85. De sancto Dominico.

In 1. Vesperis.
Super Psalmos.
A. Gaude, felix

parens Hispania,
Novae prolis

dans mundo gaudia,
Sed tu magis

plaude, Bononia,
Tanti patris

dotata gloria,
Lauda, tota

mater ecclesia,
Novae laudis
agens sollemnia.

Ad Magnificat.
A. Transit pauper

ad regni solium,
Dux ad sceptrum,

victor ad praemiura,
Mors in vitam,

labor in otium,
Praesens cedit
luctus in gaudium.

Ad Matutinum.

Invitatoriiun.
Assunt Dominici

Laeta sollemnia,
Laude multiplici

Plaudat ecclesia.

In 1. Nocturno.
Antiphonae.
1. Praeco novus et caelicus
Missus in fine saeculi,

Pauper fulsit Dominicus,
Forma praevisus catuli.
2. Florem pudicitiae
Servans illibatum,
Attigit eximiae
Vitae caelibatum.
3. Documentis artium
Eruditus satis
Transiit ad studium
Summae veritatis.

Responsoria.

1. Mundum vocans

ad agni nuptias
Hora cenae

pater familias
Servum mittit

promittens varias

Vitae delicias;
V. Ad hoc convivium

Tam permagnificum
Eligit nuntium

Sanctum Dominicum.

2. Datum mundo

pro mundi gloria
Mira Christi

praesignat gratia,
Cuius ortum

praecurrunt nuntia
Veri praesagia;
V. Stella micans

in fronte parvuli
Novum iubar

praemonstrat saeculi.
3. Verbum vitae

dum palam promitur,

Surgunt hostes,

liber conscribitur,
Favent omnes,

sic error vincitur,

Fides extollitur ;
V. Ter in flammas

libellus traditus,
Ter exivit

illaesus penitus.

In 2. Nocturno.
Antiphonae.

1. Sub Augustini regula
Mente profecit sedula,
Tandem virum canonicum
Auget in apostolicum.
2. Agonizans

pro Christi nomine
Mundum replet
divino semine
Paupertatis

degens sub tegmine.
3. Pernox cum Christo proprium
Non possidebat lectulum,
Post lacrimarum fluvium
Vix humi dans corpusculum.

Responsoria.

1. Paupertatis

ascendens culmina
Clamat mundi

detestans crimina,
Frangit hostes

et fugat agmina,
Nulla sanctum

frangunt discrimina ;
V. Nocte caeli

perlustrans limina
Die terris

dat verbi semina.
2. Panis oblatus caelitus
Fratrum supplet inopiam,
Vitaeque natus redditus
Matris pellit tristitiam ;
V. Signo crucis

oboedit pluvia,

Lingua verba

transformat varia.
3. Granum excussum palea,

Nexu solutum luteo
De paupertatis area

Caeli locatur horreo,
Cum mercede virginea

Doctorum fulgens cuneo,
V. Flos in florum

virens areola
Bina gaudet

sortis aureola.

In 3. Nocturno.
Antiphonae.
1. Sitiebat servus

Christi martyrium,
Sicut sitit cervus
Ad aquae fluvium,

2. Migrans pater filiis
Vitae firmamentum
Paupertatis humilis
Condit testamentum.
3. Liber carnis vinculo
Caelum introivit,
Ubi pleno poculo
Gustat, quod sitivit.

Responsoria.
1. Felix vitis,

de cuius surculo
Tantum germen

redundat saeculo
Caeli vinum

propinans populo
Vitali poculo ;
V. Ex ubertate palmitum

Mundi iam cinxit ambitum.
2. Ascendenti

de valle lubrici
Mundi chori

plaudunt angelici ;
Iesu bone,

prece Dominici
Tibi praesta

nos gratos effici,

V. Per quem multos
a morte suscitas,
Poenas nobis
relaxa debitas.
3. O spem miram, quam dedisti
Mortis hora te flentibus,
Dum post mortem promisisti

Te profuturum fratribus,
Imple, pater, quod dixisti,
Nos tuis iuvans precibus ;
V. Qui tot signis claruisti

In aegrorum corporibus,
Nobis opem ferens Christi
Aegris medere moribus.

In Laudibus.
Antiphonae.

1. Adest dies laetitiae,

Quo beatus Dominicus
Aulam caelestis curiae
Civis instrat magnificus.

2. Pauper in peculio,
Dives vita pura,
Paupertatis pretio
Caeli tenet iura.
3. Scala caelo prominens
Fratri revelatur,
Per quam pater transiens
Sursum ferebatur.

4. Linguae, manus studio
Scalam hanc erexit,
Quam virgo cum filio
Mater sursum vexit.

5. Fulget in choro virginum
Doctor veritatis,
Sertum honoris geminum
Gerens cum beatis.

Ad Benedictus.

A. Carnis vigor,

mentis martyrium,
Mundum replens

vocis praeconium,
Pauper Christi,

post cursus stadium
Vitae tibi

mercantur praemium.

In 2. Vesp eris.
Ad Magnificat.

A. O lumen ecclesiae,

Doctor veritatis,
Rosa patientiae,

Ebur castitatis,
Aquam sapientiae

Propinasti gratis,
Praedicator gratiae,

Nos iunge beatis.

Inf r a O ctavam.
Ad Benedictus.

A. Benedictus

redemptor omnium,
Qui saluti

providens hominum
Mundo dedit

sanctum Dominicum.

Ad Magnificat.

A. Magne pater,

sancte Dominice,

Mortis hora

nos tecum suscipe

Et hic semper
nos pie respice.