42. De sancta Barbara.

In 1. Vesperis.

Antiphonae.

1. Gratulemur regi digna

Psallentes praeconia,

Qui ditavit sic per signa

Barbaram insignia.

2. Haec praeclara stirpe clara

Decus mundi respuit,

Gaudens gnara Christi cara

Paupertatem coluit.

3. Nondum apta viri voto

Mentem caelo reddidit

Et sic totam corde toto

Sese Deo subdidit.

4. Sic exculta multo flore

Sponsa Sion floruit

Et praeceptis miro more

Se divinis tribuit.

5. Quanto plus electa Dei

Malis mundi premitur,

Tanto magis summae spei

Gaudiis invehitur.

R. Laus perennis gloriae

Regi saeculorum,

Qui invexit hodie

Coetibus polorum

Parvulam eximio

Regni ornans solio ;

V. Haec attente, virgines,

Cordibus signate,

Cunctis istam coruscare

Signis fecit Dominus.

Ad Magnificat.

A. Adest dies gratialis,

In qua martyr triumphalis

Fastus stravit verticem,

Minas hostis evellendo,

Torques eius conterendo

Caeli scandit apicem.

Eia, sponsa Salomonis

Veri, sidus lucens thronis,

Te poscentes assumtis,

Quia respexit humilem

Rex a thronis famulam,

Te beatam dicimus,

Sis pro nobis, quaesumus.

Ad Matutinum.

Imitatorium.

Regi sponso iucundemur

Psallantesque veneremur

Barbaram cum gloria.

In 1. Nocturno.

Antiphonae.

1. Subiecisti sub pedibus

Eius idolatriam,

Tu, qui regnas caelos ornans

Hnius mundi latriam.

2. Hanc auro solis vestiens

Novo figuras calamo,

Tamquam sponsus gaudens

Sponsam conducis thalamo.

3. Haec innocens manibus

Voto, signis claruit

Et cultibus inanibus

Resistens Deo paruit.

Responsoria.

1. Dum in granum nondum recens

Barbara maturuit,

Mittens manum virgo decens

Vana templi destruit,

Huius vitae semper rite

Fata spernens vilia,

V. Sic virtutum sumpsit scutum

Debellando vitia.

2. Ordinatam in structuris

Turrim fecit construi

Et quadratam in figuris,

Cui iubet imbui

Generosam pater rosam,

Plebem dolens perfrui

V. Eius forma venustatis,

Sed decenter potestatis

Tenet in custodia.

3. Hanc invitam maritali

Iungi petit copula,

Sed renitens voto tali

Stat constanter parvula,

Iussa patris exsecrando

Et futuris inhiando

Detestatur singula.

V. Rore caeli fecundata

Contra vanos excitata

Se obumbrat clipeo.

In 2. Noctum o.

Antiphonae.

1. Femur cingit gladio,

Dum decurrit stadio

Mundi pellens vitium,

Sic exspectat bravium.

2. Arcum fregit et subegit

Ignibus periidiae,

Arma, scuta, quibus tuta

Lues erat nequitiae.

3. Portas Sion patefecit,

Fundamenta dum perfecit,

Scandens super sidera.

Responsoria.

1. Peregrinos sumens vultus

Pater pergit peregre

Ad profanos tendens cultus,

Dum puella cernere

It cancellos, vidit, binos

Turris in cacumine,

V. Sic invitis iubet addi

Tertium structoribus.

2. Pater dum revertitur,

Mox de causa quaeritur

Trium cancellorum;

Stant structores exclamantes

Et puellam incusantes

Simul commissorum,

V. Quam commotus pater totus

Dioscorus aggreditur.

3. Dum perquirit rei causam,

Nullam trahit virgo pausam,

Sed constanter loquitur:

Tres sunt mundum illustrantes

Et stellarum regulantes

Cursum et, quod tegitur

V. Firmamenti tam decenti

Sub stellato cardine.

In 3. Nocturno.

Antiphonae.

1. Dii gentium sophistici

et omnes daemoniaci,

Est, qui trinus regnat unus

rector orbis caelici.

2. Confundantur, qui laetantur.

Laudibus sculptilium,

Vivit pater, cui sacer

Servit grex fidelium.

