Lectio Aegidii Boucherii.
Commentar. in Victorii Aquitani Canonem Paschalem, pag. 269, Antverpiae. Plantin. 1634.

Catalogus hic ad Callistum usque confusior et vitiosus est: post illum paulo distinctior, maxime post Lucium.

Imperante Tiberio Caesare, passus est Dominus noster Jesus Christus, duobus Geminis Consulibus, VIII Kalendas Aprilis, et post adscensum ejus, Beatissimus Petrus Episcopatum suscepit. Ex quo tempore per successionem dispositum, quis Episcopus, et quot annis praefuit, vel quo imperante.

Petrus, annis viginti quinque, mense uno, diebus novem. Fuit temporibus Tiberii Caesaris, et Caii, et Tiberii Claudii, et Neronis, a Consulatu Vinicii et Longini usque Neronis et Veteris . Passus autem cum Paulo die tertia Kalendas Julias, consulibus Ss. imperante Nerone.

Linus annis duodecim, mensibus quatuor, diebus duodecim. Fuit temporibus Neronis a Consulatu Saturnini et Scipionis usque Capitone et Rufo.

Clemens annis novem, mensibus undecim, diebus duodecim. Fuit temporibus Galbae et Vespasiani, a Consulatu Trachali et Italici, usque Vespasiano VI et Tito.

( Clementem Eusebius et Baronius Cleto postponunt.)

Cletus annis sex, mensibus duobus, diebus decem. Fuit temporibus Vespasiani et Titi, et initio Domitiani, a Consulibus Vespasiano VIII et Domitiano V, usque Domitiano IX et Rufo.

Anacletus annis duodecim, mensibus decem, diebus tribus. Fuit temporibus Domitiani, a Consulibus Domitiano X, et Sabino, usque Domitiano XVII et Clemente.

Evaristus annis tredecim, mensibus septem, diebus duobus. Fuit temporibus novissimis Domitiani, et Nervae, et Trajani; a Consulatu Valentis et Veri, usque Gallo et Bradua.

Alexander annis septem, mensibus duobus, die uno. Fuit temporibus Trajani, a Consulatu Palmae et Tulli usque Veliano et Vetere.

Sixtus annis decem, mensibus tribus, diebus viginti uno. Fuit temporibus Hadriani, a Consulatu Nigri et Aproniani, usque Vero III, et Ambibulo.

Telesphorus annis undecim, 0449 mensibus tribus, diebus tribus. Fuit temporibus Antonini Macrini, a Consulatu Titiani et Gallicani, usque Caesare et Balbino.

Hyginus annis duodecim, mensibus tribus, diebus sex. Fuit temporibus Veri, a Consulatu Gallicani et Veteris, usque Praesente et Rufino.

( Deest hic Anicetus cui dant annos pene octo.)

Pius annis viginti, mensibus quatuor, diebus viginti uno. Fuit temporibus Antonini Pii, a Consulatu Clari et Severi, usque duobus Augustis. Sub hujus Episcopatu frater ejus Hermes librum scripsit, in quo mandatur, contineturque quod ei praecepit Angelus, cum venit ad eum in habitu pastoris.

Soter annis novem, mensibus tribus, diebus duobus. Fuit temporibus Antonini et Commodi, a Consulatu Veri et Erenniani, usque Paterno et Bradua.

( Deest rursus Eleutherius quem volunt sedisse annos quindecim.)

Victor annis novem, mensibus duobus, diebus decem. A Consulatu Saturnini et Galli, usque Praescate et Extricato.

( Deest item Zephyrinus cui dant annos decem et octo.)

Callistus annos quinque, menses duos, dies decem. Fuit temporibus Macrini et Heliogabali, a Consulatu Antonini et Adventi, usque Antonino III et Alexandro.

Urbanus annos octo, menses undecim, dies duodecim. Fuit temporibus Alexandri a Consulatu Maximi et Aeliani, usque Agricola et Clementino.

Pontianus annis quinque, mensibus duobus, diebus septem. Fuit temporibus Alexandri, a Consulatu Pompeiani et Peligniani. Eo tempore Nepotianus Episcopus et Hippolitus Presbyter exules sunt deportati in insulam nocivam Sardiniam, Severo et Quintiano Consulibus. In eadem insula discinctus est IV Kalendas Decembris, Consulibus Ss.

Anteros mense uno, diebus decem. Dormit III. Nonas Januarii, Maximo et Africano Consulibus.

Fabianus annos quatuordecim, mensem unum, dies decem. Fuit temporibus Maximini, et Gordiani, et Philippi. A Consulatu Maximini et Africani, usque Decio II, et Grato. Passus XII. Kalendas februarii. 0451 Hic regiones divisit Diaconibus: et multas fabricas per coemeteria fieri jussit. Post passionem ejus, Moyses et Maximus Presbyteri, et Nicostratus Diaconus comprehensi sunt, et in carcerem missi. Eo tempore supervenit Novatus ex Africa; et separavit de Ecclesia Novatianum, et quosdam confessores, postquam Moyses in carcere defunctus est, qui fuit ibi menses undecim, dies undecim.

