239. De s. Ludovico Rege.

la. Superni regis gaudia
Repraesentet ecclesia,

1b. Qui beatum Ludovicum,
Christi regni catholicum,

2 a. Perduxit ad caelestia
Confessoris sollemnia.

2 b. Hic est de quo catholici
Possunt dicere Gallici:

3 a. Nostra spes est et gaudium,
Amor et desiderium;

3 b. Rex est nostra medicina,
Fidei vera doctrina ;

4 a. Fons est verae pietatis,
Via viae veritatis.

4 b. De nobili progenie

Fuit natus rex Franciae.

5 a. Aegros sanat et sanavit,
Pauperes, orphanos pavit.

5 b. Rex succurrit inopibus,
Miris fulgens virtutibus.

6 a. Iustus iustitiarius,
In epulis egregius ;

6 b. Religiosis in vita
Loca fundavit inclita.

7 a. Rex parens subditus fuit
Et ecclesiam coluit:

7 b. Praelatis et baronibus
Amatus fuit omnibus.

8 a. Vias fecit custodiri,
In omnibus reperiri
Possunt sua facta bona;
Gaude, Franciae corona,

8 b. Quae per sanctum Ludovicum,
Confessorem et amicum
Dei, regnas in gloria,
Pro quo gaudet ecclesia.

9 a. Fulgent sua miracula
Per saeculorum saecula,
Deplusinplushaec resplendent,
Se ostendunt et ostendent.

9 b. Tamquam veri confessoris
Facta, plena Dei roris,
Sunt a Romana curia
Firma per privilegia

10 a. Papae et cardinalium
Rata sunt per consilium,

10 b. Octavi Bonifacii,

Papae Romae patris pii.

11a. Hic sanctus, cuius hodie
Celebramus solemnia,

11b. Iam revelata facie

Regem cernit in gloria.

12 a. Succursum detsanctaeterrae,
Qua discessit in oguerre,
Ubi Dei potentia

12b. Decessit rex Ludovicus,
Cuius fidei amicus
Modo regnat in gloria.