10. In Inventione s. Crucis.

la. Vexilla

Christi refulgent

inclita

die hodierna,

1b. Cum valde
nobis colenda
recursant
crucis sollemnia.

2 a. Quae diu latuit,
gemma pretiosissima,

2b. Hac die claruit

signa per apertissima.

3 a. Constantini fluctuaret
dum mens anxia,

3b. Quod instabat, belli timens
infortunia,

4 a. Multa volvens crucis instar
signum videt factum caelitus,

4 b. Et cum signo recitatur
vox talis facta divinitus:

5 a. In hoc vinces,
Constantine ;

5 b. Crux est signum
triumphale.

6a. Vocem fides, nec est mora,
certa subsequitur:

6 b. Nam rex vincit, hostis vero
victus dispergitur.

7 a. Ubi vero sanctae crucis
virtus tam aperta
dignoscitur,

7 b. Regis mater regis iussu
Solymam Helena
ingreditur.

8 a. Ex milibus quam plurimis
Iudaeorum Iudas unus
asciscitur,

8 b. Ad monstrandum crucis lignum
siti, fame vique multa
compellitur.

9 a. Quo invento cum duobus
dum, quod esset,
rursus ambigitur,
Ecce, clara
crucis indicia:

9 b. Mox defunctus superiecta
Christi ligno
sospes erigitur.
Ergo signa
crucis victricia,

10 a. Cuius sunt in Christi
manibus expansis
expansa cornua,

10 b. Adoret plebs omnis
hodie devota
flectendo genua.

11a. Adoremus crucem,
in qua Christi
panduntur viscera;

11b. Collaudemus Christum,
qui per crucis
triumphat schemata.

12 a. O crux, signum
deicale,

12 b. O crux, lignum
typicale !

13 a. Quae per tactum interdictae
poena mortis pullulavit
arboris,

13 b. Arbor digna, vacuasti

mite pondus Christi gestans
corporis.

14 a. Cruciandis

quod ad poenam
fuit olim et crudele
suspendium,

14 b. Est salvandis
ad sulutem

iam per Christum et vitale
suffragium.

15 a. Iam nunc igitur crucis
laudabilia

15 b. Iubilemus ovantes
in praeconia;

16 a. Flagitemus

Iesu misericordiam,

16 b. Qui per crucis

nos redemit potentiam.

17 a. Nos conservet,
nos defendat
pius ab hostibus

17 b. Nobis semper
et ubique
insidiantibus.

18 a. Per quam fuit
nobis mortis
incussio,

18 b. Sit per crucem
nobis vitae
protectio.

19 a. Amen iucunda
sonet modulatio,

19 b. Amen dicamus

vocis cum tripudio,

20. Amen, Alleluia.