95. De sancto S. Prosdocimo.

In 1. Vesperis.

Antiphonae.

1. Almi laudes confessoris,
Beati Prosdocimi,
Resonemus cunctis horis
Mente Deo proximi.

2. Tanta prole fecundata
Felix gaude Graecia,
Quam ad dona Deo data
Petri trahunt retia.

3. O solamen miserorum,
Beate Prosdoeime,
Cunctas pelle sordes morum,
Confessorum optime.

4. Pater sancte, Deo care,
Cum prece assidua
Semper Christum deprecare
Pro dilecta Padua.

5. Ob tulisti Christo laudes

Gerens spem de praemio,
Unde digne tu congaudes
Abrahae in gremio.

Ad Magnificat.

A. Gaudet chorus confessorum

Aucto pro collegio,
Gratulatur coetus horum

Nobili praeconio,
Plaudit omnis angelorum

Reverenda legio,
Offerens regi polorum

Prosdocimum cum gaudio.

Ad Matu tinum.

Invitatorium.

Summo regi jubilemus,
Redemptori optimo,

Corde, ore decantemus
Beato Prosdocimo,

In 1. Nocturno.
Antiphonae.

1. Generosum trahens ortum
Clara de prosapia
Hujus vitae sprevit portum
Tendens ad sublimia.
2. Cum optaret sequi Christum,
Noxae pulsa macula
Pertransivit mundum istum
Petri cum navicula.

3. Confidenter vir beatus
Properat Patavium
Et a Petro informatus
Optat vitae bravium.

4. Paduam Prosdocimus
Petro missus venit
Et in porta plurimos
languidos invenit.

5. Cumque rex deposceret
vitae sanitatem,
Obtinere meruit
mentis sospitatem.
6. Postquam rex est illustratus
Fidei mysterio,
Consequenter est ditatus
Castae prolis praemio.

Responsorio.

1. Hic est sacer siguis clarus

Beatus Prosdocimus,
Qui exsistit Deo carus,

Ei semper proximus ;
Antiquorum confessorum

Hic censetur socius,
In caterva splendet quorum

Velut solis radius ;
Quo rectore, quo doctore

Illustratur Marcbia,
Quo congaudes tu pastore,

O urbs Antenoria.
V. Sidus vere sacerdotum,

Lucens per Illyricum,
Illustrasti fere totum

Populum Italicum,

2. Adest hic Israelita,
Cui Christus fuit vita

Optanti caelestia,
Mentis visum Christo fixit,
Carnem mundo crucifixit

Respuens terrestria ;
V. Christum amans cuncta sprevit

Mundi circumstantia,
Semen Dei semper sevit

Cum perseverantia.

3. Dum intraret urbem regis,
Primo portae limite
Turbam vidit sui gregis
Pressam aegritudine,
Quam sanavit lator legis
Jesu Christi nomine ;
V. Tunc athleta Christi fretus
Divo medicamine
Tristes urbis tersit fletus
Pio consolamine.

4. Gaude semper et laetare,

Urbs praeclara Padua,

Almum patrem deprecare

Cum prece assidua,
Ut per ipsum merearc
Dona caeli ardua,
V. Cui nihil in bac vita
Gratum certe fuit ita
Quam tua devotio.

In 2. Nocturno.

Antiphonae.

1. Verbum vitae cognovisti,
Civitas Vincentia,
Nam per istum effugisti
Animae nocentia.

2. Sanctus Dei expurgavit
Regni cuncta idola,
Verbum Dei seminavit
Sapiens agricola.

3. Cultum Dei propagavit
Regni per confinia,
Gregem multum aggregavit
Christi ad ovilia.

4. Cum fecisset signum crucis
Super caecae oculos,
Introducit formam lucis
Respuentem baculos.
5. Mulieris manum rexit
Beatus Prosdocimus,
Ipsam sanam sursum vexit
Praesul devotissimus.
(5. Mulier tunc exclamavit:
Unus est altissimus,
Per quem solum me sanavit
Beatus Prosdocimus.

