54. De Beata Maria V.

1 a. Ad caeleste convivium

Accedamus omnes una,

1b. Ut conferat remedium

Nos recreans lux divina.

2 a. In deserto sequi Iesum

Nostra nequit debilitas,

2 b. Spiritalem nobis esum

Si non ministret deitas.

3 a. Sed et, quia non fortia

3 b. Sustinemus cibaria,

4 a. Lac quaeramus,
Lac det nobis
Mater redundans gratia;

4b. Lac quaeramus,
Lac sit nobis

Salvatoris infantia.

5 a. Plures fratres:
Unus frater

Inter omnes amabilis
Ex Maria.

5b. Plures matres:
Una mater

Super omnes laudabilis
Est Maria.

6 a. Infantulus ex utero,
Puerulus in gremio,
Coaequalis altissimo:
O quam felix puerpera !

6 b. Supinus in praesaepio,
Supernus caeli solio,
Coaeternus patri Deo
Matris sugit ad ubera.

7 a. Portat mater, quo portatur
totius mundi machina:

7 b. Onus dulce dulci matri,

sedplus honor quamsarcina.

8a. Putas, quid mentis habuit
Felix mater, dum premeret
Genas genis

Et labiis labiola?

8 b. Quid animi matris fuit,

Dulcis puer dum necteret
Collum matris
Iniciens brachiola?

9 a. Sugit Iesus lac de matre,
Qua lactante plus pascitur
Sugens lac,
quam mel de petra.

9 b. O quam felix os Mariae,
Quod ori Dei iungitur,
Dum nato
figit oscula !

10 a. O felices matris manus
et oculi et brachia,

10 b. Quibus tenet, quibus videt,
quibus stringitDei membra .

11a. O Mariae felix sinus,

felix venter, felix mamma,

11b. Quo clauditur, quo nascitur,
qua nutritur talis gemma !

12 a. Patris splendor, patris summi
virtus et sapientia,

12b. Matris decus, matris suae
sublimitas et gloria.

14 a. Sublimis humilis,
De sublimi

respiciens humilia,

14 b. Humilis sublimis,
Ex humili
nos traxit ad sublimia.

15 a. Ecce, dum lac cupivimus,
Lacte panem infregimus,
Quem dedit eius gratia,

15 b. Qui panis est angelorum ;
Qui refectio sanctorum,
Nostra sit laetitia.

16 a. O Maria, dux in via,
O beata nati nata,
O formosa plus quam rosa,
O benigna, laude digna,
Interpella, Dei cella,
Deum caeli
pro nobis sedula.

16 b. Virgo parens, palma florens,
Florens palma, Mater alma,
Mater casta, nobis asta,
Nobis fave per suave
Tuum Ave, nosque fove
Dans sub alis
tuis umbracula.