3S6. De s. Victore Archiacensi.

la. Canat chorus et ad caelos

Ferat nostrum dulce melos

Victoris memoria.

1b. Magis autem Deum laudent,

Qui de sancta eius gaudent

Et dulci praesentia.

2 a. In commune laus ducatur,

Nam communi exsultatur

Decore et gratia;

2 b. Una nostra et sanctorum

Exstat causa gaudiorum,

Etsi dispar copia.

3 a. Est sanctorum Victor unus,

Sed partitam nobis munus

Cum superna patria ;

3 b. Nobis sacrum corpus cessit,

Illis illa, quae praecessit,

Vitalis substantia.

4 a. Honoremus, quod habemus,

Prosequantur, quo caremus,

Vocum ministeria.

4 b. Vota voces subsequantur,

Sursum corda rapiantur

Ad caeli palatia.

5 a. Illic enim tibi, Christe,

Confitetur Victor iste

Pro sua victoria.

5 b. Ibi, ibi pausat sibi,

Ubi dicunt laudes tibi

Angelorum milia.

6 a. Quam beatus ille homo,

Qui in laeta Dei domo

Laeta captans praemia

6 b. Domum istam gaudiorum

Et lactantem illum chorum

Implevit laetitia!

7 a. Quantum decus sanctitatis

Introisset, probat satis

Exsultans familia,

7 b. Arbitrata fore decens

Aliquid addendum recens

Ad sua sollemnia.

8 a. Quis enarret, quam festive

Veniente tanto cive

Plausit illa curia?

8 b. Quantus hic est, qui supernis

Festis simul et aeternis

Nova miscet gaudia?

9 a. Hic est ille, qui et ante

Puritatis erat tantae,

Ut mentis potentia

9 b. Sensus carnis transiliret,

Caelos sibi aperiret,

Videret magnalia.

10 a. Inde notus civibus,

Inde gratus omnibus,

Tam carus ad gratiam

Quam clarus ad gloriam.

10 b. Serenus ad gaudia,

Sincerus ad merita,

Celsus ad potentiam,

Promptas ad victoriam.

11a. Non de vite sed de fonte

Novo rerum ordine

Traxit vina vis divina

Colorato flumine.

11b. Verbum Christi decoratur,

Huius sancti lumine

Servus Cbristi honoratur

Pro similitudine.

12 a. Sed vis ipsa quasi vite

Est Victoris usa fide

Et manu pro germine.

12 b. Cur non mutet fides fontem,

Quae iubendo movet montem

A summo fundamine?

13 a. Nota est devotio,

Impleta promissio,

Una operatio,

13 b. Absoluta veritas,

Manifesta sanctitas,

Admiranda novitas.

14 a. Haec, dum solem hunc spectabat

Et infernis iam micabat,

Lux latere nescia,

14 b. Haee dum lucem hanc captabat,

Et inferna fulminabat,

Torquebat daemonia.

15 a. Matris de visceribus

Imminebat hostibus

Victrix innocentia.

15 b. Inde nomen indidit,

Cum se victam prodidit

Carnalis nequitia.

16 a. Quid significantius

Quove posset dignius

Censeri vocabulo?

16b. Qui non norat vivere,

Poterat iam vincere;

Res stupenda saeculo!

17 a. Gloriosus Victor ille

Et coronis dignus mille,

Dignus omni gloria.

17 b. Victor vitam hanc ingressus,

Victor aeque est egressus

Subacta militia.

18 a. Victor mundi, victor sui,

Victor ab infantia,

Rapit demum caeli regnum

Et sic vicit omnia.

18 b. Iesu bone, tu coronae,

Tu dator . . . .