Acta Apostolicae Sedis - Commentarium Officiale750

Extrema profecto verba, «Deus, Deus, Deus », ferventer et amanter dicta,

piissimam huius virginis conversationem mirabili clausula cumularunt.

Sanctitatis fama, qua Dei Serva in hoc saeculo claruit, post obitum eius

valde increbruit. Eapropter in Episcopali Curia Novariensi Informativus

Processus ab anno 1956 ad annum 1959 conditus est, Rogatoriali Processiculo

Mediolanensi a die 10 mensis Aprilis ad diem 17 mensis Iunii anno 1959,

insuper celebrato. Postquam vero Causa per decretum die 4 mensis Decem-

bris anno 1980 latum introducta est, Apostolicus Processus ab anno 1984 ad

annum 1987 in Episcopali Curia Novariensi factus est. Quorum omnium et

singulorum Processuum vim iuridicam agnovit Congregatio de Causis Sanc-

torum per decretum die 9 mensis Decembris anno 1988 latum. Positione

confecta, Consultorum Theologorum Peculiaris Congressus, qui die 19 mensis

Maii anno 2006 habitus est, favorabilem suam sententiam aperuit. Patres

denique Cardinales et Episcopi, in Ordinaria Sessione quae die 19 mensis

Decembris eodem anno gesta est, Exc.mo Petro Georgio Silvano Nesti, C.

P., Camerinensi-Sancti Severini in Piceno emerito Archiepiscopo, Causae Po-

nente, agnoverunt Matrem Mariam Catharinam a Iesu Infante theologales et

cardinales iisque adnexas virtutes, heroicum quidem in modum, exercuisse.

Facta demum de hisce omnibus rebus Summo Pontifici Benedicto XVI

per subscriptum Cardinalem Praefectum accurata relatione, Sanctitas Sua,

vota Congregationis de Causis Sanctorum excipiens rataque habens, hodierno

die declaravit: Constare de virtutibus theologalibus Fide, Spe et Caritate tum in

Deum tum in proximum, necnon de cardinalibus Prudentia, Iustitia, Tempe-

rantia et Fortitudine eisque adnexis, in gradu heroico, Servae Dei Mariae Ca-

tharinae a Iesu Infante Lavizzari (in saec.: Aloisiae), Priorissae Benedictina-

rum a SS.mo Sacramento Adorationis et Reparationis Perpetuae Monasterii

Ghiffae ad Runchum, in casu et ad effectum de quo agitur.

Voluit autem Sanctitas Sua ut hoc decretum publici iuris fieret et in acta

Congregationis de Causis Sanctorum referretur.

Datum Romae, die 1 mensis Iunii A. D. 2007.

Iosephus card. Saraiva Martins

Praefectus

L. e S. e Michaël Di Ruberto

archiep. tit. el. Biccarensis a Secretis