Acta Apostolicae Sedis - Commentarium Officiale740

CONGREGATIO DE CAUSIS SANCTORUM

FAVENTINA et MUTILENSIS

Beatificationis et canonizationis Servae Dei Cleonildis Guerra, Christifidelis laicae

(1922-1949)

DECRETUM SUPER VIRTUTIBUS

« Apud Iesum dolores esse desinunt, quia spinae rosae fiunt, cruces gau-

dia, tribulatio cibus, mors dulcedo ».

Verba haec, quae ad quendam amicam scripserat Cleonildis Guerra,

ostendunt eius rationem vitae, quoniam ipsa, omnino Deo dicata, fecit ut

innumerae tribulationes, quibus cruciata est, instrumentum essent ad artius

vinculum cum Eo firmandum et sic adimplenda in propria carne ea quae

desunt passionum Christi pro Ecclesia (cf. Col 1, 24).

Haec fidelis Domini discipula ortum habuit in oppido vulgo San Potito,

dioecesis Faventinae, die 30 mensis Ianuarii anno 1922 ex operaria familia.

Praesertim mater eius christianam curavit institutionem. Perquam iuvenis

assidue paroeciam frequentavit. Debili utebatur valetudine, quod quidem

aequanimiter patiebatur.

Consecratam vitam affectans, mense Martio anno 1943 ingressa est Con-

ventum urbis Luci Dianae, apud Ancillas Sacri Cordis Iesu Agonizantis,

ibique noviciatum iniit. Statim eminuit fervore quo amplexa est spiritum

reparationis, qui proprius est Instituti, et promptam laetamque sese mani-

festavit ad quodlibet explendum officium sibi creditum. Elapso tamen unius

fere mensis spatio, relinquere debuit communitatem ob adversam valetudinis

condicionem. Idcirco resumpsit officium suum in paroecia, nigrum pro-

bandarum induens vestimentum, veluti signum suae Domino oblationis. In-

gressa est Tertium Ordinem Franciscalem et ferventem frugiferamque apos-

tolicam navavit operam apud Actionem Catholicam. Commissum est ei mu-