Cornelius annos duos, menses tres, dies decem. A Consulibus Decio IV. et Decio II. usque Gallo et Volusiano. Sub Episcopatu ejus Novatus extra Ecclesiam ordinavit Novatianum in urbe Roma, et Nicostratum in Africa. Hoc facto, Confessores qui se separaverunt a Cornelio, cum Maximo Presbytero, qui cum Moyse fuit, ad Ecclesiam sunt reversi; post hoc Centumcellis expulsi. Ibi cum gloria dormitionem accepit.

Lucius annos tres, menses octo, dies decem. Fuit temporibus Galli et Volusiani, usque Valeriano III, et Gallieno II. Hic exul fuit, et postea nutu Dei incolumis ad Ecclesiam reversus est , tertio Nonas Martias, Consulibus Ss.

Stephanus annos quatuor, menses duos, dies viginti unum. Fuit temporibus Valeriani et Gallieni, a Consulatu Volusiani et Maximini, usque Valeriano III et Gallieno II.

Sixtus annis duobus, mensibus undecim, diebus sex. Coepit a Consulatu Maximi et Glabrionis, usque Tusco et Basso, et passus est VIII Idus Augusti, a Consulatu Tusci et Bassi, usque in die XII Kalendas Augusti, Aemiliano et Basso Consulibus.

Dionysius annis octo, mensibus duobus, diebus quatuor. Fuit temporibus Gallieni, ex die undecimo Kalendarum Augusti, Aemiliano et Basso Consulibus, usque in diem septimum Kalendas Januarii, Consulibus Claudio et Paterno.

Felix annis quinque, mensibus undecim, diebus viginti quinque. Fuit temporibus Claudii et Aureliani: a Consulatu Claudii et Paterni, usque in Consulatum Aureliani II. et Capitolini.

Eutychianus annis octo, mensibus undecim, diebus tribus. Fuit temporibus Aureliani, a Consulatu Aureliani III et Marcellini, usque in diem VII Idus Decembris, Caro II et Carino Consulibus.

Caius annis duodecim, mensibus quatuor, diebus septem. Fuit temporibus Cari et Carini, ex die XVI Kalendas Januarii, Consulibus Caro II et Carino, usque in X Kalendas Maii, Diocletiano VI et Constantio II Consulibus.

Marcellinus annis octo, mensibus 0453 tribus, diebus viginti quinque. Fuit temporibus Diocletiani et Maximiani, ex die pridie Kalendas Julias: a Consulibus Diocletiano VI, et Constantio II, usque in Consulatum Diocletiani IX, et Maximiani VIII. Quo tempore fuit persecutio et cessavit Episcopatus annis VII , mensibus VI, diebus XXV.

Marcellus anno uno, mensibus septem. diebus viginti. Fuit temporibus Maxentii, a Consulatu X et Maximiano , usque post Consulatum X, et septimum.

Eusebius menses quatuor, dies sedecim, a XIV. Kalendas Maias, usque in diem XVI Kalendas Septembris.

Miltiades annis tribus, mensibus sex, diebus novem, ex die sexto Nonas Julias, a Consulatu Maximiano VIII solo; quod fuit mense septembri, Volusiano et Rufino, usque in III Idus Januarii, Volusiano et Anniano Consulibus.

Sylvester annis viginti uno, mensibus undecim. Fuit temporibus Constantini, a Consulatu Volusiani et Anniani, ex die pridie Kalendas Februarii, usque in diem Kalendarum Januariarum, Constantio et Albino Consulibus.

Marcus menses octo, dies viginti. Et hic fuit temporibus Constantini, Nepotiano et Facundo Consulibus ex die XV Kalendas Februarias, usque in die Nonarum Octobrium, Consulibus Ss.

Julius annos quindecim, mensem unum, dies undecim. Fuit temporibus Constantini, a Consulatu Feliciani et Titiani, ex die VIII. Idus Februarii, in diem pridie Idus Aprilis, Constantio V, et Constantio Caesare Consulibus. Hic multas fabricas fecit: Basilicam in via Portense, milliario III. Basilicam in via Flaminia, milliario II. quae appellatur Valentini. Basilicam Juliam, quae est regione VII, juxta forum Divi Trajani: Basilicam trans Tiberim, regione XIV juxta Callistum: Basilicam in via Aurelia, milliario III ad Callistum.

Liberius fuit temporibus Constantii, ex die XI. Kal. Junias, in diem. . . . . . a consulibus Constantio V, et Constantio Caesare.

( Omnia pene haec opuscula desinunt his Coss. unde apparet anno isto, Christi 354, scripta aut circiter.)