96. De sancto Affrodisio.

1 a. Pangat plausus huius chori
Laudes Christo salvatori
Celebri tripudio,

1 b. Qui per gustum mortis almae
Immortalis dedit palmae
Munus Affrodisio.

2 a. Hic vocatus ex Aegypto,

Sicut habes in rescripto,

Mare transit typicum,

2 b. Veri consors Israelis

Vir praeclarus, vir fidelis,
Spernit orbem lubricum.

3 a. Nam cum suae larvas urbis
Confregisset coram turbis
Virtus Christi pueri,

8 b. Dux accessit non ut ultor,
Sed ut novus Dei cultor
Festinaret fieri.

4 a. Divae legis exsecutor,
Praeco, verae pacis tutor,
Petri comes et adiutor
Venit Antiochiam.

4b. Romae post haec ordinatus
Et a Petro delegatus
Vir in cunctis adprobatus
Visitavit Galliam.

5 a. Animarum lucra quaerens
Et morborum pestes terens,
Dei verbum late ferens,
Promotus a Sergio,

5 b. Bicterrense servat solum,
Baptizatis pandit polum,
A dolosis pellit dolum
Verbi beneficio.

6 a. Perseverans in doctrina,
Piae vocis disciplina
Plebem servans a ruina,
Diem clausit ultimum.

6b. Corpus terrae commendatur
Viri sancti, consecratur
Christo flamen, a quo datur
Omne datum optimum.

7 a. O stupenda nimis ira,

Quam non cavit plebs delira,
Hanc monstrarunt docti mira
Flaminis praenostica.

7 b. Ruunt aedes exsecratae,
Res delentur indilate,
Dilatatur patens late
Praesulis basilica.

8 a. Ecce, lux est reconcessa,
Daemon pulsus ab obsessa
Corpus reddit liberum ;

8 b. Caecis datur lux serena,
Ulcerosis salus plena
Tersis venis ulcerum.

9 a. Usu linguae iam recepto
Gaudent famine adepto
Piscatores littore;

9 b. Anus, puer et puella
Liberantur a procella
Mortis sano corpore.

10 a. Ergo, pater et patrone
Affrodisi, pastor bone,
Pontifex egregie.

10 b. Ora Christum redemptorem,
Ut supernum nobis rorem
Det in regno gloriae.

97. De sancto Agapito.

la. Purpurata

martyrum sanguine
Gratuletur
in Christi nomine
Ecclesia.

1b. Veneremur

illum praecipue,
Qui curavit
. mortis perpetuae
Contagia.

2 a. Cuius clementia,

Collatrix veniae,
Lapsis a gratia
Contulit gratiae
Salutare donum.

2 b. Oblatas hostia

Salutis ostium
Surrexit, ostia

Confringens hostium,
Deus ultionum.

3 a. Talem secatus praevium
Inspiratur divinitus,
Dum per tormenta praemium
Sibi quaerit Agapitus.

3 b. Puer infra trilustrium,

Mente tamen emeritus,
Sese in sacrificium

Offerre non est veritus.

4 a. Miles mentis intrepidae,
Praesente constans praeside,
Sub praesidis tyrannide
Pugnat viriliter.

4 b. Fidem docet et praedicat,
Sed innocentem iudicat
Et iustum poenis adplicat
Iniustus arbiter.

5 a. Ignis patibulum.

Poenarum genera
Sunt illi pabulum.
Sunt illi munera
Gratiosa.

5 b. Tandem carnificum
Exhaustis stadiis
Fremit non modicum
Gens in supliciis
Studiosa.

6 a. Finem accelerant

Ministri scelerum,
Poenas reiterant
Torquentes iterum
Agonistam fortem.

6b. Iam vitae perpetis
Adpetens praemia
Te, martyr, adpetis
Inter supplicia

Gustaturum mortem.

7 a. Martyr Agapite,
Truncaris capite
Dans Deo spiritum.

7b. Perenni gloriae
Compensas hodie
Carnis interitum.

8 a. Tibi post mortem vivitur,
In Christo vivis, igitur
Imploramus,

8 b. Ut apud summum iudicem
Te benignum opificem
Sentiamus.

98. De sancta Agnete.

1 a. Diem festum celebremus
Et Agnetis recitemus
Virginis martyrium.

1b. O res nimis admiranda
Atque virtus praedicanda
Populis fidelium.

2 a. Annis tribus atque decem
Non peractis subit necem
Aetate tam tenera.

2 b. Haec praefectinatumsprevit
Nec promissis adquievit
Mundi spernensprospera;

3a. Sed respondet fide fortis:
"Vade retro, fomes mortis,
Meque noli tangere;

3. Coniuncta sum pulchriori
Longeque te meliori
Sempiterno foedere."

4 a. Qui post dolens lecto datur,
A. medicis revelatur,
Quod amore premitur.

4 b. Cuius pater hoc audito
Sisti sibi iubet cito

Agnem, quam adloquitur.

5 a. Primo profert blandimenta,
Post baecpromittit tormenta
Sibi dari nimia.

5 b. Sed tormentis non terretur
Nec blandimentis movetur
Virginis constantia.

6 a. Nudam iubet spoliari,

Scortum factam proclamari ;
Complent iussa famuli.

6 b. Clamant Agnem sceleratam,
Ad lupanar praeparatam
Sciant omnes populi.

7 a. Christus texit hanc suorum
Densitate capillorum
Melius quam vestibus.

7 b. Leno vadit, locum adit,
Suffocatus statim cadit
Captus a daemonibus.

8 a. Virgo prece patris orat,
Gemit, plorat et implorat
Vitam reddi filio.

8 b. Surgit ille laudans Deum,
Se fatetur esse reum;
Sed Agnes Aspasio

9 a. Crucianda commendatur,
Ignis ingens mox paratur,
In quo virgo ponitur.

9 b. Statim flamina se divisit,
Illibatam hanc dimisit,
Perversa gens uritur.

10 a. Post baec virgo decollatur,
Corpus terrae commendatur,
Caelo reddit spiritum.

10 b. Ubi lucem suis donat

Christus et quemque coronat
Iuxta suum meritem.

11a. Quo possimus ipso duce
Cum Agnete frui luce
Per eius suffragia,

11b. Ut cum ipsa super caelos,
Ubi dulce sonat melos,
Cantemus Alleluia.

99. De sancta Agnete.

la. Ad Agnetis decorem
Exaltemus honorem
Salutaris gratiae,

1 b. Quae contra saecli morem
Despexit mundi florem
Cum foeno miseriae.

2 a. Haec superbi clamorem
Contrivit et amorem
Totius vesaniae.

2 b. Haec veste denudata
Mox est circumvallata
Divina caesarie.

3 a. Hanc nec locus foetoris
Nec filius praetoris

Nec mors terret patriae.

3 b. Tu consors angelorum
Stans in acde polorum,
O decor munditiae.

4 a. O fons virginitatis,

Quae gaudes cum beatis,
Da lumen prudentiae.

4b. O rosa castitatis,
O decus puritatis,
Da ius temperantiae.

5 a. O datrix probitatis,
Et verae sanctitatis,
O lux patientiae.

5 b. Da spiritus ardorem,
Dona manus vigorem,
O norma iustitiae.

6 a. O aurea castitas,
O immensa bonitas,
O vas opulentiae,

6 b. Tu regi cohabitas

Reddens laudes debitas,
Cantica laetitiae.

7 a. O Agnes dulciflua,
O stella lnciflua,
O flos regis gloriae.

7 b. Per tua suffragia
Confer vera gaudia,
Opes pudicitiae.