Congregatio de Causis Sanctorum 759

Anno 1920 propter tumorem acerbos animadvertit stomachi dolores, quos

mira pertulit serenitate. Die 27 mensis Septembris eiusdem anni, intercessio-

nem Sanctissimae Virginis ferventer invocans, in domum Patris transiit.

Diffusam ob sanctitatis famam, Episcopus Iaciensis Causam beatificatio-

nis et canonizationis inchoavit celebratione Processus Ordinarii (1946-1950).

Praeterea 9 celebrati sunt Processus Rogatoriales. Iuridica validitas omnium

Processuum per decretum diei 20 mensis Iunii anno 1986 a Congregatione de

Causis Sanctorum est recognita. Parata Positione, disceptatum est, ut fieri

solet, an Servus Dei virtutes heroico modo exercuerit. Congressus, positivo

cum exitu, habitus est peculiaris Consultorum Theologorum, die 12 mensis

Octobris anno 2005. Patres Cardinales et Episcopi in Sessione Ordinaria diei 6

mensis Februarii anni 2007, relatione audita Ponentis Causae, Exc.mi Domi-

ni Hieronymi Grillo, Episcopi emeriti Centumcellarum-Tarquiniensis, edixe-

runt Dei Famulum Ioannem Baptistam Arista virtutes theologales, cardina-

les iisque adnexas heroicum in modum exercuisse.

Facta demum de hisce omnibus rebus Summo Pontifici Benedicto XVI

per subscriptum Cardinalem Praefectum accurata relatione, Sanctitas Sua

vota Congregationis de Causis Sanctorum excipiens rataque habens, hodierno

die declaravit: Constare de virtutibus theologalibus Fide, Spe et Caritate tum in

Deum tum in proximum, necnon de cardinalibus Prudentia, Iustitia, Tempe-

rantia et Fortitudine, iisque adnexis, in gradu heroico, Servi Dei Ioannis Baptis-

tae Arista, e Congregatione Oratorii S. Philippi Nerii, Episcopi Iaciensis, in

casu et ad effectum de quo agitur.

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 1 mensis Iunii A. D. 2007.

Iosephus card. Saraiva Martins

Praefectus

L. e S. e Michaël Di Ruberto

archiep. tit. el. Biccarensis a Secretis