepisset,
Divinaque mysteria
Per sancta desideria

Vir Dei complevisset,
Potum petit sibi dari,
Quo volens refocillari,

Illa cum dedisset,
V. Vas non sentit detrimentum
In liquore nec contentum,

Ille cum bibisset.

3. Praesulatu sublimatus

Vir sanctus Desiderius,
Deo multum peramatus,
Plebem suam uberius
Praedicando confortavit
Et in fide roboravit
Intus et exterius,
V. Verbo mentem recreando,
Corpus cibo reformando.

In Laudibus.
Autiphonae.
1. Cum ad locum passionis
Sancti pervenerunt,
In modum orationis
Sese prostraverunt,
2. Vir devotus sibi dura
Sciens eventura,
Suos monuit orare
Nec a fide deviare.
3. Prior morti est addictus
Sanctus Reginfridus,
Semivivus est relictus
Post haec servus fidus.

4. Dum iacerent sic prostrati
Deum exorantes,
Assunt viri scelerati
Praedam affectantes.
5. Dum iaceret sic prostratus
Sanctus Desiderius,
Hostis ense perforatus
Exstitit celerius.

Ad Benedictus.

A. Vir devotus dum perspexit,
Servus caput quod erexit,

Sentiens hunc vivere
Rogat illum regyrare
Et factum renuntiare

Ac mortuos reducere.

Per Horas.
Ad Primam.

A. Statim caput dispertitum
Vepre colligavit
Et per cursum semicitum
Factum nuntiavit.

Ad Tertiam.

A. Laudat omnis plebs matura
Sanctam trinitatem,
Quod ex tali coniectura
Noscit veritatem.

Ad Sextam.

A. Statim mulier devota
Cum turba vicinorum

Sublimavit in birota
Corpora sanctorum

Et ad sua deportavit

Et devote tumulavit
More defunctorum.

Ad Nonam.
A. Dum cum praeda sic per rura
Hostes oberrarent
Atque se per verba dura

Nimis satiarent,
Accidit Dei vindicta,
Ut se praeda derelicta
Mutuo necarent.

In 2. Vesperis.

Ad Magnificat.

A. O devota beatorum
Martyrum victoria,

Quorum vota meritorum
Comprobat memoria,
Dum in terris finiuntur,
Christum vere consequuntur
In caelesti gloria.