115. De sancto Antonino Martyre.

1 a. Antonini divi, signis
Et virtutibus insignis,
Laudes pangat contio.

1b. Ex civibus Apamiae,
Urbis minoris Asiae,
Fuit ipsi natio.

2 a. Florem tantum Apamia,
Quam amnis secat Marsia,
Tranquillum progenuit.

2b. Is genere spectabilis
Infans in fide stabilis
Christum sequi voluit.

3 a. Deum summum praedicando
Climata praeteriens,
Fidem semper illustrando
Martyrium sitiens,

3 b. Siti cum aestuans esset,
Virga terram percutit;
" Sitfons", orat, "qui non cesset",
Iuges aquas excutit.

4 a. Salutis clarus signo
Sanctus nutu divino
E pago peregrino
Redire monetur.

4 b. Suam praedixit mortem,
Animum parat fortem,
Intra Christi cohortem
Perfidis tenetur.

5 a. Offert ultro se, caeditur,
Tandem capite plectitur
Secus amnem Marsiam.

5 b. Quem in flumen demerserunt,
Aquae cursu discesserunt
Fideles per gratiam.

6 a. Cum sanguine compererunt
Corpus, quod inde traxerant,
Ut decore ponerent.

6 b. Devote sepelierunt,

Sed dum caput diu quaerunt,
Hortantur, ne quaererent.

7 a. Quod ab angelis locatur
In navim, ut deducatur
Vallem usque Nobilem.

7 b. Iu Garonna cum subsistit,
Ab hoc cursu tum desistit
In Tharvem spectabilem.

8 a. Cum ad Festum
venit generosum

Virum caput,
a quo pretiosum

Habitandum

sanctus speciosum

Petierat,

Festus sumptuosum
Templum huic dedicat.

8 b. Carducorum

altare sistitur,

Quod in templum
Stephani vehitur,

A vaccis

indomitis ducitur,

Tandem caput
superimponitur,
Quo locus emicat.

9 a. Collaetentur Apamia,
Baiocensis ecclesia
Et Vallis Nobilis pia
Propter sancti pignora.

9 b. Daemoniaci sapiunt,
Caeci visum recipiunt,
Surdastri demum audiunt ;
Quaevis sanat corpora.

10 a. Esto salus

hic te colentibus,
Antonine,

cunctis fidelibus,
Te vocantes

devotis mentibus
Exaudito,

reple virtutibus
Et gratia,

10 b. Ut te semper

regno, quo frueris,
Venerari

mentibus liberis
Ac animo

saeclis et posteris
Possint regnis
locati superis
In gloria.