89. De sancto Eligio.

In 1. Vesperis.

Antiphonae.

1. Dum contendit in agone,
Spe mercedis et coronae
Suspirat Eligius.

2. Gregem suum consolatur
Dicens, quod non terreatur,
Licet absit corpore.

3. Flentes dicunt: miserere,

Nobis absit hoc videre,

Noli nos deserere.

4. Febrem sentit in se volvi,
Putans per hanc iam resolvi
Deprecatur Dominum.

5. Christe, memor esto mei
Pacis, lucis, requiei
Locum mihi tribue.

Ad Magnificat.

A. O mirandum et laudandum

Caeleste mysterium,
Quod praetendit et ostendit

Electi praeconium,
Qui per avem designatur,
Sicut matri revelatur,

Volantem sublimius,
Qua signaris Christo caris

Te comparari dignius.

Ad Matutinum.
Invitatorium.

Personemus tibi, Christe,
Laudes in Eligio,

Cuius novo locus iste
Gaudet beneficio.

In 1. Nocturno.
Antiphcmae.

1. Eligius a re nomen
Est sortitus, cuius omen
Iustus a iustitia
Deus dedit et gratia.

2. Eligio dante vota

Deo flagrat domus tota,
Cuius secreta thalami
Perfudit odor balsami.

3. Eligii dum fabrile
Surgit opus tum exile
Luminibus obicem
Semper habet codicem.

Responsoria.

1. Decantemus salvatori
Laudes in Eligio,
Caius prece nequit mori
Quidam in suspendio,
V. Quem fovet Eligius
ad pia vota pius.
2. Dum oraret sanctus Deum,
Ut securum reddat eum
Certa per indicia,

Utrum sibi sit accepta
Beneplacens et perfecta

Sua paenitentia,
Ecce, quidam astitisse
Sibi visus et dixisse

Grandi cum fiducia:
V. Eligi, gaude,

tua sancta precatio laude
Digna caret laude

. . quod petis, illud habere.
3. Iste verus faber auri,
Namque ipso sunt thesauri

Vere sapientiae,
Qui probatur verum auram,
Non hanc hiems urit laurum

Virentem tota die ;
V. Surdos audire

faciens claudosque salire.

In 2. Nocturno.
Antiphcmae.

1. Eligius trecentarum
Pater fnit puellarum
Fundans his coenobium.

2. Sanctus autem pro filia
Libros et necessaria
Ponit in caelestia.

3. Eligius, plenus bonis,

Tam puellis quam matronis
Dat vitae subsidium.

Responsoria.

1. Gravidata nova fetu
Cum esset Terrigia,
Consternata fuit metu
Propter nova somnia

Stratum..........

Quandam vidit aquilam
Forma sui praefulgentem
Et pennis in nubilam;
V. Sanctus erit de te,

ait sibi voce prophelae.
2. Crevit infans Deo carus
Subtili ingenio,

Quem Francorum rex prae-
clarus
Doctum artificio
Laudat, fovet ut probatum

Auri dato pondere,
Quod mirando duplicatum
Est in eius opere.
V. Reddita sella duplex

3. Dum benigne contrectari
Nec in manu se portari

Vellet emissarius,
Hunc cessante feritate
Pia pius pietate
Sanavit Eligius ;
V. Nam femur obstrictum
sancti virtute refictum.

In 3. Nocturno.

Antiphoiiae.

1. Eligius ad decorem
Dei domus et honorem
Auget ministerium.

2. Sancti providentia

Subministrat omnia,

Ne sit neglegentia.
3. Sancti viri gratia,

Quam Labet in curia,

Malis est inopia.

Responsoria.

1. Iste forma speciosus

Et decore roseo
Stola sua gloriosus

Cinguloque aureo,
Regi supra senna,
Christo subtus cilicina
Veste placens nimis

mortalia quaeque negabat,
V. Omnia captivis

pauperibusque dabat.

2. Sicut apis sagax florem

. . . sugit et decorem
Fert ad alvearia

Sic virtutum possessorem
Vitae sanctae per odorem

Sancti probat gratia,
V. Nam vas dante merum

non deficit sibi merum.

3. Lux, Eligi, qui multorum
Refulsisti monachorum,
Sic praesentem rege chorum,
Quod post huius vitae forum
Luce beatorum

ponatur in aede polorum ;
V. Qui pietate ciuis,
auxiliare tuis.

In Laudibus.

Antiphonae.

1. Eligius, Dei templum,
Bonis in se per exemplum
Magis vult proficere.

2. Dari sibi petit villam,
Bonum possit ut per illam,
Quod intendit, facere.

3. Rex audita voluntate
Sancti sui largitate
Donat ei praedium.

4. In quo coetu monachoium
Congregato beatorum
Fundat monasterium.

5. Fratres sancti mente tota
Deo reddunt sua vota
Iubilantes cordibus.

Ad Benedictus.

A. O dilecte praesul, audi
Nos vacantes tuae laudi,
Quosque tenet navis Petri
Fluctuantes hos a taetri
Syrte salva putei
Portusque siderei
Pace dona perfrui.

In 2. Vesperis.

Ad Magnificat.

A. Sancto sanctum emittente
Spiritum de corpore

Sphaera ignis est repente

Visa caelum tangere,
Quae praetendens signum crucis
Hunc ad domum verae lucis
Signavit conscendere.