QUAESTIO II.

Utrum oetas puerilis impediat matrimonium ?

D. Thom. in addit, q . 58. art. 5. et hic q. 1. art. 5. D. Bonavent. art. 2. q. 1. Rich. art. 6. q . 2. Covar. 4. decret. 2. p. cap. 5. n. 5. gloss. o. continebatur, de despons. impedim. et ibid. DD.

Videtur quod non, quia aliquibus potest convenire potestas ad aliquem actum exercendum, antequam conveniat eis usus illius potestatis: patet de Ordine qui potest alicui conferri sine executione illius Ordinis. Igitur cum contractus matrimonialis sit datio potestatis corporum, nec in pueris sit impedimentum aliud, quam impedimentum usus, quia non statim possunt uti sua potestate, sequitur quod possunt contrahere.

Contra, illi non possunt contrahere simul, qui non possunt dominium et potestatem corporis sui in alias transferre, cum matrimonium essentialiter sit mutua ?ranslatio corporum contrahentium. Sed pueri non possunt corpora sua quantum ad potestatem et usum illorum propter impotentiam transferre, patet extra de frigidis et maleficiatis, cap. Quod sedem, quia, ut ibidem dicitur, puer, qui non potest reddere debitum, non est aptus conjugio; igitur pueri non possunt contrahere.