95. De sancto Elisaeo.

In 1. Vesperis.

R. Admiranda sanctitas
Ex copia gratiarum
Per fideles recolatur,
Dum gestorum quantitas
Principis prophetarum
Elisaei memoratur,
Nam in vita et in morte
Dei claret aequa sorte
Signis et miraculis.
V. Sunamitis filium

Vivum suscitavit
Et cadaver mortuum
Defunctus recreavit.

Ad Magnificat.

A. Magna fecit potens Deus,
Dum vir sanctus Elisaeus
Per Eliam Carmelitam
Sanctiorem sumpsit vitam ;
De agro namque vocatus
Et parentibus osculatis
Notisque suis cibatis
Prophetam surgens est secutus.

Ad Matutinum.
Invitatorium.

Adoremus regem regum
Laudum cum praeconio,

Qui locavit Elisaeum
In caelorum solio.

In 1. Nocturno.
Antiphonae.

1. Elisaeus, vir beatus,

Sapienter est imbutus,
Legem Dei meditatus
Et eam est prosecutus.

2. Syriae regis servitores
Elisaeum quaesierunt

Et necis eius minatores
Adversus eum convenerunt.

3. Sub fide Dei promissorum
Ad Dominum exclamavit,
Et a derisu puerorum
Prophetam vindicavit.

Responsoria.
1. Elias pater inclitus
Ascendit paradisum
Angelica vectura,
Eius replevit spiritus
Elisaeum provisum
Duplici mensura ;
V. Animus assidue
Ignei ardoris
Nos sublevet gratuite
Vehiculo amoris.
2. Eliae chlamys candidus

Per flammas ignis iacitur
Et Elisaeus avidus

Captandum hunc adtrahitur
Explicite obfuscatum.
V. Iordanis flumen caeditur,
Per pallium disiungitur,
Iter pandens cernitur
Et sic per tutum graditur.
3 Elisaee Carmelita,
Vestis tua dispartita
Fratres tuos ornet ita
Virtuose, ut cum vita
Heredes sint aetherei,
V. Pallium latum per Eliam,
Elisaeo per aurigam

Igneum quod transfertur.

In 2. Nocturno.

Antiphonae.
1. Filii hominum, hoc scitote,
Quia Dominus sanctum
suum mirificavit

Et promittens hoc devote,
De olla mortem quod fugavit.
2. Auribus, pater, percipe

Verba clamoris mei,
Ut gratiora prospere

In me duplontur Dei.
3. Nomen tuum admirabile

Elisaeo demonstrasti,
Contra salutem Syriae

Sagitta dum pugnasti.

Responsorio.

1. Nam an Syrus cum peculio
Elisaeum sanctum adiit,
A lepra eum ut mundaret,
Dei doctus ex consilio
Propheta dona respuit,
Gratis eum ut curaret;

V. Giezi Syri munus capit,
Hoc vir sanctus intus sapit
Et Giezi virus inficit.

2. Virtutem crucis gloriosae
Pater sanctus figurabat,
Defuncto matris dolorosae
Nato vitam impetrabat,
Membra membris applicuit,
Puer septies oscitavit;
V. Adoravit Dominum

Ostium praecludendo,
Circuivit sed puerum
Calorem infundendo.
3. Elisaee, pater bone,
Confer nobis in agone
Tempus salutiferum,
Ut in peccati regione
Salvi malo a praedone,
Qui ienemur nexu scelerum,
V. Post passam famem gratiae
Fruamur fruge veniae.

In 3. Nocturno.
Antiphonae.
1. In monte sancto requiescet
Innocens adprobatus,
Et laus eius invalescet,
Dum gens per eum est cibatus.

2. Dulcis benedictio

Viro Dei fuit data
Ei vita sine termino
Nunc sibi est adlata.
3. Homo Dei concupivit

Vultum Dei contemplandum,
Et Deus eum insignivit
Infectas aquas ad sanandum.
R esponsoria.
1. Prophetarum filii,

Fratres de Carmelo,
Candorem fertis lilii

In terra et in caelo,
Nam Elisaei pallium

In vos est translatum,
Ut castum sit obsequium
Vestrum et humiliatum ;
V. Oleum auctum viduae

Per sanctum Elisaeum
Est opus pium sedule
Effectum propter Deum.
2. O Carmeli princeps sancte,
Dux religionis tantae,
Vitam celsam, quam duxisti
In nobis ora hanc firmari,
V. Veram, mundam, abdicatam,

Iustam vitam adprobatam.
3. Admiranda sanctitas
Ex copia gratiarum
Per fideles recolatur,
Dum gestorum quantitas
Principis prophetarum
Elisaei memoratur,
Nam in vita et in morte
Dei claret aequa sorte
Signis et miraculis ;
V. Sunamitis filium

Vivum suscitavit
Et cadaver mortuum
Defunctus recreavit.

In Laudibus.
Antiphonae.
1. Deus carum filium
Induit decore,
Cui patris pallium
Misit ex amore.

2. Per Elisaei festum
Iubilate Domino,
Ut omne cor maestum
Consoletur gaudio.

3. Prope torrentem fluminis
In terra deserta
Perambulat vi numinis
Gloria cum aperta.

4. In opere deifico

Per saeculorum saecula
Ex ore propbetico

Beuedicunt Deum singula.

5. Magna virtus ''Dei
''Per spiritum Elisaei
Mira operatur,
In quibus honoratur.

Ad Benedictus.
A. Pater, tu propheta
Altissimi vocaris,
Plurima secreta

Pandisse praedicaris,

Duc nos ad Dei faciem

Hostiumque verte aciem,

Da gratiae scientiam,

Peccati indulgentiam.

In 2. Vesperis.
Ad Magnificat.
A. Carmeli cultor, Elisaee,
Nos virtutum veste tege,
Doce clare nos in lege
Et in fide stantes rege,
Transfer nos ad pacis montem,
Ut gustemus vitae fontem.