QUAESTIO UNICA.

Utrum cognatio carnalis impediat matrimonium^.

D. Thomas in addit, q. 45. art. 2. hic q. 1. art. 2. D. Bonav. art. 1. q. 2. Bichard. art. i. q. 2. Durand. q. 2. Sot. q. unio Palud. q. unio. Sanch. l. 7. d. 50. et trib. sequent.

Videtur quod non, quia tempore legis naturae fuit verum matrimonium, et tamen tunc frater contraxit cum sorore. Patet de filiis Adam, aliter contraxissent cum matre, quod nunquam fuit licitum quia tunc non fuit alia mulier, nisi vel soror, vel mater eorum.

Item, inter conjuges requiritur amicitia, quae firmat domum et familiam; sed inter cognatos est major amicitia quam inter extraneos; igitur consanguinitas magis promovet ad contrahendum quam impediat.

Oppositum 35. q. 3. De propinquis, quoedam lex, etc. et recitatur a Magistro in littera, et extra de consan guinitate cap. Non debet. Item Levit. 18. excluduntur multae personae propter consanguinitatem.