254. De s. Maria Magdalena.

1 a. Sacra modo

tropaea pangamus,
Regi laudes

Domino canamus;
Occurrunt sollemnia.

1b. Claris erat

orta natalibus:
Patre Syro,

magnis parentibus,
Matre Eucheria.

2 a. Ubi rerum

est opulentia,
Subsequitur

magna iactantia,
Virtutum inopia.

2b. Deliciae,

forma, licentia
Et iuventus,
voluptas, copia

Attrahunt ad vitia.

3 a. Recordatur

egisse gravia,
Amisisse

caelorum gaudia
Ob scelera impia.

3 b. Quanto illa

erat foetidior,
Coram Deo

facta splendidior
Acta paenitentia.

4 a. Profitentur

quondam peccatricem
Et fuisse

illam meretricem
De qua evangelia;

4 b. Confitetur

egisse crimina,
Dum transiret
vitae discrimina
Per diversa devia.

5 a. Et frequentes

emisit singultus,
Prae pudore

confunditur vultus
Post multa suspiria.

5 b. Hic in mensa

Simonis sedente
Domum illam
adveriit repente
Magna verecundia.

6 a. Nam foetentem

fratrem suscitavit
Et sororem

Martham liberavit
Sanguinis profluvio.

6 b. Ut ungeret,

unguenta paravit,
Monumentum
adire curavit

Sub noctis silentio.

7 a. O mulier,

noli me tangere,
Quem videbis
postea scandere

Ad caelorum gaudia.

7 b. Per bis tria

lustra remanserat
Incognita

omnibus, fuerat
Terra procul alia.

8 a. O Maria

pia Magdalena,
Audi nostra

vota, laude plena,
Subvenias famulis.

8 b. Fere mersi

in mundi fluctibus
Confidimus

salvari precibus
In cunctis periculis.