14. De sancto Ambrosio.

. In 1, Vesperis.

R. Illustrat mundi climata
Librorum epigrammata

Ambrosius per diversa,
Dogma dando plebi sanum
Omne resecat profanum

Recolligens diversa,
V. Conscripta sequens

mente, non corpore tepens
Et facultatem

cleri vertit in utilitatem.

Ad Magnificat.

A. Veneremur laetabundi
Doctorem Ambrosium,
Qui scripturas per profundi
Cordis illustrat studium,

Veteris qui testamenti
Simul novi rudimenti

Glossator est praecipuus,

Caeli scrutator arduus,
Lucens polo quasi stella

Radio lucifluus ;
Per huius festa nobis praesta

Cum coetu credentium,
Iesu, vere te videre

In terra viventium.

Ad Matutinum.
Ihvitatorium.
Sono vocis corde vatis

Hymnis laudemus Dominum,
Qui electum caelo vectum
Glorificat Ambrosium.

In 1. Nocturno.
Antiphonae.

1. Mirabilis Ambrosium
Deus mirificavit,
Cuius dulce eloquium
Per apes figuravit.
2. Cum sorori dexteram ludens
Porrigeret ad osculum,
Praefiguravit adulescens
Futurum se episcopum.
3. Conspicuus discipulus
causarum liberalibus
Factus orator insignis
est coram tribunalibus.

Responsoria.

1. Nobili ortus genere

Ex praefectorum sanguine

Ambrosius consulatum
Obtinuit, ut regeret
Provincias et subigeret
Praetoris agens statum,
V. Iudicio causas

rerum pensaret et aequo.

2. Nuperrime defuncto
Arriano episcopo

Antistes Mediolani
A cuncta plebe creatur,
Sed renitens exaltatur
Rebellione inani ;
V. Ecce, neophytus

praesul sublimatur invitus.
3. Nactus antistitium
Resecat omne vitium

In populo dilatatum,
Ambrosius verbo rexit,
Qui et exemplo allexit
Populum sceleratum,
V. Ostendit infectam

fidem Christi praeter rectam.

In 2. Nocturno.
Antiphonae,

1. Dum ad Romam remeavit
Ambrosius trans Tiberim,

Veste sua tunc curavit
Aegram passam paralysim.
2. Luxit cohors Arriana
Puellae mortem peste
Subita, quae hunc vesana
Manu traxit sanctum veste.

3. Christus reginae furorem
Iustinae compescuit,
Dum praesul invasorem
Ad exsulandum censuit.

Responsoria.

1. Illustrando disputatur,
Arrianus impugnatur,
Resistit Ambrosio,
Sed cum angelum adstantem
Cernit ei susurrantem,
Evanuit rebellio ;
V. Beatam fidem

Christi post coluit idem.

2. Reginae malus satelles,
Actus exercens imbelles
Ense, manu obriguit;
Missus daemon, sed inane,
Praesuli nec appropinquare
Audet, nam ignem timuit,
V. Ubi Iesus pastorem

defendit et eius honorem.

3. Venerandus pater sanctus
Sic vigiliarum planctus

Instituit observari
In ecclesiaque hymnos
Pius suo Deo dignos
Praecepit decantari ;
V. Eructat hymnista

laudes Domini cum psal-
mista.

In 3. Nocturno.

Antiphonae.

1. Imperator Theodosius
Multotiens excessit,
Ob hoc eum Ambrosius
Ab ecclesia repressit.

2. Christi adeunt doctorem
Persarum sapientes,
Qui solvendo quaestionem
Lustrabat eorum mentes.

3. Sacra colens Victoriae
Imperatorisque natus
Pro cultu idolatriae

A praesule est condemnatus.

Responsoria.

1. Nuncupatur Florentia
Urbs florens in Tuscia,

Ubi sanavit obsessum,
Qui post cum vitam exhalaret,
Praesul orat, ut suscitaret
Infantem matris decessum ;
V. Ecce, Elisaei

signum conceditur ei.

2. Catechismi epistolam
Ad Fidegilem reginam

Misit praesul in patulo,
Mulieri fidem suadet,
Ut et cum rege pacem daret
Romanorum populo;
V. Romae pax civibus

fit multis cum Marcomannis.

3. Orationum egregius
Salvatur Theodosius

Ambrosii precatibus,
Nece sternitur Eugenius,
Ecclesia liberius

Gaudet immunitatibus,
V. Episcopi prece

noxii liberantur a nece.

In Laudibus.

Antiphonae.

1. Ieiunans orat

praesul, pro crimine plorat,
Vigilias celebrat,

sic nocte dieque laborat.

2. Ecclesiae bona

pauperum convertit in dona
Et miles nudi

sequitur vestigia Christi.

3. Mortem praedixit

paschae, quo tempore vixit,
Et de morte viri

doluit praesul maxime sancti.

4. Dictando psalmum

quadragesimum tertium al-
mum
Rapuit, operuit

ingens et hymnos intravit.

Ad Benedictus.

A. Benedictus Ambrosius
In extremo mortis positus

Praedixit successorem.
Non erubescens vivere
Nec piguit descendere

Ob fidei amorem,
Sed laeto vultu,
Humili cultu

Suscepit hic viaticum
Et cathedratus
Pueris est ratus

Aut ut sidus eptaticum,
Nam post mortem electorum
Factus civis et angelorum.

In 2. Vesperis.
Ad Magnificat.

A. Post transitum victoris
Vigent in diversis horis

Virtutum miracula,
In Florentia orare
Visus est iuxta altare

Obsessorum piacula,
Remanet in patulo,
Terra percussa baculo

Signat locum victoriae,
Urnam parat detrahenti,
Hic nos de statu flenti

Ducat ad regem gloriae.