Acta Apostolicae Sedis - Commentarium Officiale742

Operata est suiipsius immemor et in abscondito versans, et ne aegre quidem

tulit rudiora explere opera.

Ineunte anno 1949 valetudinis condiciones ingravescere coeperunt, qua de

causa, in valetudinarium excipi debuit. Nedum sese animo deprimeret, hanc

novam tribulationem serene obiit, dolores reputans veluti donum. Immo, in

valetudinario degens, assidue orare perrexit et opus apostolatus exercuit.

Singulae eius actiones collustrabantur et firmabantur spe aeternae beatitu-

dinis, quam tandem Dei Serva attigit die 19 mensis Maii anno 1949.

Ob diffusam sanctitatis famam, Episcopus Faventinus inchoavit Causam

beatificationis et canonizationis, Inquisitionem dioecesanam celebrans annis

1983-1985, cuius iuridicam validitatem Congregatio de Causis Sanctorum

adprobavit, decretum edens die 20 mensis Maii anno 1988. Apparata Positio-

ne, disceptatio facta est de virtutibus heroico in gradu a Dei Serva exercitis.

Prospero cum exitu, die 27 mensis Septembris anno 2005 actus est Con-

gressus Peculiaris Consultorum Theologorum. Patres Cardinales et Episcopi,

in Sessione Ordinaria die 16 mensis Ianuarii anno 2007 congregati, audita

relatione Ponentis Causae, Exc.mi D.ni Petri Georgii Nesti, C. P., Archi-

episcopi emeriti Camerinensis-Sancti Severini in Piceno, agnoverunt Servam

Dei Cleonildem Guerra theologales, cardinales eisque adnexas virtutes heroi-

cum in modum excoluisse.

Facta demum de hisce omnibus rebus Summo Pontifici Benedicto XVI

per subscriptum Cardinalem Praefectum accurata relatione, Sanctitas Sua

vota Congregationis de Causis Sanctorum excipiens rataque habens, hodierno

die declaravit: Constare de virtutibus theologalibus Fide, Spe et Caritate tum in

Deum tum in proximum, necnon de cardinalibus Prudentia, Iustitia, Tempe-

rantia et Fortitudine, iisque adnexis, in gradu heroico, Servae Dei Cleonildis

Guerra, Christifidelis laicae, in casu et ad effectum de quo agitur.

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 1 mensis Iunii A. D. 2007.

Iosephus card. Saraiva Martins

Praefectus

L. e S. e Michaël Di Ruberto

archiep. tit. el. Biccarensis a Secretis