QUAESTIO II.

Virum quilibet Sacerdos proferendo verba sacramentalia consecrationis corporis cum intentione debita circa materiam convenientem, possit conficere corpus Christi ?

Alens. 4. part, quaest. 35. memb. 4. 5. et 6. D. Bonavent. hic art. 2. quaest. 1. Richard. art. 1. quaest. 1. D. Thom. 3. part. quaest. 82. art. 1. Suarez ibi, disp. 61. sect. 3. BeUarni. lib. i. de Eucharist. cap. 10. Waldens. de sacrament. c. 7. et 2 7. Scot. in Oxon. hic quaest. 2.

Quod non. Malachiae 2. Maledicam benedictionibus vestris, et subditur: Quis praevalebit ?

Item, prima quaest. 1. cap. quod qui dam, dicitur quod suspenso Sacerdote nulla ei relinquitur potestas.

Item, si sic, aequaliter valeret Missa malorum Sacerdotum, sicut bonorum, consequens est falsum.

Item, laicus potest sumere corpus Christi: igitur et conficere, quia magis est sumere, quam conficere, quia unum ordinatur ad aliud.

Item, Diaconus potest dispensare sanguinem Christi, ut patet in vita beati Laurentii, dicentis beato Sixto: Cui dispensationem Dominici sanguinis tradidisti: sed magis est di spensare quam conficere, et in Canone Diaconi et subdiaconi possunt dispensare.

Oppositum, prima quaest. 1. cap. quod idem, dicitur: Qui non amittit baptismum, non amittit jus baptizandi: sed Ordo non potest tolli Sacerdotalis propter indebilitatem characteris; ideo nec potestas conficiendi.

Item, quod non laicis, de consecrdist. 2. Prohibemus: Una opinio est, quod Sacerdos degradatus non potest conficere, neque excommunicatus. Unde dicitur quod sicut Episcopus impressit characterem, ita degradando potest auferre; sed hoc est falsum, quia Episcopus est Minister in dando, non in auferendo. Unde quod Sacerdos non sit de foro saeculari vel laicali non est intrinsecum Ordini, sed postea annexum.