169. De s. Germano Antisiodorensi.

la. Felix germen, o Germane,
Nomen geris non inane,
Nam virtutis salvificae
Germen profers magnifice.

1b. Antisiodori natus,
Parentibus procreatus
Fuisti nobilissimis
Cultuque praeclarissimis.

2 a. Tu primitus oberrasti,
Cum iuventam inclinasti
Ad caduca et mundana
Illa sequens mente vana.

2 b. E vestigio adultos,
Omni scibili suffultus,
Suscepisti gubernandam
Burgundiam ac ducandam.

3 a. Regis interim maxime
Autritum quam tenerrime
Prae ceteris diligebas
Et praesentia ditabas.

3 b. Sanctus huic erat Amator
Praesul fidei zelator,
Qui te sibi successurum
Dixit et pie victurum.

4 a. Inde ad Deum conversus
Et a mundanis reversus
Presbyter ab eo factus
Viam es perfectam nactus.

4 b. Mirum in modum uxorem
Commutasti in sororem;
Bona spargis in pauperes,
Deo ut dives fieres.

5 a. O quis quibit recensere
Et quae carta continere
Assiduas vigilias
Et tuas abstinentias?

5 b. Nullum unquam condimentum,
Non vinum, non salsamentum
Sumpsisti neque legumen
Non vel corporis tegumen.

6 a. Brevi somno indulgebas,
Sed tunc mente vigilabas
Superiacens cilicio
Et stratu cinericio.

6b. En, saepius in lacrimas
Eesolvebaris maximas
Crucifixum corde ferens,
Reliquias collo gerens.

7 a. Referre virtntes quaero,
Quas maior effectus clero
Episcopus perfecisti,
Imitator factus Christi.

7 b. Transis nempe in Angliam
Ad pessimam Pelagiani
Haerisin perabolendam
Et fidem doces tenendam.

8 a. Hospitium Parisius

Habens, semper mente pius,
Genovefam sanctam nosti,
Virginem Christo sacrasti.

8 b. Infirmatus hospitio
Ignis flagrat colluvio,
Domus per tua merita,
Qua stabas, est custodita.

9 a. Et ecce, cum transfretasti,
Pictos Anglia fugasti
Et Saxones ut signifer
Crucis quoque vexillifer.

9 b. Repente iubes clamare
Christianos et cantare;
Sic hostes sine sanguine
Vincuntur mersi flumine.

10 a. Ortum item pesti ferum
Dogma inibi haeresum
Denuo illuc profectus
Omnes corrigis defectus.

10b. Regis Christi te famulum
Monstras vocans discipulum,
Tumulo cum te adfatur,
Esse bene se testatur.

11a. Dum ad Anglos praedi cares
Ad bonumque provocares,
Regis vafri duritiam
Concrepas et ignaviam.

11b. Illum deicis e throno,
Subulcum nutu divino
Pro illo regem statuis,
Qui te pavit de pascuis.

12 a. Nam vitulum saginatum
Pro te neci destinatum

Prece fusa destinasti,
Matri suae redonasti.

12 b. Illud quoque quam mirandum,
Quam magnum, quam praedi-
candum
Recolens quis non stupescat
Et mente sua dulcescat ?

13 a. Sanctum vocas Cassianum
De tumulo Eduanum;
Dicit se fruens quiete
Cum Christo Iesu perpete.

13b. Placida, regina pia,
Te vocavit e Galia,
Delectata sanctitate
Tua atque pietate.

14 a. Rusticum profectus portas,
Cum fasce collo transportas,
Torrentem dum pertransires,
Caritatem ne nescires.

14 b. Exspectatum Ravenates
Te suscipere magnates
Cum regina et populo
Obviant Dei famulo.

15 a. Delatum tibi mortuum
Asinum resuscitasti,
Oblatum equum optimum
Pauper Christi refutasti.

15 b. Instante vitae termino

Finem tuum cognovisti
Et revelante Domino
Caelum exsultans petisti.

16 a. Cunctis mortem horribilem
Obis, sed venerabilem,
NamadDeumrectepergis,
Dum vitia sub te mergis.

16 b. Ad dicendum non sufficit
Tempus, quinimo deficit,
Tua facta recitare,
Quae nullus quiret narrare.

17 a. Tres mortuos suscitasti

Vivens adhuc in corpore,
Aegros claudos relevasti
Omni depulso torpore.

17 b. O quam magnum te praedicat
Basilica consecrata,
Et beatum notificat
Gleba tui reportata!'

18 a. Repulsiones daemonum
Referre si decernerem
Sanitatesque hominum,
Sub onere deficerem.

18 b. Unum te precor, Germane,
Qui pie invocantibus
Te subvenis tam humane,
Meis adesto precibus.