3. In tubis ductilibus

buccinet exercitus,

Caelo quia Barbaram

coronavit Dominus.

Responsoria.

1. Hoc mirandum cernite,

Quanto sapientiae

Parva dono floruit,

Dum sigillum trinitatis

Cordi formam imbuit ;

V. Hanc dat pater flagellari

Et angusto mancipari

Montis in tugurio.

2. Hinc adflicta presentatur

Praesidis aspectui,

Sed libare dedignatur

Idolorum cultui,

Huius carnem lacerari

Et in arta vinculari

Rursum iubet clausula,

V. Deum orat et irrorat

Lux de caelo, cuius velo

Sanatur paupercula.

3. Praeses videns hanc sanatam

Diis adscribit gloriam,

Virgo Dei hinc nudatur

Et per vicos trahitur,

Orat et per angelum

Suscipit induvium;

V. Sic tyranno redditur

Et in monte plectitur

Virgo gloriosa.

In Laudibus.

Antiphonae.

1. Praecinxit ingenuam

Dominus splendore,

Dum firmavit thronum eius

aureo fulgore.

2. Sternit in laetitia

cervicem agnella,

Sic plectentis sascipit

gladii flagella.

3. Haec palmae victoriam

fortiter adivit,

Dum tortorum stimulos

ferventer sitivit.

4. Vidit Deus opera,

Quae faciebat tenera,

Propterea benedixit

Eam in saecula.

5. Triumphavit hodie

Barbara fidelis,

Iuvenes et virgines,

laudate Dominum de caelis.

Ad Benedictus.

A. Salutem eeclesiae

Deus instillavit,

Cornu, quod erexerat,

Groliae dum prostravit,

Et de Babyloniae

Castris triumphare

Suam fecit hodie

Famulam, regnare

Sine metu nos cum coetu

Sinat angelorum.

Per Horas.

Ad Primam.

A. Cum esset clausa carcere

Virgo martyrque Barbara

Dilacerata corpore

Propter acerba verbera,

Venit hanc Iesus visere

Luce splendens siderea,

Qui tactu carnis tenerae

Sanavit eius vulnera.

Ad Tertiam.

A. Virtus tua, Iesu Christe,

rex acternae gloriae,

Mihi praestet idolatras

me vexantes vincere,

Tu scis enim, quod sim nupta

tibi casto corpore

Et conservo tibi fidem

corde, ore, opere.

Ad Sextam.

A. Corpus sequuntur aquilae

Pulli lambentes sanguinem,

Currunt postes conspergendo,

Se cruore perfundendo

Libant agni dulcedinem ;

Sic regina condemnatur

Et in agro victimatur

Martyr Christi, Barbara.

Ad Nonam.

A. Per desertum Babylonis

Rosa florens aquilonis

Praeservata in acie,

In vireto visionis

Iam triumphat Salomonis

Informata gratiae;

Virgo martyr, solio

Sita, uncta oleo,

Nulla spirans inopia

Lascivit messis copia.

In 2. Vesp eris.

Ad Magnificat.

A. Rex in cena virginali

Sedens vocat Barbaram:

Laude plena triumphali

Sponsa, veni, lauream

Flore rosae sanguiuatam

Et candore dealbatam

Stolam primam accipe,

Adornatam te caelorum

Incessanter angelorum

Concentus magnificat.

AdminBookmark

R. Barbara, virgo Dei veneranda, locum requiei,

Quem possedisti moriens pro nomine Christi,

Obtineas genti te puro corde colenti.

V. ''Quae oculus non vidit nec auris audivit nec in cor

hominis ascendit.

''In D steht an dieser Stelle das folgende:

E. O Barbara, martyr sancta conspectuque beata,

Cum prece devota famulantum suscipe vota,

V. Iam Christo iuncta sponsoque tuo sociata.

AdminBookmark

Laudes Deo assidue

Iubilemus laetitiae,

Qui perennis gloriae

Coronam reddit (dedit G) Barbarae.

Ein auderes Invitatorium hat D:

Adoremus regem regum devotissime,

Qui Barbaram martyrem invitavit ad gloriam.

AdminBookmark

Solis tabernaculo

Christus decoratam

Tamquam sponsus de thalamo

Produxit hanc ornatam.

AdminBookmark

Caelo quia Barbara

Coronatur gloria.