2. In Adventu Domini. Dominica prima.
3. In Adventu Domini. Dominica tertia.
4. In Adventu Domini. Dominica quarta.
5. In Adventu Domini. Dominica quarta.
13. In Translatione s. Coronae.
14. De Quinque Plagis Christi.
16. In Veneratione Miraculi sancti Sanguinis Christi.
17. In Transfiguratione Domini.
18. In Transfiguratione Domini.
19. In Transfiguratione Domini.
21. In Resurrectione Domini. Feria II Paschae.
28. In Commemoratione Defunctorum.
40. Visitatione Beatae MV. Infra Octavam.
44. De Beata Maria V. Infra Octavam Assumptionis.
45. Infra Octavam Assumptionis BMV.
46. De Beata Maria V. Tempore Nativitatis.
47. De Beata Maria V. In Circumcisione Domini.
48. De Beata Maria V. Inter Natale et Purificationem.
49. De Beata Maria V. a crastino Circumcisionis usque ad Purificationem.
50. De Beata Maria V. Tempore paschali.
51. ln festo de Quinque Gaudiis BMV.
53. De Beata Maria V. et de Sancta Cruce.
55. Alia prosa de beata Maria.
100. D. ss. Agricola et Vitale.
101. De sancto Anatolio Salinensi.
102. De sancto Anatolio Salinensi.
103. De 8S. Andochio, Thyrso, Felice.
106. In Translatione s. Andreae.
107. De sancto Angelo Custode.
115. De sancto Antonino Martyre.
118. De sancto Augustino, patre nostro.
131. De sancta Balthilde. Privatis diebus.
148. De sancto Desiderio Ep. et M.
156. In Octava divi Ferreoli Mart.
159. De s. Plorentio episcopo Cadurcensi.
161. De s. Gaucherio Anreliensi.
162. De sancto Gaugerico Cameracensi.
164. In festo miraculorum beatae Genovefae.
169. De s. Germano Antisiodorensi.
172. De ss. Gervasio et Protasio.
173. De ss. Gervasio et Protasio.
174. De ss. Gervasio et Protasio.
177. In Ordinatione s. Gregorii.
178. De s. Guillelmo Pictaviensi.
189. In Natali ss. Innocentium.
192. De s. Iohanne Baptista. In Octava.
196. In Decollationes. Iohannis B.
197. In Decollatione s. Iohannis Baptistae.
198. De s. Iohanne Evangelista.
199. De s. Iohanne Evangelista.
200. De s. Iohanne Evangelista.
201. De s. Iohanne Evangelista.
202. In s. Iohannis ante Portam Latinam.
203. In s. Ismidonis, Ep. Diensis.
205. De s. Iuliano Brivatensi.
206. De s. Iuliano Cenomanensi
207. De s. Iuliano Cenomanensi.
226. In Revelatione s. Lazari.
227. In Translatione s. Lazari.
229. De sancto Leone Baionensi.
238. In Translatione s. Luciani.
260. In Translatione s. Martini.
261. In Translatione s. Martini.
265. In Receptione Brachii s. Manritii.
271. In Revelatione s. Michaelis.
272. In Translatione s. Moderanni.
273. SS. Nazarii et Celsi in festo rosarum.
277. De sancto Paulo Leonensi. Dominica infra Octavam.
278. In Translatione s. Pauli Leonensis.
281. In sancti Petri ad Vincula.
282. In sancti Petri ad Vincula.
284. De ss. Philippo et Iacobo.
287. In Inventione S. Quintini M.
288. De ss. Ravenno et Rasipho.
291. In Inventione Reliquiarum Baiocensium.
297. De sancto Roberto. In Octava.
300. In Translatione s. Romanae V. M.
301. De ss. Sanctiano et Sociis.
304. De ss. Saviniano et Potentiano.
313. De ss. Sidrach, Misach, Abdenago.
318. De sancto Stephano. In Octava.
319. In Inventione s. Stephani.
320. In Translatione s. Stephani.
327. De s. Thoma Cantnariensi.
328. De s. Thoma Cantuariensi.
334. De s. Valeria Leniovicensi.
3S6. De s. Victore Archiacensi.
337. De s. Victore Massiliensi.
1 a. Adludamus
Et agamus
Diem festum hodie,
1b. Praecinentes,
Succinentes
Christo, regi gloriae.
2 a. Delectemur,
lux instat rosea,
Fulget dies
per orbem aurea
Hodierna.
2 b. Gloriemur
per haec sollemnia
In Domino,
qui regit omnia
Vi paterna,
3 a. Quae sunt caelestia
Vel quae terrestria
Discretis ritibus,
3 b. Alternans tempora
Et arcens aequora
Certis limitibus.
4 a. Qui divinis
venustans species
4b. Et astrorum
disponens series
5 a. Rerum nectit
decenter foedera,
Nova creans,
conservans vetera,
Semper dives.
