38. De sancto Arnoldo.

In 1. Vesperis.
Antiphonae.

1. Laetare, mater ecclesia,
Nova promens cantica
In beati Arnoldi memoria.

2. Fulsit clarus e Graecia,
Sanctus in Germania,
Gaudet in caeli gloria.

3. Gloriam laudis

Christi devotus extulit
Et labentis florem mundi
Deo gratus obtulit.

4. Paradisi sitientem
Christus indeficientem
Ad fontem vocat hodie.

5. Iam caeli scandit agmina
Citharoedus ad gaudia
Laudum canens praeconia.

Ad Magnificat.
A. Magnificat sanctus Arnoldus
mente pia Dominum
Laetum in Deo salutari (suo)

semper gerens spiritum,
Quem supernorum
Iunxit turmis civium
Christus, salus omnium,
Qui sit suorum
Semper dux fidelium.

Ad Matutinum.
Invitatorium.

Voce, voto, corde toto

iubilemus Domino,
Qui sanctorum sociavit

Arnobium consortio.

In 1. Nocturno.

Antiphonae.

1. Beatus vir, qui meditatur
Legem Dei et plantatur
Velut lignum fructificans
In tempore.

2. Sanctitatis semitas
laetus apprehendit,
Hereditatem postulans
caeli gaudia conscendit.

3. Ardenti desiderio

clamavit ad Dominum,
Qui de monte sancto suum
exaudivit famulum.

Responsoria.

L Imperator dum praeclarus

Monarchiam dignitatis

Carolus moderatur,

Vir clarus

E Graecia, citharoedus

In aula collaetatur,
V. Virtute pollens mira

Christi nutu beatus

Arnoldus.
2. Cum in citharoedum

Ad regii fastum decoris

Reciperetur Arnoldus,

Velut David

In citharis variis

Musicorum artibus

Aures regis demulcebat.
V. Prudens ac laetus Christi

Syphoniam dulci

Modulabat sono

In citharis suis.

3. Considerabat mundi verus
Christicola vanitatem,
Sacra sequens dogmata
Amplecti studuit pietatem.

V. ''Hic accipiet benedictionem et
misericordiam a Domino in
aetemum.''

In 2. Nocturno.

Antiphonae.

1. Exquisivit pura mente

Sanctus Arnoldus Dominum

Et dedit illi gustum

Christus suavissimum.
2. Protexit sanctum suumDominus

A coetu malignantium,

Ideo laetatur iustus

In terra iubilantium.
3. Beatus, quem elegisti, Domine,

Ut habitet in atriis tuis

Et decantet hymnum gloriae.

Responsoria.

1. In pauperum pauperiem
Direxit oculorum aciem
Vir Dei suavissimus
Et quod arte conquirebat,
Large sparsit omnibus.
V. ''Manum suam aperuit inopi
deditque quod datum est illi.''

2. In clangente mentis chorda
Sanctus ille citharoedus
lubilabat Domino,
Dulce melos dulci sono
Decantans in tripudio.
V. ''Exsultavit cor eius in iubilo
et in ore eius Christi collau-
datio.''

3. Sanctus athleta Domini,
Arnoldus, dum peregre
Sancti proficiscens
Iacobi visitare
Limina decrevisset,
Gerundae stans in litore
Preces fudit ad Dominam,

Ubi per miraculum
Mortis sanctitatisque suae
Accepit indicium.
V. ''Innocens manibus et mundo
cor demisericorditer deprecatur.''

In 3. Noctum o.

Antiphonae.

1. Introivit in atria Dei
Vir mitis et sanctissimus,
Ubi semper iucundatur
Cum caelorum civibus.

2. Exsultent Sion filiae
Te laudantes, Domine,
Qui tuo confers hodie
Sancto coronam gloriae.

3. Notum facis, Domine,
Salutare tuum,
Dum sancto tuo tribuis
Caelorum habitaculum.

Responsoria.

1. Accessit ad Carolum,
Regem serenissimum,
Vir Dei, plenus spiritu

Pietatis,
Prece sua incolarum
Relevans inopiam

Paupertatis
Et lignorum obtinet
Dono copiam

Largitatis,
V. Regis procumbens pedibus
Sacris profusis imbribus
Humiliter deprecatur.

2. Optavit sanctus Domini

requiem post laborem,
Incensus efferbuit

spiritus per ardorem
Et caelestis appetit

curiae decorem.
V. Respexit considerationis

oculis in creatorem
Et in maiestatis

suae splendorem.

3. O virtutum ineffabilis
Cultor Dei pretiose,
Civis caelestis patriae,
Arnolde, tamquam cedrus
Libani crescens in altum,
Caeli culmina transcendis
Protege beneficiis
Tuos, quos gratiarum
Meritis incendis.

V. Ora pro populo tuo
Et universis gentibus
Invocantibus
Nomen tuum in veritate.

In Laudibus.

Antiphonae.

1. Induit decorem Dominus
Et praecinxit sanctum suum
Arnoldum virtutibus.

2. Laudavit

Nomen Christi assidue
Et magnificavit
Illud in confessione.

3. Effudit in lacrimis
Animam in nocte
Et labiis exsultationis
Glorificavit Deum.

4. Benedixit illi

Dominus in aeternum
Et testamentum pacis
Posuit super eum.

5. In citharis benesonantibus
Sanctus laudat citharoedus
Dominum.

Ad Benedictus.

A. O caelorum oriens,
Christe, rex omnipotens,
O sanctorum gloria,
Mundi salus et victoria,
Lux et decus firmamenti
Qui dedisti populo degenti
Beatum Arnoldum
Sanctitatis merito
Colendum,
Illius iuvamine
Gressus nostros
In viam pacis dirige.

In 2. Vesperis.
Ad Magnificat.

A. Exsultet sancti Amol di
Spiritus in Domino,
Quem in caeli
Beavit Christus atrio,
Ubi semper erit
Laus et iubilatio ;
O patrone,
Dux et custos bone,
Sancte Arnolde,
Tuos iuva famulos
Semper prece sedula
In saeculorum saecula.