Responsoria.

1. Intuens Prosdocimus,

Turbam infirmorum,
Flectat sancta genua

pro salute horum,
Quem exaudit pietas

Domini polorum,
Diluens contagia

corporum et moium.
V. Christum petit ore, mente

Pro salutis gratia,
Orat ipsum et intente,

Ut repellat vitia.
2. Vir beatus cum intravit

Regium cubiculum,
Sordes cunctas expiavit

Crucis per signaculum ;
Rex devotus effugavit

Omne offendiculum
Seque Christo dedicavit

Pium habitaculum.
V. Protinus erigitur

Rex Vitalianus
Ad asdpectum praesulis

Fore Christianus,
3. Rege claro baptizato

Culpas unda sustulit,
Et Jesus ei renato

Sanitatem contulit,
Multitudo admiratur

Regis beneficio,
Meritoque ampliatur

Fidei devotio.

V. Statim regi adfuit
Gratia divina,
Ex qua vere provenit
Omnis medicina.

4. Propagator veritatis,
Rosa fulgens pietatis,

Beate Prosdocime,
Voces, preces tui cleri
Dirigas ad regem caeli,

O pater sanctissime.
V. Pastor clemens, praesul pie,

Ad te spectat Padua,
Ipsa colit in hac die

Festa tua annua.

In 3. Nocturno.
Ad Cantica.

A. Audiens Vitalianus

Beatum Prosdocimum,
Elevat ad caelum manus
Invocans altissimum.

Responsoria.

1. Postquam rex est illustratus
Fidei mysterio,
Consequenter est ditatus
Castae prolis praemio,
Quam instruxit vir beatus
Sacro evangelio.
V. Regis natam baptizavit
Jesu Christi nomine,
Quam vir sanctus appellavit
Justinam cognomine.
2. Sanctae predicationis
Facto ministerio
Vir summae devotionis

Redit a Tarvisio,
Quem repleti sacris donis
Ambiunt cum gaudio.
V. Plebs fidelis collaetatur
Et in Christo iucundatur
De pastoris reditu,
3. Postquam cursum consummavit
Almus Christi villicus,

Portas vitae penetravit

Praesul apostolicus,
Cui laetas obviavit

Cuneus angelicus.
V. Corpus ejus honoravit
Et devote collocavit

Paduanus populus.
4. Caelum petit triumphator

Cum ingenti gloria,
Animarum illustrator

Fulget in memoria,
Quem admittit poli sator

Lucis ad praetoria.
V. Vitae cursu consummato

Pergit ad aetherea,
Hoste vadit triumphato

Ad regna siderea.

In Laudibus.

Antiphonae.

1. Tanta erat in hoc viro
Verbi efficacia,
Ut infectos ritu diro
Illustraret gratia.

2. Pollens mira vir beatus
Animi prudentia,
Digne multis est praelatus
In adulescentia.
3. Stella nitens et praeclara,
Beate Prosdocime,
Taetra pelle, lucem para,
Serve Dei maxime.
4. Christo reddat commendatos
Suis almis precibus,
Quos fecit esse beatos
Disciplinae moribus.
5. In caterva confessorum
Flores velut lilium,
In te sibi rex caelorcm
Fecit domicilium.

Ad Benedictus.

A. Claritate lucens morum
Beatus Prosdocimus

Intrat agmen confessorum,
Cultor Christi maximus,

Quem coronat rex sanctorum
Vitae dator optimus.

In 2. Vesperis.
Ad Magnificat.

A. Digna coli adest dies
Pio modulamine,

In quo datur sancto quies

Longo pro certamine ;
Hodierna sanctus die

De mundi voragine
Ductus est ad caelum pie

Triumphali carmine ;
Unde nobis, te rogamus,

Beate Prosdocime,
Ut sis praesto, exoramus,

Pastor clementissime.