5 b. Cuius iugo
subduntur infera,
Ubi mortis
potentis dextera
Damnat cives.
6 a, Omnis enim condicio
In eius est arbitrio.
6 b. Tanta sane et talia
Et plura quaedam alia
6 c. Cernens eius insignia,
Quae nescit homo qualia.
7 a. Tota caeli frequentia
Magna plaudit laetitia
Et intra vitae climata
Quieta colit sabbata.
7 b. Ibi patrum nobilia
Pollent rite praeconia,
Et David regis tympana
Mera frequentant organa.
8 a. Illic famosi principes,
In fine mundi iudices,
Arces tenent aelhereas,
8 b. Et animosi milites
Delectantur ac virgines
Gestantes torques aureas.
9 a. Ibi bonus rex praefatus
Suos regit equitatus,
Quos eduxit miseratus
De mundi nequitia;
9 b. Sub quo mire decoratus
Martyr Stephanus ornatus
Primos agit consulatus
Castra servans regia.
10 a. Hic triumphali gloria
10 b. Bella gessit erilia.
11a. Cuius de capite
Nec parvus perit capillus,
11b. Verum mirifice
Praeclarus comit lapillus.
12 a. Quanta sint ibi gaudia,
Quanta sanctorum gloria,
12 b. Nulla valet facundia
Exprimere per omnia.
13 a. In illa regis curia
Dona dantur egregia,
Ornamenta regalia,
Serta imperialia,
Divitiarum copia.
13 b. Quanta sit regis dignitas,
Erga nos quanta caritas,
Novit sancta virginitas,
Per quam descendit deitas,
Ut ascendat humanitas.
14 a. Unde laetis visibus
Insistentes cantibus,
Modulatis vocibus
Resonantes dulciter,
Iubilemus pariter
Laude speciosa.
14 b. Laus ad finem ducitur,
Quae sic pulchre canitur,
Christus benedicitur,
Cui sit victoria,
Virtus, honor, gloria
Lausque gratiosa.
15. Ecce, prout quivimus,
Concinne cecinimus,
Modulos exsolvimus,
Quos, dum nunc concludimus,
Votum, famen
Claudat Amen.
821. In Translatione s. Stephani.
1 a. Post triumphum summi regis
Quasi ducta zelo legis,
Manens in perfidia,
1b. ludaeorum gens iniqua
Non recessit ab antiqua
Patrum inclementia.
2 a. Sed plebs Dei iam crescebat,
Stepbanusque faciebat
Signa et prodigia.
2 b. Vir levita, plenus Deo,
Dei miles, et in eo
Fides et constantia.
3 a. Insurgebant viro Dei
Disputantes pharisaei,
Quos sub ignorantia
3 b. Clausit Deus pro peccatis,
Nec illuxit excaecatis
Vera sapientia.
4 a. Destillabat os levitae
Favo dulci, verbis vitae,
Spiritali gratia
4b. Inspirante, quod dicebat,
Cur reniti non valebat
Turba sibi conscia.
5 a. Ergo plebem commoverunt
Et mendaces statuerunt
Testes de blasphemia,
5 b. Quibus armis, in quem morem,
Prius mundi salvatorem
Gens damnarat impia.
6 a. Surgunt prius ipsi testes,
Saxa legunt, ponunt vestes
Sauli sub custodia,
6 b. Manus eius retardante,
Ipsum sibi reservante
Dei providentia.
7 a. Sed iam martyr intuetur,
Quae certando promeretur,
Paradisi praemia.
7 b. Dum in eum turba stridet,
Caeli patent, Deum videt
Certus de victoria.
8 a. Consolatur spem victoris
Pugnae finis et laboris,
Christus stans in gloria;
8 b. Holocaustum tam insigne
Purgat terra, probat igne,
Trahit ad sublimia.
9 a. Dum revelat visionem,
Premunt aures ad sermonem
Aspidis astutia
9 b. Infideles et inuncti,
Dissipati nec compuncti
Fremunt in nequitia.
10 a. Ab iniquis lapidatur,
Sacrum caput vulneratur
Lapidum duritia.
10 b. Erat miles rubicundus,
A mundana sorde mundus,
Supplex ad supplicia.
11 a. "Iesu", dixit, "hocpeccatum
Ne sit illis deputatum,
Subsequatur venia".
11b. Et haec dicens obdormivit
In eodem, in quo vivit,
Deo placens hostia.
12 a. Ergo, pie miles Christi,
Tu, qui primus ascendisti
Domini vestigia
12 b. Perseverans in amorem,
Ipsum roga redemptorem
Nostra pro miseria.
13 a. Te rectore sic curramus,
Ut ad eum veniamus
Per haec transitoria,
13 b. Ut post brevem incolatum
Ad beatae pacis statum
Vocet nos in patria.