86. In translatione s. Dominici.

In 1. Vesperis.
Super Psalmos.

A. Adest dies laetitiae,

Quo beatum Dominicum
Exaltavit rex gloriae
Per odorem mirificum.

Ad Magnificat.

A. Magnificat Dominicum

Christus novo miraculo,
Dum odorem mirificum
Eius profert ex tumulo.

Ad Matutinum.
Invitatorum.

Assunt Dominici

Laeta sollemnia,
Laude multiplici

Plaudat ecclesia.

Ad No uturnum.
Antiphonae.

1. Praeco novus et caelicus,

Missus in fine saeculi,
Pauper fulsit Dominicus,

Forma praevisus catuli.
2. Florem pudicitiae

Servans illibatum,
Attigit eximiae

Vitae eaelibatum.
3. Documentis artium

Eruditus satis

Transiit ad studium
Summae veritatis.

Responsoria.

1, Fulget decus ecclesiae

Novo clarum prodigio,
Lucerna splendet hodie

Diu latens sub modio,
Quam odore rex gloriae

Revelavit eximio,
V. O mira suavitas

Inauditae fragrantiae,
Per quam patris dignitas

Declaratur ecclesiae.

2. Virgo, pugil Christi,

virtutum forma fuisti,
Verbo fulsisti,

dum transferri meruisti,
Fragrat odor, dulces

cantant caeli agmina laudes ;
V. Regna tuis pande

caeli, doctor venerande.

3. In odoris

mira fragrantia
Populorum

currit frequentia,
Ubi passim

Christi clementia
Sana reddit

membra languentia;
Sidus quondam

oppressum nebula
Veri solis

pandunt miracula.

Ad Laudes.

Antiplionae.

1. Gemma sub terra latuit
Despecto iacens loculo,
Cuius virtus apparuit
Multiplici miraculo.

2. Corpus sacrum, quod fuerat
Apotheca charismatum,
Universam exsuperat
Fragrantiam aromatum.

3. Glebam sacri corporis
Odor propalavit,
Quam neglecti temporis
Cursus occultavit.

4. Tumba mira fragrantia
Profundens vim odoris,
Corda reddit ardentia
In laudem salvatoris.

5. Superans fragrantiam
Odor pigmentorum
Cumulum et gloriam
Monstrat praemiorum.

Ad Benedictus.

A. O quantus stupor populi,
Quanta fratium laetitia,

Dum loco sacri tumuli
Mira prodit fragrantia,

Currunt senes et parvuli
Ad sancti beneficia.

In 2. Vesperis.

Ad Magnificat.

A. O speculum munditiae,

Carnis carens spurcitia,

Tuae colentes hodie
Translationis gaudia

Transfer ad regnum gloriae
Post huius vitae stadia.