QUAESTIO UNICA.

Utrum Ordo sacer impediat matrimonium contrahendum.

D. Thom. 2. 2. q. 88. art. 5. et hic q. 1. art. 5 . D. Bonav. art. 1. q. 1. Ricliard art. 1. q. 1. Darand. q. 2. Henric. quodl. 5. q. 28. Sancli. lib. l. de matrim. d. 27. ?t trib. sequent . Beliarm. lib. de membris Ecclesiae .

Videtur quod non, quia Apostolus 1. Timoth. 3. dicit quod oportet Episcopum esse unius uxoris virum; igitur cum non majoris perfectionis sit modo Ordo, quam fuerit in primitiva Ecclesia, quando Christus hoc per Apostolum concessit, videtur quod modo Ordo non impediat matrimonium.

Item, tanta est oppositio inter matrimonium et Ordinem, quanta e converso, quia quorumcumque oppositorum unum non potest stare cum alio, nec e converso cum illo. Sed matrimonium contractum non impedit susceptionem sacrorum Ordinum, quia aliquis, antequam sit matrimonium consummatum, potest intrare Religionem, et ibi promoveri ad Ordines sacros, sicut patet de Joanne Evangelista, consummans etiam matrimonium cum virgine, potest postea ad Ordines sacros promoveri; igitur videtur quod e converso Ordo non impediret matrimonium.

Contra, distinct. 27. et recitatur in littera a Magistro, hujus distinctionis cap. 1. Placuit, dicit Dominus Papa: Episcopos, Sacerdotes, Diaconos et Subdiaconos secundum priorum instituta etiam ab uxoribus abstinere, et non contrahere, ut ibidem dicit glossa.