79. De sancto Januario.

In 1. Vesperis.

Antiphonae.

1. Januarius inclitam

Vitam gerens, dum semitam

Christi regis prosequitur,
Urbis tunc Beneventanae
Sancte multum et humane

Dignus praesul eligitur.

2. Pollens claris miraculis
Cunctis donabat populis
Fidem veram servantibus

Debilibus remedia
Infectisque praesidia
Sibi coram adstantibus.
3. Constanter Christum praedicans
Et ore nunquam denegans

Portatur coram praeside,
Blande eum adhortatur,
Sed audire dedignatur
Sectae conjungi perfidae.
4. Praeses contemptus cogitat
Et poenas omnes indagat
Tandemque almum prae-
sulem

Crudeli ferae subicit
Et sanum stare conspicit
A dira morte exsulem.

5. Laudes mente humili
Agit divino numini

Degens in flamma ignium,
Qua protexit incolumem
Ejusque nomen celebre

Fecit creator omnium.

Ad Magnificat.

A. Exsulta, plebs fidelium,
Pete patris auxilium,
Ut semper magis floreat
Nec casum malum horreat
Urbs Neapolitana,
Sed spiritu proficiat
Et mortis actum nesciat ;
Vitet taetrum exsilium
Dei videndo filium
Ecclesia Romana.

Ad Matutinum.
Iavitatorium.

Regis sanctorum Domini
Adoremus imperium,

In flamma ignis clibani
Servantis Januazium.

In 1. Nocturno.

Antiphonae.

1. Beatus martyr Dominum
Corde semper oravit,
Praesens spernendo saeculum
Tyrannum superavit.

2. Quare miser non cogitas,
Thimotheo dicebat,
Ut vites poenas debitas,
Et fidem suadebat.

3. Domine, oro inspice

Hoc durum tormentum,
Animam tu recipe
Et corpus elementum.

Responsoria.

1. Januarius Dominum

Mente constanti confitens
Triumphavit perenniter,
Factorem esse omnium,
Tyrannum nunquam reve-
rens,
Coronatur sollemniter ;
V. Mortem subit intrepidus
Confessor Christi providus,
Polum intrat celeriter,
2. Deductus coram praeside
Suis ministris imperat,
Ut fornacem accendant,
Ad ignem gentis perfidae
Mente libenti properat,
Ut sic omnes perpendant,
V. Quod in flamma jam jactato
Angelis in se beato

Pariter Deum commen-
dant.

3. Sanctus feris exponitur,

Ut Christum ore deneget
Coram adspectu populi,
In nullo prorsus laeditur,
Fidem perfecte retinet,
Grates superno praesuli
V. Dignas devote obtulit,
Ob hoc, quod sibi contulit
Bona futuri saeculi.

In 2. Nocturno.

Antiphonae.

1. Invocantem, summe Deus,
Exaudisti me clementer,
Factus es protector meus,
Poenas sustuli potenter.
2. Verba protuli dulcoris,
Ut fidelis Christianus,
Sed in poculum doloris
In me vertit vir profanus.
3. Admirandum nomen tuum
In conspectu populorum,
Meum cor servavi purum
Comes factus beatorum.

Responsoria.

1. Vesuvius mons nimium
Igne concrematur,
Timens, ne in devium

Flamma protendatur,
Exorat Januarium,
Ut cito exstinguatur,
V. Plebs vicina civium,
Oppressa mole cinerum
Dira molestatur.

2. Fulgens habitu splendido
Nocte apparuisti,
Florentinum in lectulo
Manu appreliendisti,
Signans, quod in avido
Honore provexisti,
V. Orationi dedito
Inducto nutu caelico
Clemens annuisti.

3. Defunctum natum anxie
Mater deploravit,
In praesulis effigie

Mox ut mensuravit,
Pater misericordiae
Eum suscitavit,
V. Subveniret miseriae
Ejas afflictae viduae,
Dolens exoravit.

In 3. Nocturno.

Antiphonae.

1. Spondens tua bonitate
Viro probo canopaeum,
Sibi dedi indilate

Post abscissum caput meum.

2. Ductus es in altum locum,
Ubi vitam finivisti,
Neque digitum amotum
Deperire permisisti.

3. In virtute exsultabo

Praedicando verbum Dei,
Hymnum laudis post cantabo
Consolamen cordis mei.

Responsoria.

1. Exstinctus erat clericus
Sopori mortis deditus,

Adsistit chorus cleri,
Suscitavit clementius,
Crescens et Innocentius
Testes sunt hujus rei;
V. Adveniens ut medicus
Palpavit Januarius
Virtute summi Dei.

2. Insignis vir Gregorius
Confectus jam doloribus

Praeerat Capuanae
Urbi tribunus, dominus
Sepulchrum cum militibus
Petebat non inane ;
V. Sanatum Januarius

Reddit palam in gentibus
Languentem inhumane.

3. Orientales populi

Currentes mente humili

Oppressi praegravantur,
Virtute Januarii
Suo succurri vulneri
Devote precabantur,
V. Sed et caecorum lumini,
Membrorum loco debili
Remedia donantur.

In Laudibus.

Antiphonae.

1. Martyr Deo deditus
In fine sui exitus

Fidem nunquam negavit,
Testans, quod in perpetuum
Christus, creator omnium,
Ut dominus regnavit.

2. Sanctos sibi consocios
Velut filios proprios

Amplectens caritate,
Eis pie suadebat:
Hortans etiam docebat:

Deo semper jubilate.

3. In fornace dum jactatur,
Sanctus statim liberatur,

Stupet nimis Thimotheus,
Non oblitus cogitare,
Ore etiam clamare:

Sancte Deus, Deus meus.
4. Verba sancti pontificis
Lingua pravi carnificis

Dicit delira somnia,
Clamat dum non per alium,
Seni dedit orarium:

Benedicite, omnia,
5. Siguum fecit Danielis
Praesul magnus et fidelis

Coram adspectu omnium,
Mites ferae cucurrerunt,
Pedes ejus dum linxerunt,

Omnes, laudate Dominum.

Ad Benedictus.

A. Laetare, pastor optime,
Et nos a malo redime

Omnesque actus mentium
Conserva hic sistendum
In caritate nimia,
Ut pace bona gaudeant,
Rancorem pravum odiant
Christoque laudes dicere
Et postea conspicere
Possint superna limina.

In 2. Vesperis.
Ad Magnificat.

A. Salve, defensor patriae,
Gaudens triumpho gloriac,
Nitens ut gemma praesulum,
Almum concede exitum,
Januari sanctissime,
Ut in supremo culmine
Vero possimus lumine

Nostram perenne praemium,
Deum auctorem omnium,
Contemplari clarissime.