315. De sancto Stephano.

1. Tota debet exsultare
Et in laudem proclamare
Militans ecclesia:

2 a. Toti cedit, toti dedit

Belli ductum, palmaefructum
Stephani victoria.

2 b. Non ignara iam procedit
Ad conflictum, quempraecedit
Triumphantis gloria.

3 a. Docet formam dimicandi

Et insultus tolerandi

Sancti patientia.

3 b. Absque caudarepellivictimam
Necplacere vestembrevissimam
Ostendit constantia.

4 a. Hunc athletam rex virtutum,
Oportune delibutum
Unctione spiritus,

4 b. Ob insigne virium
Universi praemium
Aptavit exercitus.

5 a. Ardens [fidei] lucerna
Illustrabat in superna
Cuncta per circuitum,

5 b. Ardens intus caritate,
Foris lucens sanctitate
Iubar fudit inclitum.

6 a. Nequit clarum non lucere
Lumen, nequit non latere
Supra montem civitas,

6 b. Fugat sordes speciosa
Et non valet radiosa
Occultari sanctitas.

7 a. Fontes foras derivantur,
Et se dona protestantur
Spiritus in Stephano

7 b. Operando plebi signa,
Praedicando Deo digna
Oris eius organo.

8 a. Obsunt bona sed indignis,
Unde verbo, vita, signis
Offenduntur perfidi.

8 b. Sic Herodes propter stellam
Atque Iudas ob bucellam
Ligno peccant viridi.

9 a. Aures suas continendo,
Verbum vitae repellendo
Morem servant aspidis;

9 b. Caritati tam immensae,
Pietati sic impensae
Iactum reddunt lapidis.

10 a. Parum habent lapidari,
Nequeuntes satiari

Strident in hunc dentibus,

10 b. Tali gestu protendentes,
Quod plus volunt darementes,
Quam expleant manibus.

11a. Et ne labor sit hic vanus,
Quidam demens et vesanus
Singulorum ad hoc manus
Vestes servans provocat.

11b. Sed hunc, Dei vas electum,
Latens vinum atque tectum,
Ad salutem et profectum
Orbis tandem revocat.

12 a. Pugil noster indefessus
Inter iras et excessus
Ad superna suos gressus
Incessanter dirigit.

12b. Fundens preces cum cruore
Pio sui regis more
Intercedens pro tortore
Occidentem diligit.

13 a. Ergo tibi servientes

Redde grates et placentes,
Fac a dextris visum stare
Nos ad dextram collocare
Impetrando gratiam.

13 b. Iudicem fac oblivisci,

Quod pudor est reminisci,
Tibi cum simus addicti,
Fer opem, ut benedicti
Vocemur ad gloriam.