QUAESTIO UNICA.

Utrum votum continentiae impediat matrimonium ?

D. Thom. 2. 2. q. 88. art. 7. et 11. et hic q. 1. it, 2 D. Bonav. a. 2. q. 1. Richard. art. 7. q . 2. Gabr. q. un. Palud. q . 4. Bellarm. l . deMonachis a cap. 22. Sanch. l . 7. disp. 25. et 26. Azor. lib. 12. c. 6. q. 1.

Videtur quod non, quia, Extra de voto et voti redemptione, qui Clerici vel voventes, dicitur, quod simplex votum apud Deum non minus obligat quam solemne. Sed matrimonium, contractum post votum continentiae simplex, non est dirimendum; igitur nec post solemne. Item, ibidem cap. Qui clerici, Meminimus, dicitur quod si aliquis ad

Religionem se transiturum voverit, et postea matrimonium contraxerit, non est cogendus transire ad Religionem, et matrimonii votum rescindere.

Et si dicis quod non est simile, quia votum solemne probari potest, non sic privatum. Contra ex hoc sequitur oppositum, quia tunc si probetur esse votum, licet non solemne, impediet matrimonium, quod est contra istas Decretales.

Contra, eodem titulo Extra, qui clerici, cap. Insinuante, dicitur de quadam nobili muliere, quae votum castitatis emisit, et in Religione habitu illius assumpto biennio remanserat, et postmodum matrimonium contraxerat, quod ad Religionis habitum resumendum et servandum quod voverat, erat Ecclesiastica censura coercenda.