7.S. De sancto Herculano.

In 1. Vesperis.
Ad Magnificat.

Perusina

laetare civitas,
Diem festum

colens in gaudio,
Quem sacravit

Syra societas
Herculani

sacro martyrio.
Omnis culpae

cesset occasio,
Regnet in te

fides, spes, caritas,
Norma vitae,

morum frugalitas,
Divinorum

pia devotio.

Ad Matutinum.
Invitatorium.

Christo, vero salvatori,
Psallat plausus hujus chori,
Qui per poenas Herculanum
Gaeli vexit ad arcanum.

Id 1. Nocturno.
Antiphonae.

1. Dum teneret

orbis imperium
Justinianus,

cultor fidelium,
Herculanus

relinquens Syriam
Dei ductu

venit in Tusciam.

2. Fratrum coetus

una cum patruo
Curam dantes

amori mutuo
Praedicabant

in Romae finibus
Christi fidem

turbis gentilibus.

3. Hic attingens

oras Perusii
Spe divini

fultus auxilii
Fortes monens,

ne fides excidat,
Et infirmos

doctrina solidat.

Responsoria.

1. Debacchante

congressu Totilae,
Dum septennis

esset obsidio,
Ruit urbis

munimen debile,
Captivatum

famis naufragio ;
Herculanus

regis imperio
Ferro collum

supponit humile;
V. Fit concluseram

caedes non pauca virorum.
2. Inexpleta

regis malitia
Velli jubet

a tergo trophium,
Herculanus

Christi fit hostia,

Vitae sumens

hac morte bravium,
Cujus caput,

corpus et corium
Lictor extra

projecit moenia.
V. Gaudia mansura

dedit illi passio dura.

3. Venerandas

tollunt reliquias
Quidam sancto

faventes praesuli,
Locis suis

aptant minutias
Festivantes

ad locum tumuli,
Cum quo membra

defuncti parvuli
Collocantes

agunt exsequias ;
V. Qui vitium nescit,

tutus post fata quiescit.

In 2. Nocturno.
Antiphonae.

1. Herculanus

dum docet populum,
Sacrae fundens

scripturae poculum,
In pastorem

urbis eligitur,
Cunctis placens

cunctis praeficitur.

2. Tanti munus

adeptus apicis
Digne gessit

opus pontificis,
Clerum docens

normam theoricam,
Plebem vocans

ad vitam practicam.

3. Viduarum

consultor utilis,

Pupillorum

tutor laudabilis,
Suas large

dispergens copias
Egenorum

pellit inedias.

Responsoria.

1. Restitutis

in urbe civibus
Summo sanctum

requirunt studio,
Sed non parent

in ejus carnibus
Cicatrices

aut ulla laesio,
Fit membrorum

sana conjunctio,
Puer tantum

scatebat vermibus.
V. Noscitur ex isto

defunctus vivere Christo,

2. Palestini

montis vocabulum
Tenet sacer

locus calvariae,
Hic secundo

sumpserunt tumulum
Tansportatae

sanctae reliquiae,
Hunc divinae

majestas gratiae
Cephae Petro

sacravit loculum ;
V. Adfuit hic genti

defensio multa petenti.

3. Rcgerius,

antistes nobilis,
Herculanum

ubi restituit,
Aram struens

caementi stabilis,
In qua sacrum

corpus accubuit,
Et super hanc

fundare studuit

Aram Deo

formae laudabilis:
V. Dat bona non parce

martyr, qui praesidet arcae.

In 3. No cturno.
Antiphonae.

1. Macerata

carne jejuniis
Insistebat

crebris vigiliis
Et multorum

studens profectui
Subigebat

corpus spiritui.
2. Fana frangens

purgat dioecesin,
Detestandam

suggillans haeresin,
Fert in castra

ritus catholicos,
Vanos probans

errores etbnicos.

3. Declaratur

in sancto veritas,
Qua loquente

nitescit falsitas,
Tota passim

laetatur regio
Sancti viri

parens arbitiio.

Responsoria.

1. In mamilla

torquetur femina,
Dolos hostis

experta callidi,
Calet humor,

sed medicamina
Nihil prosunt

fomenti frigidi,
Donec manus

medentis providi
De supernis

confert juvamina;

V. Gratia lenivit,

quod homo lenire nequivit.

2. Aeger quidam

siccatis genibus
Laborabat

nervorum vitio,
Sese ferens

subnixis manibus
Sacrae domus

haesit in ostio ;
Ibi pii

patris subsidio
Convalescit

receptis viribus;
V. Exsiliens igitur

laetus virtute potitur.

In Laudibus.
Antiphonae.

1. Regnat cum Domino

martyr eximius,
Virtutum balteo

praecinctus fortius,
Tradens martyrio

corpus passibile,
Jam victor exprobat

lictores Totilae.

2. Optata caelitus

fretus victoria
Datori jubilat

jugi laetitia,
Secure subiens

portas refugii
Cacumen possidet

vitalis gaudii.

3. Vigilanter

currens ad lauream
Ensi molem

supponit carneam,
Felix martyrium

praecedit lacrima,
Per quam pinguedine

repletur anima.

4. Trinus anus

incommutabilis
Est per saecla

Deus laudabilis,
Qui probatum

per patientiam
Herculanum

traxit ad gloriam.
5. Collaudetur

internus arbiter
Reddens cuique

digna fideliter,
Regens, domans

vinculis ferreis
Et tyrannos

catenis igneis.

Ad Benedictus.
A. Praedicanda

Christi benignitas
Justum duxit

ad regna caelica,
Vices illi

rependens meritas
Et augmentans

manu mirifica ;
Ubi phalanx

gaudens angelica,

Ubi pollet

sanctorum claritas,
Ubi regnat

perfecta veritas,
Trinus Deus

majestas unica.

In 2. Vesperi s.

Ad Magnificat.

A. O tuorum

custos fidelium,
Herculane,

pastor et domine,
Da virtutem,

succide vitium,
Serva tuos

ab omni crimine,
Ut subtracto

carnis spiramine
Transeamus

ad vitae gaudium,
Contemplantes

patrem et filium
Conregnantem

cum sacro flamine.