100. De sancto Erico.

In 1. Vesp eris.

Antiphonae.

1. Assunt Erici

regis sollemnia, laude

Regem multiplici

collaudans, Suecia, gaude.

2. Gaudeat eximiis

Upsalia magnificata

Martyris exuviis

et signis glorificata.

3. Hic insignitus

sceptri regalis honore,

Dulciter ignitus

Christi fervebat amore.

4. Dulcis amice Dei,

per quem rex magnificatus

Es, clementer ei,

pro nobis funde precatus.

5. Da, Deus, ut mitis

regis, cuius veneramur

Festa, piis meritis

sanctis iungi mereamur.

Ad Magnificat.

A. Ave, martyr pretiose,

Miles Chr isti gloriose,

Ave, regum gloria,

O Erice, rex Sucorum,

Posce nobis peccatorum

Veniam et gaudia.

Ad Matutinum.

Imitatorium.

Christum suppliciter

laudemus ei iubilantes,

Erici pariter

sollemnia concelebrantes.

In 1. Nocturno.

Antiphonae.

1. Opem Christi flagitat

Rex ciliciatus

Et carnis subpeditat

Reprobos conatus.

2. Aqua frigens iugulat

Vim carnalitatis,

Virtus regem regulat

Moribus beatis.

3. Tyrannos audacior

Arcet et enervat,

Mites ipse mitior

In pace conservat.

Responsoria.

1. Ira, rancor, odium

Cedunt et ardescit

Dei desiderium

Nec unquam torpescit,

Per hoc felix studium

Scandit et ditescit.

V. Ideo stabilita sunt bona ipsius

'' in Domino.

''2. Lucris avaritiae

Pia mens abstracta

Lucris studet gratiae

Caelitus pertracta,

Cuncta sub iustitia

Stant pulchre compacta.

V. Nec iura, nec praedia

Plebis sunt subtracta.

3. Vana pompae practica

Contempta calcatur,

Pia lex angelica

Regi complantatur,

Scala caeli fabrica

Decens sic aptatur.

V. ''Ascensiones in corde suo dis-

posuit in valle lacrimarum.''

In 2. Nocturno.

Antiphonae.

1. Pugil fortis fidei

Dum pro fide zelat,

Ad baptismum provehi

Perfidos anhelat.

2. Pacem offert hostibus

Et pugnans procedit,

Hostes cadunt ensibus,

Regi lucrum cedit.

3. Plorat strages hostium

Motu pietatis

Dans grave suspirium,

Quod sint cum damnatis.

Responsoria.

1. Cultum idolatriae

Cultor trinitatis

De terra Finlandiae

Pellit, illustratis

Turbis dono gratiae

Fideque purgatis.

V. ''Dominus dabit benignitatem,

et terra nostra dabit fructum

suum.''

2. Precamur per vulnera

Tua, martyr Christi,

Purga nostra scelera,

Quod possimus sisti

Sursum supra sidera,

Quo tu conscendisti,

V. Ut sit splendor Domini Dei

'' nostri super nos.

''3. Summum decus patriae,

Fidei zelator,

Legum et iustitiae

Sanctus promulgator,

Sis divinae gratiae

Mitis impetrator.

V. Ut ad regnum gloriae

Nos ducat salvator.

In 3. Nocturno.

Antiphonae.

1. Rex erat Ericus

humilis, devotus, honestus,

Prudens, magnificus,

patiens, pius atque modestus.

2. Correxit Sueciae

leges, servire coegit

Christo perfidiae

gentes, quas ense subegit.

3. Digne promeruit

sanctis moriens sociari,

Qui Domino studuit

vivens vere famulari.

Responsoria.

1. Pax patriae, decus ecclesiae,

vitiis inimicus,

Rex Sueciae caelos hodie

conscendit Ericus,

V. Pro fidei fervore Dei

dilectus amicus.

2. Amens omnino

letali vulnere quino

Se vir transfixit,

quasi mortuus ille revixit,

V. Regis mirifici

meritis sanatus Erici.

3. O miles Christi,

qui martyrio meruisti

Sanctis coniungi,

iunctus diademate fungi,

Victor regali

fidei merito speciali,

V. Perveniant, qui te

laudant, ad gaudia vitae.

