290. De sancto Regnoberto.

1 a. Gratuletur urbs insignis
Baiocarum colens dignis
Regnobertum laudibus,

1b. Vita cuius salutaris

Formam praebet exemplaris
Cunctis viatoribus.

2 a. In Nogrondi solo natus
Clara fuit educatus
Illustrique subole,

2 b. Delicatus adulescens,

Non ignavus, sed callescens
Modesta cum indole.

3 a. Obiere dum parentes,
Gazas possedit ingentes,
Larga simul praedia.

3 b. Baiocensis comes efficitur,
Cunctisgratusneculla fungitur
Vi vel violentia.

4 a. Viam sequens inhiantem
Vanitati praedicantem
Audit Exsuperium.

4 b. Novae legis seriem
Figit mentis aciem
Creditque mysterium

5 a. Oris prius his ignotum,
Cito poscens fore lotum
Baptismatis flumine.

5 b. Veritatem ut agnovit,
Totum Christo se devovit
Sacro tactus flamine.

6 a. Fidei zelans augmentum
Verbi divini talentum
Tota fudit patria.

Gb. Daemon furit et tabescit,
Christi cultus dum augescit.
Perit idolatria.

7 a. Exsuperio sepulto

Divino praesul indulto
Baiae fit ecclesiae.

7b. Subiectis praeest benignus.
Cui dant sanctitatis pignus
Signorum primitiae.

8 a. Videns namquecaecumstantem
Secus fanum, praestolantem
Daemonum subsidium,

8b. Regnobertus signo crucis
Illustrat exsortem lucis
Dans baptismi praemium.

9 a. Hostes urbem nunquamlaedunt,
Sed territi pugnae cedunt
Grata dantes foedera.

9 b. Ab ignium conflagrata
Semper eius deprecata
Fit civitas Ubera.

10 a. Naturae solvit ut iura,
Data tritici mensura
Mnam reddidit cum usura
Duplum nactus bravium.

10 b. O quam felix Regnobertus,
Dignus adire repertus
Virtutum dote refertus
Sanctorum consortium.

11a. Lustris quinque

lapsis quindecies
Adest bina

sanctoram acies,
Somnis hortans

Herveum pluries,
Ut corporum
sacra congeries
Transferretur.

11b. His neglectis

praesul cum socio
Furibundus

apparens tertio
Minas inferit;

tunc ministerio
Cleri fretus
paret imperio,
Dum terretur.

12 a. Gemmas bustis extrahentes
Comperere stupescentes
Has in fragranti latentes
Nec attrita casula.

12b. Ad propria remeantes
Ossa gestant modulantes,
Quos, ne turbent insectantes,
Densa tegit nebula.

13 a. Templa sanctis construuntur,
Quis devote condiuntur,
Caeci visu potiuntur,
Aegri multi consequuntur
Optata remedia.

13 b. Regnoberte, caeli civis,

Pollens tot praerogativis,

Cunctis ora pro captivis,

Ut praestetur salus vivis

Et defunctis venia.