41. De sancto Athanasio.

In 1. Vesperis.
Antiphonae.
1. Sacerdotis

aeterni bonitas
Matris votum

in Athanasio
Sic acceptat,

ut morum claritas
Dignum promat
hunc sacerdotio.
2. Dum captis ab hostibus
Dat redemptionem,
Reparat in civibus
Congregationem.
3. Dispersit hic pauperibus
Construens xenodochium,
Cuius alantur fructibus,
Ipsisque sit hospitium.

4. Sedens cum principibus

Solium honoris
Tenet et in civibus

Vinculum amoris.
5. Omnes gentes,

laudate Dominum,
Qui coronam

dat Athanasio,
Digne gaudet

hic coetus hominum,
Pastor fruitur

caelesti gaudio.

Ad Magnificat.
A. Magnificavit humilem

Christus dignis prodigiis,
Dum odorem mirabilem
Eius dat ex reliquiis
Cunctisque venerabilem
Exhibet beneficiis.

Ad Matutinum.
Imitatorium.
Caelestis collegii

Regem adoremus
Et in Athanasii
Festo iubilemus.

In 1. Nocturno.
Antiphoiiae.

1. Lignum virens, irriguum
Fluente doctrinarum,
Fructum vere proficuum
Ex se produxit clarum.
2. Princeps iugum abiciens
Frustra persequebatur,
Cui de sursum prospiciens
Virtus committebatur.

3. Milia persequentium

Percussit rex caelorum,
Hunc adiunxit perspicuum
Collegio sanctorum.

Responsoria.

1. Vas insigne,

vas auri solidum,
Vas gemmarum

ornatu fulgidum,
Cunctis fudit

dulcorem sapidum,
Cunctis spirat

odorem placidum ;
V. Vita, virtus,

doctrina, ratio
Mire fragrant

in Athanasio.
2. Ut parentum

voto promittitur,
Scholis puer

et clero iungitur,
Sacerdoti

summo committitur,
Cuius sacros

mores amplectitur ;'',
''V. Votum Christo

gratum sic patuit,
Nam oblatum

ad summa statuit.
3. Levitatus

agens officium
Arcem capit

virtutum omnium,

Mitis, prudens,

castus ad solium
Praesulatus

scandit concivium ;
V. Urbs cum clero

repletur gaudio
Tanti patris

fulta solatio.

In 2. Nocturno.
Antiphonae.

1. Scitote nunc, populi,
Quantum mirificatur,
Cuius ad tactum oculi
Caecus illuminatur.
2. Iustus benedicitur,
Sanctus coronatur,
Hic scuto protegitur,
Sursum honoratur.
3. Hic super ecclesiam
Praesul constitutus
Honorem et gloriam
Simul est indutus.

Responsoria.

1. Praesulatus

suscepto pondere
Sponsam pressam

bardorum scelere
Sic instaurat

divino munere,
Ut in cunctos

posset effundere ;
V. Aedes sacras,

clerum, coenobia
Nova struxit

et xenodochia.
2. Mentis custos

carnem ieiuniis
Ac flagellis

passim afficiens,
Nocte vacans

iuge vigiliis
Orat Christum

sursum aspiciens,

Sic altaris

sacris mysteriis
Mundus instat

mentem reficiens ;
V. Plebis causam

dignis officiis
Praesul agit

in se suscipiens.

3. Ducis nequam protervia

Pulsus invictus perstitit,
Lacessitus iniuria

Bona pro malis praestitit,
Dum in hostem sententia

Quod solveretur institit ;
V. Nam dum hostis

spirat nequitiam,
Sanctus illi

impetrat gratiam.

In 3. Nocturno.
Antiplionae.

1. Ingressus tabernaculum
Praesul immaculatus,
Quietis habitaculum
Tenet glorificatus.

2. Pretiosi Iaspidis
Serto coronatur,
Dum probati lapidis
Fide roboratur.
3. Accepit dominicam
Benedictionem,
Ducens hic angelicam
Conversationem.

Responsoria.

1. Dum a sede

summa revertitur,
Nexu carnis

sanctus absolvitur,
Terras tradens,

quod inde sumitur,
Caelo reddit,

quod Christo iungitur ;
V. Odor carnis

post lustrum nimius

Monstrat, sanctus

quam sit eximius.
5. Caecis visus,

surdis auditio,
Claudis gressus,

mutis locutio,
Daemonicis

hostis expulsio
Conferuntur

sancti praesidio ;
V. In salutem

languores transeunt,
Morientes

in vitam redeunt.

3. O quam claris

splendet miraculis
Praesul sanctus,

gaude Neapolis,
His protecta

tu propugnaculis
Non timebis

ab hostis iaculis ;
V. Super nivem

a cunctis maculis
Candidaris

atque piaculis.

In Laudibus.
Antiphonae.

1. Ex eius sacris artubus
Odor exhalavit,
Cuius semper in actibus
Dominus regnavit.

2. Iubilate nunc cognito
Praesulis beneficio,

Deo dicate reddito
Demptae vocis officio.
3. Ad te de luce populi
Vigiles elevantur,
Virtute cuius oculi
Caeci illuminantur.
4. Benedicamus Dominum,
Cuius virtute datur
Sanctis, ut membris hominum
Daemon abiciatur.
5. Laudate devotius

Dominum de caelis,
Cui nunc Athanasius
Corregnat fidelis.

Ad Benedictus.
A. Benedictus

redemptor omnium,
Qui festivum

dat nobis gaudium,
Dum ad caeli

sublime bravium
Sanctum vocat

post cursus stadium.

In 2. Vesperis.
Ad Magnificat.

A. O pontifex egregie,

O sacerdotum gloria,
Athanasi, vas gratiae,

Tua per patrocinia
Obtine nobis hodie

Dei beneficia
Et post huius miseriae

Cursum aeterna gaudia.