In Laudibus.

Antiphonae.

1. Hostia grata Deo

mactata petens paradisum,

Ecce, purpureo

reparavit sanguine visum.

2. Infanti genito

sine vita regis Erici

Vita datur merito

pariterque salus genetrici.

3. Martyr presbytero

linguae solvendo ligamen

Dat cum sincero

vocis modulamine famen.

4. Ferro transsecuit

proprium vir guttur, eique

Sanctus promeruit

vitam venerandus ubique.

5. O rex insignis,

cui servit nostra caterva,

Praefulgens signis,

nos protege, dirige, serva.

Ad Benedictus.

A. Corona fulgens aurea,

Flos dignitatis regiae,

Sanctus Ericus ignea

Vicit tela malitiae;

Sic victor vernans laurea

Rex et patronus Sueciae,

Felix de domo lutea

Transit ad regnum gloriae.

In 2. Vesp eris.

Ad Magnificat.

A. Miles regis gloriae

Tutor innocentium,

Malleus perfidiae,

Rex Erice, bravium

Apprehendens in agone

Ense caesus hostium,

Nobis placa, martyr bone,

Iesum, Dei filium.

Infra Octavam.

Ad Magnificat.

A. Magnificemus Dominum,

Ericum qui magnificat

Et in salutem hominum

Signis crebris mirificat.

Ad Benedictus.

A. Benedictus es, Domine,

Erico qui post proelium

Das in sanctorum agmine

Caelestis regni solium.

Quae nobilis loculus

Praevisus manebat.

5. Ad hoc multiplicia

Cives induxerunt

Martyrum suffragia,

Quare transtulerunt.

R. O stupor et gaudium,

Odor tantus prodiit,

Qui corda fidelium

Intrinsecus feriit

Et corda debilium

Sospitati tribuit,

V. Ut probatica piscina

Factus cunctis medicina

Languentibus adfuit.

Ad Magnificat.

A. O quantus clamor populi,

Quanta cleri laetitia,

Gaudent senes et parvuli,

Ferunt laudum praeconia

Mira de sacro tumuli

Prodeunte fragrantia.

Ad Matutinum.

Invitatorium.

Adsunt sollemnia

Translationis,

Mens det insignia

Devotionis.

Ad Nocturnum.

Antiplionae.

1. IIi, qui dono gratiae

Nobis illuxerunt,

Sunt, qui pestilentiae

Sede non sederunt.

2. Vere Dei filius

Nos magnificavit,

Hos nobis propitius

Cum mirificavit.

3. Contra viros sanguinum

Hi sunt nobis dati

Et in arma daemonum

Milites probati.

Responsoria.

1. Fulget Salerni civitas

Tribus lustrata radiis,

Quam immortalis pietas

Dignificavit variis

Magnisque prodigiis ;

V. Recte non es minima

Inter mundi lumina

Tot circumfulta gaudiis.

2. In odoris

mira fragrantia,

Quam ostendit

Cbristi clementia,

Dum sepulchri

franguntur tegmina,

Catervatim

ruebant agmina.

V. O mira suavitas,

Datur aegris sanitas

Per haec tria lumina.

Ad Laudes.

Antiphonae.

1. Adest dies laetitiae,

In quo Salerni civibus

Luxit Christus, rex gloriae,

Tribus datis martyribus.

2. Gemma triplex abscondita

Despecto latens loculo,

Jam est Salerni condita

Multiplici miraculo.

3. Sacrorum glebas corporum

Mirus odor monstravit,

Quas praecedentum temporum

Decursus occultavit,

4. Haec superant fragrantiam

Odoris unguentorum

Nec minorem frequentiam

Reddunt prodigiorum.

5. In passione socios

Capit loci unitas,

Quos fide non varios

Junxit Christi caritas.

Ad Benedictus.

A. Praeclara luminaria,

Christi veri pugiles,

Translati Dei gratia

Sitis urbis vigiles,

Sitque vestri praesentia

Cunctos firmans debiles.

In 2. Vesperis.

Ad Magnificat.

A. Gloriosi milites,

Urbem defendatis,

Verae vitis palmites,

Vinum tribuatis,

Quod gustatis divites

Omnibus beatis.