34. De sancta Apollonia.

In 1. Vesperis.
Ad Magnificat.

A. Magnificavit animam
Virginis cantantis
Christus, suum dominum

Digne collaudantis,
Per quam fidem ecclesiae
Servet militantis,

Laetatur et exercitus
Chori triumphantis.

Ad Matutinum.

Invitatorium.

Regem caclestis curiae,
Vexillum Apolloniae,
Quam summae duxit gloriae,
Venite adoremus.

In 1. Nocturno.
Antiplionae.

1. O martyr Apollonia
Cum magnificentia
In caelis es elevata.
2. Sancti soror Laurentii,
virgo gloriosa,
In sole fixit tabernaculum
martyr gratiosa.

3. Innocens manibus
Virgo, Deo grata,
Ignis in caloribus
Fuit cruciata.

Rcsponsoria.

1. Creatrix et deica

lux et increata,
Relativo radio

characterizata,
Martyr Apollonia

quam fide formata
Recognovit iugiter

poenis lacerata,
V. Nobis iam fidelibus

sit praeconizata,
Cunctis in articulo

mortisque clamata.
2. Cyrillus Christi virginem

affectans violare,
Quam precibus et pretio

promisit se dare,
Sed velut polus arcticus

immobilis constare
Se fixit Apollonia

pro Deoque certare,
V. In quo tyrannus nequiter

decrevit conspirare,
Corpus eius praecipiens

Gaio laniare.

3. Felix et ingenua

virgo flagellata,
Carceris ergastulo

diu mancipata
Ac ibidem poenae

famis deputata,

Diem post trigesimum

est liberata;
V. Haec refecta caelitus

sicque confortata.
Ut nil appareret,

quio sit sanata.

In 2. Nocturno.
Antiphonae.

1. Eructavit cor devotum

Verbum bonum, non remotum

A Dei iustitia,
Huius gemma pretiosa
Sponso suo gratiosa

Fidei constantia.
2. Deus noster, refugium,
Virtus et adiutorium

In tribulatione,
Deduxit Apolloniam
Ad fidei constantiam

In concrematione.
3. Fundamenta montium
Deum contemplantium

Sanctis deputata,
Nunc regnat in aetbera

Ibique elevata.

Responsoria.

1. In Babylon de Iudaea
Per capillum capitis
Danieli ferebatur
Habacuc,
Ex meritis Apollonia
Per capillos suspensa
Cerniturque illaesa,
Sic evasit poenas
Baal militis.
V. Diem festum celebrantes,
qui Deum diligitis,
In honore sanctae,
sicque salvi eritis.

2. O quam probat sanctam Dei
labiorum sectio,
Sospitati dat et aegros
dentium excussio,

Immanis perfidorum

atque malleatio,
Dum ab ea fit confessa

fidei religio ;
V, Virgo Christi sic cucurrit

in praesenti stadio,
Ut nunc sanctis societur

triumphali bravio.
3. Igni virgo deputata,
Sed in nullo concremata

Fit Messiae gratia,
Quam dilectam tunc vocavit
Et cum sanctis coronavit

In caelesti patria,
Ignis ictu excaecata
Gens exspirat et prostrata

Cyrilli potentia;
V. Cuius pater hoc edicto
Deo nostro derelicto

Ductus est dementia.

In 3. Nocturno.
Antiplonae.

1. Cantate cuncti noviter
In terra habitantes
Hoc festum Apolloniae
Devote celebrantes.

2. Laetentur terrae et insulae
Cum Deo regnante,
Triumphum Apolloniae
Condigne praemiante.
3. Cantate novum canticum
Mirauda facienti,
Qui nefas malleantinm
Destruxit vi potenti.

Responsoria.

1. Corpus sanctae virginis

manens inhumatum
Lupis est et canibus

statim deputatum,
Noctis in silentio

sed fuit furatum,
Per matronam cautius

in cista collocatum,

V. Quod metu disposuit

Lugduni translatum,
Ut ibidem merito

foret tumulatum.
2. Refulsit sol in clipeos

aureos colore,
Quo fortitudo gentium

sternitur timore,
Sic sol in Apolloniae

iustitiae decore
Fulsit inardenter

ducta Dei amore,
V. Ac mens principatuum

concutitur pavore,
Dum in eis obviam

habet in maerore.
3. Turbae pavent gentilium,
Dum vernat sicut lilium

Laus virginis beatae,
Quae passa fuit hodie
Pro fide regis gloriae

Monte Thabor translata ;
V. Sit deprecatrix veniae
Flos rubens Alexandriae

Pro nobis indilate.

In Laudibus.

Antiphonae.

1. Deus regnans, Dominus,
indutus decorem
Nobis huius tribuat
virginis amorem.
2. Iubilate, terrae
omnes inquilini,
In honore sponsae
foederis divini.

3. Deus, qui me lotam

post lucem vigilantem
Ac pro tua pietate

salvasti fluctuantem,
Salva plebem
hoc festum celebrantem.
4. Benedicant opera
Dei creatorem,

Qui dat Apolloniae
sanare languorem

Dentium, Mei

fit hoc ad decorem.

5. Laudent Deum fluctuantes,
In procellis naufragantes

Ex terroris pulsibus
Et ad litus remeantes,
Corpus huius deportantes

Sanctis suis precibus.

Ad Benedictus.

A. Benedictus Israelis
Deus adoretur,
Corpus Apolloniae
qui Thabor tuetur

Illicque cotidie

Languidos medetur,
Sibi laus et gloria

sine fine fundetur.

In 2. Vesperis.
Ad Magnificat.

A. Magnificat anima

mea iam salvatorem,
Sic cuilibet catholico

qui robur et vigorem
Porrexit Apolloniae

per fidei fervorem,
Dum hac die martyrii

adepta sit virorem.