176. De sancto Golvino.

1 a. Gratulemur, Leonia,
De Golvini historia
Et eius miraculis.

1 b. Praesul sanctus, egregius,
Gloriosus, eximius
In Odena nascitur.

2 a. Fontis vena aperitur,
Unde puer renascitur,
Et purgantur infirmi.

2 b. Domuncula construitur,
Frigus intus non sentitur
Nec venti concussio.

3 a. Caseos tres mire mutat
In lapides tres, refutat
Mulier erogare.

3 b. Terram mutat hic in auram
Cumulans Dei thesaurum:
Cruces, clochas, calices.

4 a. Leoniam

praedarunt Forenses,
Victoriam

tenuit per enses
Eveni exercitus.

4 b. Per Golvinum

noxios percellit,
Bona rapta

reddere compellit,
Exstirpatur pagani.

5 a. Quantum potest circuire
Uno die ac finire
Evenus, contulerit;

5 b. Muri terrae eriguntur,
Ubi pedes gradiuntur,
Exstat apparentia.

6 a. Christianus confitetur
Se peccasse, obrueretur
Ferre paenitentiam

6b. Golvino sic: Retardari,
Mors hunc cepit, defraudavi
Socium velle suo.

7 a. Ait sanctus: Corpus porta
Trahens humo, id in sporta
Romam vere baiulans ;

7 b. Leve pondus invenies,
Cum occisis sepelies.
Fama Romae notuit.

8 a. Paralysis naturalis
Pellitur universalis
A pedibus filiae;

8 b. Mulierem fracto crure
Liberare fuit curae
De profundo marino.

9 a. Ter scinditur die festi
Pannus disponendus vesti
Golvini, remittitur;

9 b. Forfex baeret huic manui,

Dissolvi nequit; cultui

Intendit, liberatur.

10 a, Vir in foro equum emit ;
Deviavit equus, fremit,
Vovit ipsum praesuli;

10 b. Domum venit, qua non fuit,
Sancti virtus edomuit,
Quod prius perierat.

11a. Sed bulliens corrumpere
Cartam aqua nec delere
Literas nec infringere
Signa cerae potuit.

11b. Aquam fontis vult bullire
Igne tenso, homo mire
Cor temperat mentis dirae,
Quod nequit, sed tepuit.

12 a. Equus potans mox sanatur,
Omnis languens hinc curatur,
Cum mens sancto conformatur
Fundens preces Domino.

12 b. Quaedam domus comburitur,
Puer intus non laeditur,
Ipse salvus invenitur
Golvino conservante.

13 a. Vir iumentum nequam rapit,

Caecitatem fine capit,

In asyli malum sapit,

Iram sancti mox obcapit,

Patitur ultionem.

13 b. Iesu, nostri miserere,
Pastor bone, nos tuere
Et pacem nobis insere,
Cum angelis fac gaudere
Golvini suffragiis.