220. De sancta Katharina.

1 a. Ave, virgo generosa,
Katharina, rubens rosa,
Candorisque Ulium.

1b. Ave, gemma pretiosa,
Ave, virga fructuosa
Hortulani cordium.

2 a. Plantatoris in hac planta,
Salvatoris in hac sancta
Collaudetur bonitas;

2b. Istam decet venerari,
Istam debet honorare
Humana fragilitas.

3 a. In fervore spiritus
Sibi dato caelitus
Irruit in regem ;

3 b. Nec stupet nec metuit,
Sic errantem arguit
Christi servans legem.

4 a. Haec est legis aemulatrix,
Haec errorum confutatrix
Tollens idolatriam,

4 b. Haec rectorum superatrix,
Veritatis praedicatrix
Pandensque vitae viam.

5 a. Clausa fame cruciatur,
Sed a cibo sustentatur
Iussa Dei munere ;

5 b. Caeli luce confortatur

Et a Christo visitatur

Existens in carcere.

6 a. Quam felix Katharina,
Ope fulta divina,

Quam potens eulogio I

6b. Eius namque doctrina
Quam plures cum regina
Credunt et Porphyrio.

7 a. Rotas idem rex crudelis
Addit, sed virtus de caelis
Frangit opus impii.

7 b. Celsa demum martyr alma
Mortem subit, sic cum palma
Decedit martyrii.

8. O quam probat carnis florem

Corpus eius dans liquorem

Cum cruore lacteum.