94. De sancto Elisaeo.

Id 1. Vesperis.

E. O quam felix religio,
Auctore freta gemino !
Helias prior praesidet,
Post Helisaeus residet,
Ex utriusque carmine
Patrona gaudet virgine,

V. Hanc prophetatam primitus
Prosequitur iam comminus
Carmelitarum cuneus.

Ad Magnificat.
A. Terrae sulcos

dum rimans aperit,
Hunc pallium

vocantis operit,
Tunc aratrum

cum bobus abicit
Et homines

arare didicit,
Ut Petrus post

piscare meruit,
Quando navem

cum reti renuit.

In 1. Nocturno.
Antiphonae.
1. Dominus admirabilis

In sanctis suis colitur,
Quorum processus nobilis
Cum laudibus recolitur.
2. Enarrant caeli gloriam
Prophetici sermones,
Nam fidei sententiam
Docent Dei praecones.

3. Signis atque miraculis
Probat Helisaeus,
Quod caeli, terrae pariter
Dominus sit Deus.

Responsoria.

1. Magistrum sequitur

sacer discipulus,
Aranti provenit

gratis manipulus,
Fervore cursitat

ad currum igneum,
Sic constans comparat

duplicem spiritum,
V. Amplexus pallium

aurigam invocat,
Sentit propitium,

dantem magnificat.

2. Dilectus Domino

reportat pallium,
Qui tactu gemino

desiccat alveum,
In signum ordinis

chlamys induitur
Et virtus numinis

hoc miro proditur ;
V. Gaudet religio

patremque sequitur,
Exemplo praevio

cuius instruitur.

3. Hic sanctus variis

usus sententiis
Nunc perdit perfidos

nunc parcit miseris,
Quem ursi vindicant

suis iniuriis
Nec victum tolerant

fore conviciis ;
V. Sic multifariis

claret indiciis,
Quod sit hierarchicis

fretus officiis.

In 2. Nocturno.

Antiphonae.
1. Pro patre proles nascitur
Et princeps constituitur,
Dum Helisaeus Heliae
Succedit in regimine.

2. Deus nostrum refugium,
Laus, virtus , vita, gaudium,
Helisaei supplicibus
Nobis succurre precibus.

3. De te dicta gloriosa,
Carmeli collegium,
Tua probant speciosa
Fundamenta montium.

Responsoria.

1. Torrens exundat subito,
Rigatur tellus fluvio,
Lecytus fluit oleo,
Vasa replentur liquido ;

V. Miranda augmentatio
Non arte vel ingenio,
Sed solo fit imperio.

2. Vitis pestiferae

venenum inficit,
Mixta farinula

dulcorem efficit,
Virtus prophetica

panes multiplicat,
Defunctum puerum

prece vivificat;
V. O quam praecipuis

effulget meritis,
Qui sic communicat

vivis et mortuis.

3. Leprae contagium

Iordanis abluit,
Sed poenam Giezi

propheta statuit,
Naturae gravitas

in ferro vincitur
Et sancti pietas

in hoste cernitur ;

V. Ecce, nec odium

nec favor geritur,
Cum damnans famulum
hosti compatitur.

In 3. Nocturno.
Antiphonae.

1. Vox sonet, votum iubilet
hymnis Deo datis,
Prophetarum oraculis
iam praenuntiatis.

2. Laetentur in ecclesia
doctores summi Dei,
Nam vident omnes populi
gloriam Helisei.

3. Det novum Deo canticum
chorus iubilaeus,
Cui persolvit spiritum
sanctus Helisaeus.

Responsoria.

1. Fecundat viduam

Helias sterilem,
Ad vitam suscitat

natum emortuum ;
Sacer Helisaeus

lepram horribilem
Tollit cum ulcere

per aquae lavacrum;
V. Neuter gentilium

contemnit populum,
Ille Sidonium,

hic curat Syrium.
2. O prophetarum flos,

destructor scelerum,
Regum fiducia,

levamen pauperum !
Tu sanas morbidos,

das vitam mortuis,
Totus virtutibus

splendens mirificis ;
V. Te laudant opera

divini numinis,
Qui vivis caelitus

nec morte vinceris.

3. Fulget ecclesia

novis miraculis,
Subportant aera

descensum poderis,
Expers qui vixerat

terreni sceleris,
Caelis adproximat

in signum foederis;
V. Praecelsi meriti

propheta nobilis,
Defensa famulos,

o praeco virginis.

In Laudibus.

Antiphonae.

1. Regnum decoris Domini
Militibus stipatur,
Cuius plenis stipendiis
Hic sanctus gloriatur.
2. Agminibus caelestium
Est annus iubilaeus,
Quo nunc et in perpetuum
Congaudet Helisaeus.

3. Lucis aeternae vigiles
Fruuntur Dei facie
Prophetae, legis consules,
Quam vident clara specie.
4. Iste sanctus benedictus

Cum beatis est assumptus,
Decor eius est amictus
Et laus Dei plenus ructus.

5. Iuvenes et virgines,
collaudate Deum,
Qui ad caelos transtulit
sanctum Helisaeum.

Ad Benedictus.
A. Benedictus rex caelestis,
prophetarum Dominus,
Qui per os sanctorum eius

dat legem fidelibus,
Viam pacis et salutis

praemonstrans operibus,
Ipse nos in caelo sistat
Helisaei precibus.

In 2. V esp eris.
Ad Matutinum.
A. Salve, praeclarissimae

Virtutis portentum,
Vitae sincerissimae

Patens documentum,
Lucens gemma confessorum,
Praecessor apostolorum,

Virginum et martyrum.

Exemplar egregium,
O Helisaee,

propheta nobilis,
Carmelitarum

pater amabilis,
Christo conre-

gnans in caelestibus,
Confer opem

tuis sequacibus.