84. De sancto Martiano.

In 1. Vesperis.
Super Psalmos.

A. Ex quo venit Syracusas

praesul Martianus,
Cessit loco vitiorum

conventus insanus,
Cessit idolorum cultus,

cessit honor vanus,
Signo crucis propulsatur

spiritus profanus.

Ad Magnificat.

A. Gloriosi Martiani

redeunt sollemnia,
Psallat chorus, sonet hymnus,

concrepet melodia,
Ad triumphum tanti patris

confluat ecclesia,
Laudes promat et erumpat

in festiva gaudia.

Ad Matutinum.
Invitatorium.

Exsultemus Deo patri

spiritus concordia,
Qui in terris Martianum

praesulari gratia
Et in caelis consecravit

immortali gloria.

In 1. Nocturno.
Antiphonae.

1. Urbs laetare Syracusa
laudibus uberrima,
Praesulatu Martiani
facta celeberrima.

2. Plaude manu, psalle voce
Hujus in praeconia,
Verbo cujus te adornant
fidei mysteria.

3. Fonte sacro te permundat,
tabes cedit squalida,
Nam squalorem in decorem
stola mutat candida.

Responsoria.

1. Martianus de patre Deum,

de lumine lumen
Testatur Christum,

detestans futile numen,
V. Pellit lux tenebras,

idola vera fides.

2. Martianus fudit

liquidum de pectore flumen,
Scripturas reserans

evangeliique volumen,
V. Pascit caelesti

nectare pastor oves.

3. Praesulis officio

vigil insudat, simulacra
Vana jeeit signis,

confirmat dogmata sacra ;
V. Hortari ratio,

cogere signa solent.

In 2. Nocturno.

Antiphonae.

1. Jam erumpit lux accensa
Igne sancti spiritus,
Jam elucet flammae globus
Supra montem positus.

2. Claret cunctis vir caelestis
Soli Deo deditus,
Non lucere nescit dies
nulla nube obsitus.

3. Eroganda quae suscepit,
verbi Dei semina
Late spargit, sparsa rigant
paradisi flumina.

Responsoriu.

1. Stabat imago nitens

cultu celeberrima plebi,
Urbis relligio
praesignis, nomine Phoebi,

V, Corruit in praeceps
praesulis illa prece.

2. Monstra, dira lues,

signum letale liquescit,
Hostili casu

victoris gloria crescit,

V. Virtutis carpit

praemia livor edax.

3. Pontifices clamant,

plebs debacchatur inanis,
Ira crudescit

furiis agitata profanis,
V. Immeritum damnat

noxia turba caput.

In 3. Nocturno.
Antiphonae.

1. Ad usuram dum commissa
traditur pecunia,
Duplicata reportantur
talenti commercia.

2. Miles Christi quibus certat.
arma sunt siderea,
Scutum fides, mucro verbum,
salus est pro galea.

3. Pugnam agit, palmam sperat,
numerat stipendia,
Post laborem quae meretur
fidei victoria.

Responsoria.

1. Stat praesul virtute potens,

sermone modestus,
Excipit incursus

et plebis sustinet aestus,
V. Nescit in adversis

cedere vera fides.

2. Additis poenis

in portum praecipitatur,
Desuper immittunt

ignem. sed retrogradafur,
V. Victorisque uces,

qui redit, ignis agit.

3. Permanet invictus

populum vincendo malignum,
Pro gladio gestans

crucifixi nobile signum,
V. Gestit praeco crucis

pro cruce ferre crucem.

In Laudibus.
Antiphonae.

1. Dum aeternae viam vitae
docet vir eximius,
Credunt viri consulares
Leucus et Gordius.

2. Signo crucis curat aegros,
effugat daemonia,
Et imago salvatoris
salutis dat remedia.

3. Friget error, fervet fides,
silet idolatria,
In Dianae formam structa
corruit Artemia.

i. Benedicant patrem rerum
raelum, terrae, maria,
In quo vicit Martianus
aquas et incendia.

5. Laus jucunda salvatori
resonet per saecula,
Per quem florent Martiam
praesulis miracula.

Ad Benedictus.

A. Admiranda Martiam

praefulgens magnalia,
Cujus lingua ros caelestis,

fons conditus gratia,
Cujus pectus vas virtutis,

plenum sapientia ;
Tanto patri commendetur

praesens haec familia.

In 2. Vesperis.

Ad Magnificat.

A. Praesul ave Martiane,

praesulare speculum,

Ave, pater, forma morum,

virtutis signaculum,
Confer opem, spem largire,

pietatis oculum
In nos verte, nos conserva,
hunc tuere populum.